ఆఫ్గాన్ మహిళలకు తాలిబన్ల ఆదేశం.. సోషల్ మీడియా ద్వారా తమ తిరుగుబాటును ఎలా వ్యక్తం చేశారో తెలుసా..
ఆఫ్గానిస్తాన్ దేశాన్ని తాలిబన్లు పూర్తిగా కైవసం చేసుకున్నారు. దీంతో అక్కడ ఇక నుంచి షరియా చట్టం అమలులో ఉంటుదని.. ఆ చట్టం ప్రకారమే తమ పాలన ఉంటుందని తాలిబన్లు ప్రకటించారు. దీంతో అక్కడి మహిళలలు ఇప్పుడు సోషల్ మీడియా వేదికగా తమ నిరసన వ్యక్తం చేస్తున్నారు.
తాలిబన్ ప్రభుత్వం మహిళలు బుర్ఖా, హిజాబ్ ధరించాలని ఒక డిక్రీని జారీ చేసింది. దీనికి వ్యతిరేకంగా ఆఫ్గాన్ మహిళలు ఇంటర్నెట్‌లో ఆన్‌లైన్ ప్రచారాన్ని ప్రారంభించారు. ఈ నిరసనలో భాగంగా.. మహిళలు తమ ఫోటోలను ఆఫ్గాన్ సంప్రదాయ దుస్తులు ధరించి ఉన్న ఫోటోలను షేర్ చేస్తున్నారు.
ఆఫ్గాన్ మహిళలు ప్రారంభించిన #అఫ్గానిస్తాన్ కల్చర్ ప్రచారంలో భాగంగా ఇప్పుడు ఆఫ్గానిస్తాన్.. ఇతర విదేశాలలో నివసిస్తున్న మహిళలు తమ ఫోటోలను షేర్ చేస్తున్నారు.
మహిళల ముఖం, శరీరం మొత్తాన్ని కప్పి ఉంచే బుర్ఖాకు వ్యతిరేకంగా తమ సంప్రదాయ ఆఫ్గాన్ దుస్తులను ధరించిన ఫోటోలను పోస్ట్ చేస్తున్నారు. మహిళల దుస్తులపై తాలిబాన్ నిషేధంపై వ్యతిరేకతను తీవ్రతరం చేయడానికి #AfghanistanCulture ధోరణిని #AfghanWomen మరియు #DoNotTouchMyClothes వంటి హాష్ ట్యాగ్స్ ట్రెండ్ అవుతున్నాయి.
ఆఫ్ఘన్ మహిళలకు సాంప్రదాయ ఆఫ్గాన్ దుస్తులు అరికాళ్ల వరకు పొడవు దుస్తులను కలిగి ఉంటాయి. మహిళలు తమ తలలు కప్పుకోవడానికి స్కార్ఫ్‌లు కూడా ధరిస్తారు. తాలిబాన్లు తమ పాలనలో మహిళలు బురఖా ధరించడాన్ని తప్పనిసరి చేసారు.
ఇప్పుడు మహిళలు ఆఫ్ఘన్ సమాజం యొక్క నిజమైన సాంప్రదాయ దుస్తులను చూపించడానికి వ్యతిరేకంగా .. బుర్ఖా డిక్రీకి వ్యతిరేకంగా ఒక సోషల్ మీడియాను ఎంచుకున్నారు. మహిళలు తాలిబాన్ల డిక్రీకి వ్యతిరేకంగా సాంప్రదాయ దుస్తులతో ఉన్న ఫోటోలను షేర్ చేస్తున్నారు.
తాలిబాన్లు స్వాధీనం చేసుకున్న తరువాత, ఆఫ్గానిస్తాన్‌లో మహిళల స్వేచ్ఛను అరికట్టడానికి కఠినమైన ఆదేశాలు జారీ చేశారు. అదే సమయంలో హిళలు మళ్లీ యూనివర్సిటీలో చదువుకోవచ్చని తాలిబాన్లు ప్రకటించారు. కానీ వారు ఇస్లామిక్ డ్రెస్ కోడ్ పాటించాల్సి ఉంటుందని స్పష్టం చేశారు.