Shiva Puja Tips: శివయ్య పూజ సమయంలో పొరపాటున కూడా ఈ పనులు వద్దు.. లేదంటే ఏలినాటి శని వెంటాడుతుంది..
సోమవారం శివుడికి అంకితం చేయబడిన రోజు.. ఈ రోజున శివుడిని అత్యంత భక్తిశ్రద్ధలతో పూజిస్తారు. అయితే సోమవారం మాత్రమే కాదు.. కొంతమంది రోజూ శివయ్యను పూజిస్తారు. వివిధ రకాల ద్రవ్యాలను పూజ కోసం ఉపయోగిస్తారు. అయితే శివయ్య పూజ లో కొన్ని నియమాలున్నాయి. ఇంట్లో మాత్రమే కాదు శివాలయం లో కూడా ప్రత్యేక పద్దతిలో భోలాశంకరుడిని ఆరాధించడం వలన అనుగ్రహం లభించి కోరిన కోర్కెలు తీరుతాయని నమ్మకం. ఈ రోజున శివ పూజ సముయంలో పొరపాటున కూడా చేయకూడని తప్పుల గురించి తెలుసుకుందాం..
Lord Shiva Puja
హిందువులు పూజించే దేవుళ్ళల్లో శివయ్య ఒకరు. సృష్టి లయకారుడు శివయ్యను పూజించడం అత్యంత సులభమని.. భక్తి శ్రద్దలతో నిర్మలమైన మనసుతో పూజించడం వలన శివయ్య అనుగ్రహంతో కోరిన కోర్కెలు తీరతాయని నమ్మకం. అయితే శివయ్య పూజ సమయంలో కొన్ని జాగ్రత్తలు తీసుకోవాలి. పొరపాటున కూడా శివయ్య పూజ సమయంలో కొన్ని తప్పులు చేయవద్దు. కనుక శివ పూజ సమయంలో కొన్ని పొరపాట్లు చేయవద్దు. లేదంటే శని దోషం ఏర్పడుతుందని వేద పురాణాల పేర్కొన్నాయి. ఈ నేపధ్యంలో శివ పూజ చేసేట‌ప్పుడుఎలాంటి పొరపాట్లు చేయకూడదు..ఎన్ని జాగ్రత్తలు తీసుకోవాలో తెలుసుకుందాం..
- సృష్టి లయకారుడు శివుడికి అత్యంత ప్రీతికరమైనది భస్మం.. దీనినే విభూదిగా భక్తులు భావిస్తారు. దీనిని నుదిటిన ధరించిన భక్తులను కాపాడుతూ ఉంటాడని పండితులు చెబుతున్నారు. కనుక విభూదిని నుదుటన మూడు గీత‌లు అడ్డంగా ధారణ చేయాలి. విభూదిని ఇలా ధరించడం వలన పాపాలు న‌శిస్తాయని నమ్మకం.
- శివయ్య పూజలో భస్మాన్ని ఉపయోగించాలి. కానీ పొరపాటున కూడా కుంకుమ శివయ్య పూజలో ఉపయోగించ వద్దు. లింగానికి కుంకుమ‌బొట్టు పెట్ట వద్దు. విభూది, గంధంతో మాత్రమే అలంకరణ చేయాలి.
- శివయ్య అభిషేకంలో జలం, చెరకు రసం, ద్రాక్ష రసం ఇలాంటివి ఉపయోగించవచ్చు. అయితే కొబ్బిరి నీళ్ళను మాత్రం శివలింగానికి అర్పించరాదు.
- శివాలయం చుట్టూ మాత్రం చేసే ప్రదక్షిణ విషయంలో కూడా కొన్ని నియమాలున్నాయి. మిగతా ఆలయాల్లో చేసే విధంగా ప్ర‌ద‌క్షిణలు చేయ‌కూడ‌ద‌ని శాస్త్రాలు చెబుతున్నాయి. శివాలయంలో కేవ‌లం చండీ ప్రదక్షిణ మాత్రమే చేయాలి.
- శివలింగానికి అభిషేకం ఆవు పాలతో చేయాలి. ముఖ్యంగా సోమవారం శివుడికి ఆవు పాలతో అబిషేకం చేయడం అత్యంత ఫలవంతం అని నమ్మకం. అయితే కొంతమంది పేకెట్ పాలతో అభిషేకం నిర్వహిస్తారు. ఇలా చేయడం మంచిది కాదు. పాలను ఒక గ్లాస్ లోకి తీసుకుని అనంతరం అభిషేకం చేయాలి.
- సోమవారం రోజున కైలాసం నుంచి భూమి మీదకు శివుడు వస్తాడని నమ్మకం. కనుక ఈ రోజు పూజ చేయడం.. ఇంట్లో లేదా శివాలయంలో నువ్వుల నూనెతో దీపారాధన చేయడం బెల్లం ముక్క నైవేద్యంగా పెట్టడం అత్యంత ఫలవంతం.
- శివయ్యకు అభిషేకం చేసే సమయంలో రాగి పాత్రను లేదా స్టీల్ పాత్రలు ఉప‌యోగించ‌కూడ‌దు. శివలింగానికి పాలతో అభిషేకం నిర్వహించిన అనంతరం.. నీటితో అభిషేకం చేయాలి.
- శివయ్యకు పూజ లేదా అభిషేకం చేసే సమయంలో శ‌రీరంపై ఉన్న చెమట లేదా వెంట్రుక‌లు శివయ్యపై పొరపాటున కూడా పడవద్దు. తగిన జాగ్రత్తలు తీసుకుని పూజించాలి.
- ఒకవేళ ఇంటి పూజ గదిలో శివలింగం పెట్టుకుంటే నిత్యం జ‌ల‌దార ఉండేలా ఏర్పాటు చేసుకోవాలి.
- తెలుపు రంగులో ఉండే పాల‌రాతి శివ‌లింగాన్ని ఇంట్లో పెట్టుకోవద్దు. ఇంట్లో ఒక శివలింగం కంటే ఎక్కువ ఉండచుకోవద్దు.
- శివున్ని పూజించే ముందు వినాయ‌కుడిని పూజించాలి. పూజ చేసే సమయంలో ఓం న‌మః శివాయ అనే మంత్రాన్ని జ‌పించాలి.
- నంది వర్ధనం పూల‌తో పూజ చేస్తే జీవితంలో సుఖ శాంతులు లభిస్తాయి. అదే విధంగా పారిజాత పూల‌తో శివుడికి పూజ చేస్తే కాల‌స‌ర్ప దోషాలు తొల‌గిపోతాయి.
- శివుడికి ఎరుపు రంగు పూల‌తో పూజ చేయకూడదు. వెల‌గ‌పండును శివుడికి స‌మ‌ర్పిస్తే దీర్ఘాయుష్షు ల‌భిస్తుంది.
- సోమవారం రోజున ముక్కోటి దేవ‌ల‌తో క‌లిసి లయకారుడు శివాలయంలో ఉంటాడని పురాణాలుపేర్కొన్నాయి. కనుక సోమవారం రోజున ఎవ‌రైతే శివాల‌యానికి వెళ్తారో వారికి క‌ష్టాలు లేకుండా శివుడు వ‌రం ఇస్తాడ‌ని నమ్మకం.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
ఇవి కూడా చదవండి
నోట్ : పైన తెలిపిన విషయాలు పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి.