Breaking News
  • ఏపీ రాజధానిగా అమరావతిని గుర్తించిన సర్వే ఆఫ్‌ ఇండియా. జమ్ము-కశ్మీర్‌ విభజన తర్వాత విడుదల చేసిన కొత్త మ్యాప్‌లో ఏపీ రాజధానిగా ఏ నగరాన్ని చూపని సర్వే ఆఫ్‌ ఇండియా. తీవ్ర అభ్యంతరం వ్యక్తం చేసిన ఆంధ్రప్రదేశ్‌ ఎంపీలు. ఏపీ ప్రభుత్వం ఇచ్చిన పత్రాల ఆధారంగా అమరావతిని రాజధానిగా గుర్తిస్తూ కొత్తమ్యాప్‌ విడుదల చేసిన సర్వేఆఫ్‌ ఇండియా.
  • యాదాద్రి: బైక్‌ను ఢీకొన్న గూడ్స్‌ రైలు. భర్త రాంరెడ్డి మృతి, భార్య రాధకు తీవ్రగాయాలు. భువనగిరి మండలం రాయగిరి రైల్వేస్టేషన్‌ దగ్గర ఘటన.
  • పార్టీ మారతారన్న వార్తలపై స్పందించిన మంత్రి ఈటల. నేను పార్టీ మారను-మంత్రి ఈటల. గాలి వార్తలపై నేను స్పందించను. చెప్పే వాళ్లు ఎన్నైనా చెప్తారు-మంత్రి ఈటల.
  • సుజనాచౌదరి వ్యాఖ్యలకు మంత్రి మోపిదేవి కౌంటర్‌. గోడ దూకే ఎంపీలెవరూ వైసీపీలో లేరు. జగన్‌పై ఎంపీలు, ఎమ్మెల్యేలకు సంపూర్ణ విశ్వాసం ఉంది. తిరుమలను ఆర్ధిక వనరుగా భావించే ఆలోచన ప్రభుత్వానికి లేదు -మంత్రి మోపిదేవి వెంకటరమణ.
  • ఈ ప్రపంచంలో దేనికైనా రంగులు వేయొచ్చు కష్టానికి తప్ప. అమరావతిని అంతర్జాతీయ పటంలో పెట్టింది చంద్రబాబు. అమరావతిని చేర్చి సర్వే ఆఫ్‌ ఇండియా కొత్త మ్యాప్‌ విడుదల చేసేలా లోక్‌సభలో పోరాడిన గల్లా జయదేవ్‌కు అభినందనలు-ట్విట్టర్‌లో నారా లోకేష్‌

అప్పుడు సూసైడ్ చేసుకోవాలనుకున్నా: సీనియర్ ఆర్టిస్ట్ చలపతిరావు

Senior Actor Chalapathirao About His Sucide Tendency, అప్పుడు సూసైడ్  చేసుకోవాలనుకున్నా: సీనియర్ ఆర్టిస్ట్ చలపతిరావు

చలపతిరావు…తెలుగు సినిమా ఇండస్ట్రీలో ఈ పేరుకి ఒక ప్రత్యేకమైన స్థానం ఉంది. టాలీవుడ్‌లో ఉన్న గ్రేట్ సీనియర్ నటుల్లో ఆయన ఒకరు. కొన్ని వందల సినిమాల్లో, విభిన్న భాషల్లో, విభిన్న సినిమాలు చేసిన వెర్సటైల్ నటుడు చలపతిరావు. కానీ ఆయన నటుడిగా ఎంత ఫేమస్సో.. మెన్నా ఆ మధ్య ఓ ఆడియో ఫంక్షన్‌లో చేసిన కామెంట్స్‌తో ఇంకా ఎక్కువగా వార్తల్లోకెక్కాడు. ఆడవాళ్లపై ఆయన చేసిన కామెంట్స్‌తో ఒక్కసారిగా విమర్శలకు గురయ్యాడు. సోషల్ మీడియాలో భారీ స్థాయిలో ట్రోల్స్‌కి గురయ్యాడు.

టీవీ ఛానల్స్‌లో చర్చా వేదికలు, స్పెషల్ డిబేట్లు ఒక్కటేమిటి ఆయన ఆ మంత్ అంతా సోషల్ మీడియాలో ట్రెండింగ్ అంటే అతిశయోక్తి కాదు.  ముఖ్యంగా మహిళా సంఘాలకి  ఆ టైంలో చలపతిరావు అనే వ్యక్తి మొయిన్ టార్గెట్ అయ్యాడు. ఆ మాట అన్నందుకు ఆయన ఎన్ని సార్లు క్షమాపణ చెప్పినా కూడా ఎవరూ కనీసం పట్టించుకోలేదు.  మీడియాలో ఆయన వ్యాఖ్యలపై భారీ స్థాయిలోనే నెగటివ్ ప్రచారం జరిగింది.

ఈ బాధ తట్టుకోలేక ఓ క్షణంలో ఆత్మహత్య చేసుకోవాలనుకున్నానని.. ఆ సూసైడ్ నోట్‌ ద్వారా బాధపడ్డవారికి  క్షమాపణలు చెప్పాలనుకున్నట్లు  ఆయన చెప్పారు. మీరు నన్ను బతకనిచ్చేలా లేరు.. సారీ అమ్మా అని రాయాలనుకున్నానని తెలిపారు. తనకు 22 ఏళ్ల వయసులో భార్య చనిపోతే మళ్లీ  పెళ్లి చేసుకోలేదని.. అలాంటి తనపై ఇలాంటి విమర్శలు వచ్చేసరికి తట్టుకోలేకపోయానని చెప్పారు చలపతిరావు. ఏది ఏమైనా ఆయన ఆ విషయంలో ఏ స్థాయిలో మదనపడ్డారో తాజా వ్యాఖ్యలే నిదర్శనం. పశ్చాతాపానికి మించిన ప్రాయశ్చిత్తంలేదని పెద్దలంటారు. ఇప్పటికైనా ఆయన వ్యాఖ్యలను ప్రజలు క్షమిస్తారని ఆశిద్దాం.