క‌రోనా వైర‌స్‌పై తెలుగు సినిమా..ఎప్పుడో ప్రారంభ‌మైంద‌ట‌…

ప్ర‌స్తుతం హాట్ టాపిక్ గా ఉన్న విష‌యాల‌ను ఆధారంగా చేసుకుని సినిమాల‌ను తెర‌కెక్కించ‌డం అన్ని చిత్ర ప‌రిశ్ర‌మ‌ల్లో సాధార‌ణంగా జ‌రిగే విష‌య‌మే. అయితే కొన్ని సినిమాలు ప్రారంభ‌మైన త‌ర్వాత అలాంటి ప‌రిణామాలు సంభవిస్తే మాత్రం చాలా విచిత్రంగా అనిపిస్తూ ఉంటుంది. తాజాగా ప్ర‌పంచాన్ని క‌రోనా వైర‌స్ ప‌ట్టిపీడిస్తోన్న విష‌యం తెలిపిందే. ప్ర‌జ‌లు ప్రాణాలు అర‌చేతిలో పెట్టుకుని రోజులు గ‌డుపుతున్నారు. ఈ నేప‌థ్యంలో తెలుగులో క‌రోనా వైర‌స్‌పై ఓ తెలుగు సినిమా రాబోతుందా? ఆ మూవీ షూటింగ్ స్టార్ట్ అయ్యిందా? అంటే… అవుననే అంటున్నాయి టాలీవుడ్ వ‌ర్గాలు.

డీటేల్స్ లోకి వెళ్తే…. అ!, క‌ల్కి వంటి సినిమాలతో మంచి సెన్సుబుల్ డైరెక్ట‌ర్ పేరు తెచ్చుకున్న‌ ప్ర‌శాంత్ వ‌ర్మ ఓ భ‌యాన‌క‌ వైర‌స్ ప్ర‌జ‌ల‌ను ఇబ్బంది పెడితే… ఎలాంటి ప‌రిస్థితులు ఎదురుతాయ‌నే అంశంపై ఓ మూవీని తెర‌కెక్కిస్తున్నాడ‌ట‌. గ‌తేడాది న‌వంబ‌ర్‌లోనే చిత్ర‌ షూటింగ్ కూడా స్టార్ట్ అయిన‌ట్లు తెలుస్తోంది. ఇప్ప‌టికే స‌గం షూటింగ్ పార్ట్ కూడా కంప్లీట్ అయింద‌ని స‌మాచారం. అంతా కొత్త‌వాళ్లే ఈ సినిమాని తెర‌కెక్కిస్తున్నార‌ట‌. అయితే దర్శకుడు ప్రశాంత్ వర్మ ఈ మూవీకి ఇంత వరకు పేరు పెట్టలేదట. మరి ప్ర‌స్తుతం ఉన్న ప‌రిస్థితుల నేప‌థ్యంలో క‌రోనా వైరస్ అని పేరు పెడతాడేమో చూడాలి.