AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Tirumala: అద్భుతాల నిలయం తిరుమల శ్రీవారి ఆలయం.. ఒక్కో మండపం వెనుక ఇంతటి చరిత్ర ఉందా?

Tirumala Mandapams Stories Telugu: తిరుమల శ్రీవారి ఆలయం అద్భుతమైన శిల్పకళా సంపదకు, ప్రాచీన చరిత్రకు నిలయం. మహాద్వారం, కృష్ణరాయ మండపం, రంగనాయక మండపం నుంచి ఆనంద నిలయం వరకు ఆలయంలోని ఒక్కో నిర్మాణానికి ప్రత్యేకమైన చరిత్ర, ఆధ్యాత్మిక విశిష్టత ఉన్నాయి. ఆ విశేషాలు ఇప్పుడు తెలుసుకుందాం.

Tirumala: అద్భుతాల నిలయం తిరుమల శ్రీవారి ఆలయం.. ఒక్కో మండపం వెనుక ఇంతటి చరిత్ర ఉందా?
Tirumala Mandapams Stories Telugu
Rajashekher G
|

Updated on: Nov 18, 2026 | 9:37 PM

Share

Tirumala Mandapams Stories Telugu: తిరుమల శేషాచలగిరులపై కొలువుదీరిన కలియుగ ప్రత్యక్ష దైవం శ్రీ వేంకటేశ్వరస్వామి ఆలయం అద్భుతమైన శిల్పకళా సంపదకు, ప్రాచీన చరిత్రకు ప్రసిద్ధి. ఈ ఆలయంలోని ప్రతి మండపం, ప్రతి స్తంభం, ప్రతి శిల్పం వెనుక ప్రత్యేకమైన చరిత్ర, ఆధ్యాత్మిక విశిష్టత ఉన్నాయి. ఎన్నో రాజవంశాల రాజులు, రాణులు, సేనాధిపతులు, భక్తులు శ్రీవారి ఆలయ అభివృద్ధికి విరాళాలు అందించారు. ఆలయంలో ప్రధానంగా మూడు ప్రాకారాలు ఉండగా, ఆభరణాలు, వస్త్రాలు, పూలమాలలు, చందనం భద్రపరచడానికి ప్రత్యేక గదులు ఉన్నాయి. లడ్డూ ప్రసాదం తయారీకి పోటు, స్వామివారి నైవేద్యాల కోసం ప్రత్యేక వంటశాలలు ఉన్నాయి.

