మీకు మొక్కలంటే ఇష్టమైతే.. ఇది మీ కోసమే..! ఇలాంటివి మీ ఇంటి ఆవరణలో ఉంటే ఏం జరుగుతుందో తెలుసా..?
ఇంటి ముందు లేదా ఇంటి అందాన్ని పెంచేందుకు నాటిన కొన్ని మొక్కలు మీ సంపద, దుస్థితికి దారి తీస్తాయి. అలా అయితే, ఏ మొక్కలు నాటకూడదో అని అయోమయంలో పడుతుంటారు చాలా మంది. పెద్దగా కంగారు పడకండి. అలాంటి అశుభ సంకేతం కలిగించే మొక్కల గురించి ఇక్కడ తెలుసుకుందాం..
మీరు మీ ఇంటి వాస్తుపై ఎక్కువ దృష్టి పెడుతున్నట్లయితే, మీరు కొన్ని మొక్కలపై ప్రత్యేక శ్రద్ధ వహించాలి. కొన్ని మొక్కలను ఇంటి లోపల ఎట్టి పరిస్థితుల్లోనూ పెంచుకోరాదు. అలాంటి మొక్కలు, చెట్లు ఇంట్లో పెంచటం వల్ల సమస్యలు వస్తాయి. వాస్తు శాస్త్రం కొన్ని మొక్కలను ఇంటి లోపల, ఆరుబయట పెంచడాన్ని ఖచ్చితంగా నిషేధిస్తుంది. ఇంట్లో నాటిన ఈ అశుభకరమైన మొక్కలు ఇంటి ఆనందాన్ని నాశనం చేస్తాయి. ఆదాయాన్ని, పురోగతిని నిరోధిస్తాయి. అవును… వాస్తును విశ్వసించే ప్రతి ఒక్కరూ దీని గురించి తెలుసుకోవాలి. ఇంటి ముందు లేదా ఇంటి అందాన్ని పెంచేందుకు నాటిన కొన్ని మొక్కలు మీ సంపద, దుస్థితికి దారి తీస్తాయి. అలా అయితే, ఏ మొక్కలు నాటకూడదో అని అయోమయంలో పడుతుంటారు చాలా మంది. పెద్దగా కంగారు పడకండి. అలాంటి అశుభ సంకేతం కలిగించే మొక్కల గురించి ఇక్కడ తెలుసుకుందాం..
చింతచెట్టు: చింతచెట్టు ప్రతికూల శక్తిని ఆకర్షిస్తుంది. కాబట్టి చింత చెట్టును, చిన్నపాటి మొక్కను కూడా ఇంటి లోపల గానీ, లేదంటే, ఇంటి ఆవరణలో గానీ, నాటకూడదని వాస్తు శాస్త్ర నిపుణులు చెబుతున్న మాట.
పత్తి మొక్క : పత్తి మొక్క అందంగా కనిపిస్తుంది. కానీ ఈ మొక్కను మీ ఇంట్లో నాటడానికి పనికిరాదు.. పత్తి మొక్క ఇంట్లో అశుభం కలిగిస్తుందని నమ్ముతారు. ఇది సంపద నష్టాన్ని, దుఃఖాన్ని, బాధను కలిగిస్తుంది.
బోన్సాయ్ మొక్కలు : బోన్సాయ్‌లు చాలా అందంగా ఉంటాయి. వాటిని చూసుకోవడానికి వివిధ నైపుణ్యాలు అవసరం, కానీ మీ ఇంటిలో బోన్సాయ్ మొక్కను పెంచటం వలన మీకు చాలా హాని కలుగుతుంది. బోన్సాయ్ మొక్కలు ముందుకు వెళ్లే మార్గాన్ని అడ్డుకుంటాయి.
గోరింట ఆకు మొక్క: గోరింటాకు చేతులు, జుట్టు రంగుకోసం ఉపయోగిస్తారు. గోరింట వాసన వాతావరణాన్ని సువాసనగా మారుస్తుంది. అయితే ఇంట్లో గోరింట మొక్కను నాటడం చాలా హాని కలిగిస్తుంది అంటారు. హెన్నా మొక్క ప్రతికూల శక్తిని ఆకర్షిస్తుంది.
అకాసియా మొక్క: ముళ్ల మొక్కలను ఇంటి లోపల లేదా ఆరుబయట నాటరాదు. ఇంటి చుట్టూ ముళ్ల మొక్కలు ఉంటే దానివల్ల చాలా నష్టం వాటిల్లుతుంది. అకాసియా మొక్క ఇంటిని పాడు చేస్తుంది. ఇంటిలో కలహాలు, అసమ్మతిని సృష్టిస్తుంది, ధన ప్రవాహాన్ని ఆపుతుంది, పురోగతి పథాన్ని అడ్డుకుంటుంది.