బీహార్ లో ఎన్నికల వాయిదాకై ఆర్జేడీ అభ్యర్థన

బీహార్ అసెంబ్లీ ఎన్నికలను వాయిదా వేయాల్సిందిగా ఈసీని ఆదేశించాలని కోరుతూ ఆర్జేడీ సోమవారం సుప్రీంకోర్టులో పిటిషన్ దాఖలు చేసింది. దేశంలో కరోనా వైరస్ కేసులు పెరుగుతున్న దృష్ట్యా ఈ సమయంలో ఎన్నికల నిర్వహణ సముచితం కాదని పేర్కొంది. వచ్ఛే అక్టోబర్-నంబర్ నెలల్లో రాష్ట్ర శాసన సభకు ఎలెక్షన్స్ జరగనున్నాయి,. అయితే వచ్ఛే ఏడాది మార్చిలో ఎన్నికలు నిర్వహించేలా ఎన్నికల సంఘాన్ని ఆదేశించాలని ఈ పార్టీ కోర్టును అభ్యర్థించింది. ఇటీవల ఇలాగే ఓ పిటిషన్ దాఖలు కాగా కోర్టు దాన్ని తిరస్కరించింది. అటు-సీఎం నితీష్ కుమార్ మాత్రం ఇదే అదనని ప్రతిపక్షాలను దుయ్యబట్టారు. ఎన్నికల్లో ఓడిపోతామని తెలిసే విపక్షాలు లేనిపోని ‘వ్యూహాలకు’ దిగుతున్నాయని ఆయన ఆరోపించారు.