  1. మహాద్వారం: శ్రీవారి ఆలయ ప్రధాన ప్రవేశ ద్వారాన్ని మహాద్వారం అంటారు. 13వ శతాబ్దంలో దీనిని నిర్మించినట్లు శాసనాల ద్వారా తెలుస్తోంది. ఇక్కడి కుడి గోడపై అనంతాళ్వారులు ఉపయోగించిన గునపం ఇప్పటికీ భద్రపరిచి ఉంది.
  2. కృష్ణరాయ మండపం: మహాద్వారం లోపలి భాగంలో 16 స్తంభాలతో ఈ మండపం నిర్మించారు. ఇందులో శ్రీకృష్ణదేవరాయలు, ఆయన భార్యలు తిరుమలదేవి, చిన్నాదేవి విగ్రహాలు ఉన్నాయి. అలాగే విజయనగర రాజులు అచ్యుతరాయలు, చంద్రగిరి రాజు వెంకటపతిరాయల విగ్రహాలు దర్శనమిస్తాయి.
  3. రంగనాయక మండపం: శ్రీరంగనాథ యాదవరాయలు 1310–1320 మధ్య ఈ మండపాన్ని నిర్మించారు. ఒకప్పుడు శ్రీరంగంలోని శ్రీరంగనాథస్వామి ఉత్సవమూర్తులను ఇక్కడ భద్రపరిచేవారు. అందుకే దీనికి రంగనాయక మండపం అనే పేరు వచ్చింది.
  4. తిరుమలరాయ మండపం: దీనినే ఊంజల్ మండపం అని కూడా పిలుస్తారు. సాళువ నరసింహరాయలు 1473లో వేదికను నిర్మించగా, ఆరవీటి తిరుమలరాయలు 16వ శతాబ్దంలో సభాప్రాంగణాన్ని నిర్మించారు. బ్రహ్మోత్సవాల్లో ధ్వజారోహణం రోజున స్వామివారు ఇక్కడికి వేంచేస్తారు.
  5. ఇవి కూడా చదవండి
  6. అద్దాల మండపం: కృష్ణరాయ మండపానికి ఉత్తర దిశలో ఉన్న ఈ మండపాన్ని 36 స్తంభాలతో నిర్మించారు. ఇక్కడ ప్రతిరోజూ స్వామివారికి డోలోత్సవం నిర్వహిస్తారు.
  7. ధ్వజస్తంభ మండపం: రెండో గోపురమైన వెండి వాకిలి సమీపంలో ఈ మండపం ఉంది. సాళువ నరసింహరాయలు 1470లో దీనిని నిర్మించారు. ఇక్కడ బంగారు ధ్వజస్తంభం, బలిపీఠం ఉన్నాయి. బ్రహ్మోత్సవాల మొదటిరోజు ధ్వజస్తంభంపై గరుడ కేతనాన్ని ఎగురవేస్తారు. దీనినే ధ్వజారోహణం అంటారు.
  8. కళ్యాణ మండపం: 1586లో శ్రీ అవసరం చెన్నప్ప అనే నాయకుడు ఈ మండపాన్ని నిర్మించారు. గతంలో ఇక్కడ మలయప్పస్వామివారికి, శ్రీదేవి, భూదేవి అమ్మవార్లకు కల్యాణోత్సవం నిర్వహించేవారు.
  9. స్నపన మండపం: బంగారు వాకిలి దాటిన వెంటనే ఈ మండపం ఉంటుంది. క్రీ.శ. 614లో పల్లవరాణి సామవై దీనిని నిర్మించి, భోగ శ్రీనివాసమూర్తి వెండి విగ్రహాన్ని సమర్పించారు. దీనినే తిరువిలాన్ కోయిల్ అని కూడా అంటారు.
  10. రాములవారి మేడ: స్నపన మండపం దాటిన తర్వాత కుడివైపు ఈ ప్రదేశం కనిపిస్తుంది. ఇక్కడ అంగదుడు, హనుమంతుడు, సుగ్రీవుడి విగ్రహాలు ఉన్నాయి.
  11. శయన మండపం: ఇక్కడ ప్రతిరోజూ ఏకాంత సేవ నిర్వహిస్తారు. వెండి గొలుసులతో వేలాడదీసిన బంగారు మంచంపై భోగ శ్రీనివాసమూర్తిని పవళింపజేస్తారు.
  12. కులశేఖరపడి: శయన మండపానికి, గర్భాలయానికి మధ్య ఉన్న రాతి ద్వారబంధాన్ని కులశేఖరపడి అంటారు. దీనిని దాటిన తర్వాతే శ్రీవారి గర్భాలయం ఉంటుంది.
  13. గర్భాలయం – ఆనంద నిలయం: శ్రీవేంకటేశ్వరస్వామివారు స్వయంభువుగా వెలసిన పవిత్ర స్థలమే గర్భాలయం. దీనినే ఆనంద నిలయం అంటారు. పైభాగంలో బంగారు విమానం నిర్మించారు. గర్భాలయంలోని మూలవిరాట్టును ధ్రువమూర్తి లేదా ధ్రువబేరం అని పిలుస్తారు. స్వామివారు నిలుచున్న భంగిమలో భక్తులకు దర్శనమిస్తారు.

