Breaking News
  • తెలంగాణలో మరో 27 కరోనా పాజిటివ్ కేసులు నమోదు.. తెలంగాణ లో ఇప్పటి వరకు 154 కరోనా పాజిటివ్ కేసులు నమోదయ్యాయి.. తెలంగాణలో కరోనా వైరస్ తో 9 మంది మృతి చెందారు.. ఈరోజు మరో ముగ్గురు ఆసుపత్రి నుండి డిచ్ఛార్జ్ అయ్యారు.. మొత్తం 17 మంది కోలుకున్నారు..
  • అసలే జనం భయంతో బతికేస్తున్నారు. ఈ టైమ్‌లో కరోనాపై అవాకులు చవాకులు పేల్చేవాళ్లు ఎక్కువయ్యారు. కొందరు ఫేక్‌ న్యూస్‌ పోస్టు చేస్తుంటే కొందరు విధులు నిర్వర్తిస్తున్న పోలీసులపై, వైద్యులపై ఇష్టారాజ్యాంగా వ్యవహరిస్తున్నారు. తెలంగాణ సీఎం కేసీఆర్‌ మొత్తం రాష్ట్ర పరిస్థితిని ఆరా తీస్తున్నారు.
  • ఏలూరులో ఒక్కసారిగా ఎనిమిది కరోనా పాజిటివ్‌ కేసులు తెరమీదకు వచ్చాయి. ఇంకెన్ని ఉంటాయోనని ప్రజలు భయపడుతుంటే అలాంటి హై రిస్క్‌ జోన్‌లో నిరంతరం పని చేస్తున్నారు పోలీసులు. ప్రస్తుతం సిటీలో 144 సెక్షన్‌ అమలవుతోంది. కుటుంబాలకు దూరంగా రెడ్‌జోన్‌లో పోలీసులు విధులు నిర్వర్తిస్తున్నారు.
  • ప్రతీది కరోనా కాదు.. పొడిదగ్గు తుమ్ములు ఉంటే వాయుకాలుష్యం. దగ్గు, తెమడ, ముక్కు కారడం, తుమ్ములు వస్తే జలుబు. దగ్గు, తెమడ, తుమ్ములు, ముక్కు కారడం, ఒంటి నొప్పులు, బలహీనత, తేలికపాటి జ్వరం ఫ్లూ లక్షణాలు. పొడిదగ్గు, తుమ్ములు, ఒంటి నొప్పులు, అధిక జ్వరం, బలహీనత, శ్వాస తీసుకోవడంలో ఇబ్బంది ఇవన్నీ కొవిడ్‌-19 లక్షణాలు. ప్రతీది కరోనా కాదు.. కంగారు పడొద్దు..
  • నిజాముద్దీన్ మర్కజ్ కేసులో ఢిల్లీ క్రైం బ్రాంచ్ నోటీసులు. తబ్లీఘీ-జమాత్ చీఫ్ మౌలానా సాద్ సహా 7గురు నిందితులకు నోటీసులు. నిబంధనలు ఎందుకు అతిక్రమించారో రాతపూర్వక వివరణ ఇవ్వాలని ఆదేశం. నిందితుల ఇళ్లకు నోటీసులు పంపించిన క్రైం బ్రాంచ్.

రష్యాలో మోదీ చేసిన పనికి.. ఫిదా అవుతున్న సోషల్ మీడియా..

PM Modi refuses sofa.. opts to sit on chair along with others during photo session in Russia, రష్యాలో మోదీ చేసిన పనికి.. ఫిదా అవుతున్న సోషల్ మీడియా..

భారత ప్రధాని నరేంద్ర మోదీ రెండు రోజుల పర్యటన నిమిత్తం రష్యా వెళ్లిన విషయం తెలిసిందే. అయితే అక్కడ వ్లాదివోస్తోక్‌లో జరుగుతున్న తూర్పు దేశాల ఆర్థిక వేదిక 5వ సదస్సులో ప్రధాని మోదీ చీఫ్ గెస్ట్‌గా హాజరయ్యారు. అయితే అక్కడ మోదీ చేసి ఓ పనితో అంతా ఆశ్చర్య పోవడమే కాక.. ప్రధాని సింప్లిసిటీకి ఫిదా అయిపోయారు. అంతేకాదు ప్రధాని చేసిన ఆ పనిని కేంద్రమంత్రి పీయూష్ గోయల్ తన అధికార ట్వీట్టర్‌లో పోస్ట్ చేశారు. దీంతో ఆ వీడియోని చూసిన నెటిజన్లు.. ప్రధాని తీరుపై ప్రశంసల వర్షం కురిపిస్తున్నారు.

అసలు విషయానికి వస్తే.. సమావేశాల్లో భాగంగా రష్యా ప్రతినిధులు ఓ ఫోటో సెషన్‌ కార్యక్రమం ఏర్పాటు చేశారు. అందులో చీఫ్ గెస్ట్‌గా వచ్చిన ప్రధాని మోదీ కోసం ప్రత్యేక సోఫా ఏర్పాటు చేశారు. అయితే మోదీ దానిలో కూర్చోడానికి అంగీకరించలేదు. అందరితో పాటు తాను అని.. ప్రత్యేక మర్యాదలు అవసరం లేదని తెలిపారు. మిగతా వారితో పాటు కుర్చీలోనే కూర్చుంటానన్నారు. దీంతో వెంటనే అక్కడి సిబ్బంది.. సోఫా తొలగించి.. కుర్చీని వేశారు. ఆ తర్వాత అందరితో పాటుగా అదే కుర్చిలో కూర్చొని ఫోటోలు దిగారు. ఇందుకు సంబంధించిన వీడియోను కేంద్ర రైల్వే మంత్రి పీయూష్‌ గోయల్‌ తన ట్విటర్‌లో పోస్ట్‌ చేశారు. ప్రస్తుతం ఈ వీడియో తెగ వైరలవుతోంది.

కాగా, వ్లాదివోస్తోక్‌లో జరిగిన ఆర్థిక వేదిక సదస్సులో మాట్లాడిన మోదీ.. తూర్పు దేశాలతో సంబంధాలను బలపరిచేందుకు మాత్రమే ఈ సదస్సు కాదని, మొత్తం మానవాళితో సత్సంబంధాలను ఏర్పరుస్తుందని తాను నమ్ముతున్నానని అన్నారు. తూర్పు దేశాలతో భారత్‌ బంధం ఈనాటిది కాదని గుర్తుచేశారు. వ్లాదివోస్తోక్‌లో దౌత్య కార్యాలయం ప్రారంభించిన మొదటి దేశం భారత్‌ అని తెలిపారు. ఇతర దేశాలతో పోలిస్తే భారతీయులకు తూర్పు దేశాల్లో ఎప్పుడూ పూర్తి స్వేచ్ఛ ఉంటుందన్నారు.

Related Tags