శ్రీలంకలో భారత దేశంలో కంటే భిన్నంగా దీపావళి వేడుకలు.. ఎలా జరుపుకుంటారంటే?
దీపావళిని భారతదేశంలోనే కాకుండా శ్రీలంకతో సహా అనేక ఇతర దేశాలలో కూడా జరుపుకుంటారు. భారతదేశం వలె, దీపావళిని కొలంబోతో సహా అనేక ప్రదేశాలలో గొప్ప వైభవంగా జరుపుకుంటారు. అయితే అక్కడ అది రావణుడిపై రాముడు సాధించిన విజయానికి గుర్తుగా జరుపుకునే పండుగగా పరిగణించబడదు. అయితే చెడుపై మంచి సాధించిన విజయానికి గుర్తుగా ఈ దీపావళిని జరుపుకుంటారు.
దేశ వ్యాప్తంగా దీపావళి సందడి మొదలైంది. ఐదు రోజుల పాటు దీపావళి పండగను జరుపుకోవడానికి భారత్‌లో సన్నాహాలు జోరుగా సాగుతున్నాయి. ధన త్రయోదశి నుండే పండుగ ప్రారంభమవుతుంది. భారతీయులు నివసించే ప్రపంచంలోని అన్ని దేశాలలో ఈ పండుగను చాలా వైభవంగా జరుపుకుంటారు. అయితే దీపావళికి తనదైన శైలిని కలిగి ఉన్న దేశం శ్రీలంక. బౌద్ధ, హిందూ, క్రైస్తవ, ముస్లిం జనాభా ఉన్న ఈ దేశంలో తమిళ హిందువులు దీపావళిని ఘనంగా జరుపుకుంటారు. అయితే శ్రీలంకలో భారతదేశానికి భిన్నంగా ఉండే ఆచారాలు, సంప్రదాయాల గురించి తెలుసుకుందాం?
శ్రీలంకలో తమిళ హిందువులు నివసించే ప్రాంతాలలో ప్రత్యేకంగా దీపావళి జరుపుకుంటారు. ఇందులో జాఫ్నా పేరు అగ్రస్థానంలో ఉంది. దీపావళిని కొలంబో సహ మరికొన్ని ప్రదేశాలలో కూడా ఘనంగా జరుపుకుంటారు. అక్కడ దీపావళి వేడుక రావణుడిపై రాముడి విజయానికి సంబంధించిన పండుగగా పరిగణించబడదు. అయితే చెడుపై మంచి విజయం సాధించిన పండుగగా పరిగణించబడుతుంది.
వారం రోజుల క్రితం ఇళ్లు శుభ్రం చేయడం
దీపావళి రోజు జాతీయ సెలవుదినం కూడా.. దీపావళి పండగ కోసం సన్నాహాలు వారాల ముందుగానే ప్రారంభమవుతాయి. భారతదేశంలో లాగా అక్కడి ప్రజలు కూడా తమ ఇళ్లను ముందుగానే శుభ్రం చేసుకోవడం ప్రారంభిస్తారు.దీనిని సాంప్రదాయకంగా సుతు కండు అని పిలుస్తారు. ప్రతికూలతను తొలగించడానికి, సానుకూలతను చేర్చడానికి ఇది జరుగుతుంది. భారతదేశంలో లాగా, దీపావళి సమీపిస్తున్న కొద్దీ జాఫ్నాలో దుకాణాలు మరియు స్టాళ్లు అలంకరించబడతాయి. కొత్త బట్టలు, ఆభరణాలు, బహుమతుల కోసం షాపింగ్ ప్రారంభమవుతుంది.