ఇలా తిరుమల శ్రీవారి ఆలయంలోని ప్రతి మండపం, ప్రతి నిర్మాణం ప్రత్యేకమైన చారిత్రక, ఆధ్యాత్మిక ప్రాధాన్యతను కలిగి ఉన్నాయి. ఇవి విజయనగర రాజుల శిల్పకళా వైభవానికి, భక్తుల అపారమైన విశ్వాసానికి ప్రతీకలుగా నిలుస్తున్నాయి.

(Disclaimer: ఈ కథనంలోని ఆలయ చరిత్ర, మండపాల నిర్మాణ వివరాలు, ఆధ్యాత్మిక విశేషాలు అందుబాటులో ఉన్న చారిత్రక సమాచారం, సంప్రదాయాలు, ప్రచురిత కథనాల ఆధారంగా అందించబడ్డాయి. ఏవైనా వివరాల్లో స్వల్ప వ్యత్యాసాలు ఉండవచ్చు. మరింత సమాచారం కోసం టీటీడీ అధికారిక వివరాలను పరిశీలించగలరు.)

Follow Us
అద్భుతాల నిలయం తిరుమల శ్రీవారి ఆలయం.. ఒక్కో మండపం వెనుక ఇంతటి..
అద్భుతాల నిలయం తిరుమల శ్రీవారి ఆలయం.. ఒక్కో మండపం వెనుక ఇంతటి..
మూత్రాన్ని ఎక్కువసేపు ఆపుకుంటున్నారా? ఎంత ప్రమాదమో తెలుసా?
మూత్రాన్ని ఎక్కువసేపు ఆపుకుంటున్నారా? ఎంత ప్రమాదమో తెలుసా?
ఈ ఐదు మొక్కలు ఇంట్లో ఉండే.. ఇంటి అందంతో పాటు ఆరోగ్యం
ఈ ఐదు మొక్కలు ఇంట్లో ఉండే.. ఇంటి అందంతో పాటు ఆరోగ్యం
IND vs NZ: టీమిండియాకు బిగ్ షాకిచ్చిన ఐసీసీ.. అదేంటంటే..?
IND vs NZ: టీమిండియాకు బిగ్ షాకిచ్చిన ఐసీసీ.. అదేంటంటే..?
దిండు కవర్ మాత్రమే ఉతుకుతున్నారా? మీరు చేస్తున్న పొరపాటు ఇదే
దిండు కవర్ మాత్రమే ఉతుకుతున్నారా? మీరు చేస్తున్న పొరపాటు ఇదే
ఎన్ని సార్లు ఉతికినా టీ మరకలు పోవట్లేదా? వీటితో చిటికెలో మాయం!
ఎన్ని సార్లు ఉతికినా టీ మరకలు పోవట్లేదా? వీటితో చిటికెలో మాయం!
ఈ రెండు చోట్ల పుట్టుమచ్చలు ఉన్నాయా? మీకు రాజయోగం.. కోటీశ్వరులే..
ఈ రెండు చోట్ల పుట్టుమచ్చలు ఉన్నాయా? మీకు రాజయోగం.. కోటీశ్వరులే..
దోశ వేసేముందు పెనంపై నీళ్లు ఎందుకు చల్లుతారు..?
దోశ వేసేముందు పెనంపై నీళ్లు ఎందుకు చల్లుతారు..?
రెడ్ లైట్ థెరపీతో జుట్టు రాలడం నుంచి నరాల నొప్పి వరకు తగ్గిపోతాయా
రెడ్ లైట్ థెరపీతో జుట్టు రాలడం నుంచి నరాల నొప్పి వరకు తగ్గిపోతాయా
ఇకపై తిరుమలలోనే నెయ్యి తయారీ!.. టీటీడీ కీలక నిర్ణయం
ఇకపై తిరుమలలోనే నెయ్యి తయారీ!.. టీటీడీ కీలక నిర్ణయం