బాబోయ్ వీళ్లు బెండకాయకు ఎంత దూరంగా ఉంటే అంత మంచిది.. లేదంటే తప్పదు మూల్యం!
బెండకాయ శరీరానికి అవసరమైన అనేక పోషకాలను అందించే అత్యంత ప్రాచుర్యం పొందిన కూరగాయ. కానీ, కొన్ని నిర్దిష్టమైన ఆరోగ్య సమస్యలతో బాధపడేవారికి బెండకాయ ప్రయోజనానికి బదులుగా హాని కలిగిస్తుందని ఆరోగ్య నిపుణులు హెచ్చరిస్తున్నారు. బెండకాయను ఎవరెవరు తక్కువగా తీసుకోవాలి లేదా పూర్తిగా దూరంగా ఉండాలో ఇక్కడ తెలుసుకుందాం.
బెండకాయ ఆరోగ్యానికి ఎంతో మేలు చేసే కూరగాయ అయినప్పటికీ, కొన్ని అనారోగ్య సమస్యలు ఉన్నవారికి ఇది తీవ్ర హాని కలిగిస్తుంది. బెండకాయలో ఆక్సలేట్లు అధికంగా ఉండటం వల్ల కిడ్నీలో రాళ్ల సమస్య ఉన్నవారు, కుటుంబంలో కిడ్నీ రాళ్ల చరిత్ర ఉన్నవారు దీనికి దూరంగా ఉండాలి.
అలాగే యూరిక్ యాసిడ్ పెరిగే గౌట్ బాధితులు, కడుపు ఉబ్బరం, ఇరిటబుల్ బౌల్ సిండ్రోమ్ వంటి జీర్ణ సమస్యలు ఉన్నవారికి ఇది అసౌకర్యాన్ని కలిగిస్తుంది. ఇందులో విటమిన్-కె పుష్కలంగా ఉండటం వల్ల రక్తాన్ని పలుచన చేసే మందులు వాడేవారు, అలాగే అలర్జీ సమస్య ఉన్నవారు వైద్యుల సలహాతోనే బెండకాయను తీసుకోవాలి.
జీర్ణ సమస్యలు, రక్త సరఫరా మందులు: బెండకాయలో పీచు పదార్థం అధికంగా ఉంటుంది. సాధారణంగా ఇది జీర్ణక్రియకు మంచిదే అయినప్పటికీ, కడుపు ఉబ్బరం, అజీర్ణం లేదా ఇరిటబుల్ బౌల్ సిండ్రోమ్ ఉన్నవారికి ఇది కడుపు నొప్పి, అసౌకర్యాన్ని కలిగిస్తుంది.
కిడ్నీలో రాళ్లు, గౌట్ బాధితులు: బెండకాయలో ఆక్సలేట్లు అధిక పరిమాణంలో ఉంటాయి. ఇవి శరీరంలోని కాల్షియంతో కలిసినప్పుడు కాల్షియం ఆక్సలేట్ రాళ్లుగా మారి కిడ్నీలలో రాళ్లు ఏర్పడే ప్రమాదాన్ని పెంచుతాయి. ఇప్పటికే కిడ్నీలో రాళ్లు ఉన్నవారు లేదా కుటుంబంలో ఈ సమస్య ఉన్నవారు బెండకాయను తినకపోవడమే మంచిది. అలాగే, యూరిక్ యాసిడ్ పెరిగి వచ్చే గౌట్ సమస్య ఉన్నవారిలో కీళ్ల నొప్పులను, వాపులను ఈ ఆక్సలేట్లు మరింత తీవ్రతరం చేస్తాయి.
మరోవైపు, బెండకాయలో విటమిన్-కె పుష్కలంగా ఉంటుంది, ఇది రక్తం గడ్డకట్టడానికి తోడ్పడుతుంది. అందువల్ల రక్తాన్ని పలుచబరిచే మందులు వాడేవారు బెండకాయను తీసుకునే ముందు శరీరంలో విటమిన్-కె పరిమాణాన్ని దృష్టిలో ఉంచుకోవాలి. దీనితో పాటు కొంతమందికి బెండకాయ వల్ల చర్మంపై దద్దుర్లు, దురద, శ్వాస తీసుకోవడంలో ఇబ్బంది వంటి అలర్జీ లక్షణాలు కనిపించవచ్చు. ఇలాంటి లక్షణాలు ఉన్నవారు వెంటనే వైద్యుడిని సంప్రదించాలి.