రంగోలీ, సంప్రదాయ దీపాలతో అలంకరణ
దీపావళి రోజున జాఫ్నా ఆశ్చర్యపరిచే స్థాయిలో అలంకరించబడుతుంది. ప్రజలు తమ ఇంటి ఆవరణలో ముగ్గులు వేసి.. ఆ ముగ్గుల్లో రంగుల బియ్యపు పిండి, పూల రేకులు, రంగుల పొడితో అలంకరిస్తారు. ప్రత్యేకించి ఇంటి ప్రధాన ద్వారం వద్ద ముగ్గు వేసి తద్వారా అతిథులకు స్వాగతం పలుకుతారు. జాఫ్నాలో దీపావళి రోజున దీపాలు, కొవ్వొత్తులను వెలిగిస్తారు. అయితే అక్కడ స్థానిక ప్రజలు కిటికీలు, బాల్కనీలు, ఇంటి ఇతర భాగాల వద్ద సాంప్రదాయ దీపాలను ఉపయోగిస్తారు.
స్వీట్లు లేకుండా అసంపూర్ణమైన పండుగ
దీపావళి పండగ సందర్భంగా సాంప్రదాయక రుచికరమైన స్వీట్లను శ్రీలంకలో తయారుచేస్తారు. మిల్క్ టాఫీ, అరిసి తేంగై పాయసం, మురుక్కు వంటి రుచికరమైన స్వీట్లు జాఫ్రాలో తయారు చేస్తారు. ప్రజలు పండుగల సందర్భంగా స్నేహితులు, బంధువులకు ఈ స్వీట్లను బహుమతిగా ఇస్తారు.
సాంస్కృతిక సంగమం
తమిళ హిందువులు జాఫ్నాలో దీపావళి పండుగను ఘనంగా జరుపుకుంటారు. అయితే అక్కడ నివసించే బౌద్ధులు, క్రైస్తవులు, ముస్లింలు వంటి ఇతర మతాలు కూడా మత సామరస్యాన్ని ప్రదర్శిస్తూ దీపావళి పండగలో భాగమయ్యారు. అక్కడ నాలుగు మతాల ప్రజలు కలిసి జీవిస్తారు. దీపావళి సమయంలో వారి సామరస్యం ప్రకాశవంతంగా ప్రకాశిస్తుంది. వివిధ వర్గాల ప్రజలు ఒకచోట చేరి ఒకరికొకరు సంప్రదాయాలను గౌరవిస్తూ పండుగను జరుపుకుంటారు.
దీపావళి ప్రత్యేక పూజ
జాఫ్నాలో కోవిల్స్ అని పిలువబడే అనేక దేవాలయాలు ఉన్నాయి. దీపావళి వేడుకల్లో ఈ ఆలయాలకు ముఖ్యమైన స్థానం ఉంది. వీటిలో మురుగన్ కి సంబంధించిన నల్లూరు కందస్వామి కోవిల్ అత్యంత ప్రతిష్టాత్మకమైనది. దీపావళి రోజున తెల్లవారుజామున నూనెతో స్నానం చేసి కొత్త బట్టలు ధరించి ఈ ఆలయాలకు వెళ్లి ప్రత్యేక పూజలు చేస్తారు. భారతదేశం వలె, జాఫ్నాలో కూడా ఆకాశం మొత్తం బాణసంచాతో ప్రకాశిస్తుంది. దీపావళి సాయంత్రం సమీపిస్తున్న కొద్దీ జాఫ్నాలోని అన్ని దేవాలయాలు, ఇళ్ళు లెక్కలేనన్ని దీపాలతో వెలిగిపోతాయి. ప్రజలు ఒకరికొకరు బహుమతులు, స్వీట్లను ఇచ్చిపుచ్చుకుంటారు.
సామహికంగా విందు
జాఫ్నాలో దీపావళి రోజున బంధువులు ఒకచోట చేరి సామూహికంగా విందును ఆనందిస్తారు. ముఖ్యంగా బిర్యానీ, కూర, మిఠాయిలు ఇందులో ఉంటాయి. ఇరుగు పొరుగువారందరూ ఒకరికొకరు మిఠాయిలు, చిరుతిళ్లు, ఇచ్చిపుచ్చుకుంటారు. అన్ని రకాల తారతమ్యాలు మరచి స్నేహం, ఐక్యతతో దీపావళిని జరుపుకుంటారు. నృత్యం, ఇతర సాంస్కృతిక కార్యక్రమాలు కూడా నిర్వహిస్తారు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..