కమ్మటి యాలకులతో ఖతర్నాక్ బెనిఫిట్స్..! ఖాళీ కడుపుతో ఇలా తిన్నారంటే..
యాలకుల్లో శక్తివంతమైన యాంటీఆక్సిడెంట్లు, అవసరమైన విటమిన్లు, ఖనిజాలు పుష్కలంగా ఉన్నాయి. ఇలాంటి యాలకులను వంటలో ఉపయోగించడమే కాకుండా, ఉదయాన్నే ఖాళీ కడుపుతో తీసుకోవటం వల్ల శరీరంలో ఎన్నో అద్భుతాలు జరుగుతాయని ఆరోగ్య నిపుణులు చెబుతున్నారు. ఉదయాన్నే ఖాళీ కడుపుతో యాలకులు తీసుకోవటం వల్ల జీర్ణవ్యవస్థను మెరుగుపరిచి గ్యాస్ సమస్య తొలగిస్తుంది. అంతేకాదు..యాలకుల్లో యాంటీ ఆక్సిడెంట్లు కూడా అధికం. అయితే, ఖాళీ కడుపుతో యాలకులు తినటం వల్ల కలిగే లాభాలేంటో ఇక్కడ తెలుసుకుందాం..
యాలకులతో శరీరంలోని టాక్సిన్స్ తొలగిస్తాయి. నోటి దుర్వాసన కూడా దూరం చేసుకోవచ్చు. అధిక ఒత్తిడి, ఆందోళనను తగ్గించడంలో కూడా యాలకులు అద్భుతం సహాయపడుతుంది. రక్తపోటును నియంత్రించడంలో యాలకులు బెస్ట్ రెమిడీ అంటున్నారు ఆరోగ్య నిపుణులు.
యాలకులు తింటే రోగ నిరోధకశక్తి పెరుగుతుంది. ప్రతిరోజూ ఉదయాన్నే ఖాళీ కడుపుతో తీసుకోవడం వల్ల కడుపు ఉబ్బరం, కడుపు సంబంధిత సమస్యలు తగ్గుతాయి. జీర్ణవ్యవస్థను మెరుగు పరచడమే కాకుండా క్యాన్సర్ లాంటి వ్యాధుల్ని కూడా దరి చేరకుండా అడ్డుకుంటుంది. డిప్రెషన్ నుంచి బయట పడాలంటే యాలకుల టీకానీ, పాలుకానీ తాగితే మంచి ఫలితం ఉంటుందని నిపుణులు చెబుతున్నారు.
యాలకులు తినడం వల్ల రక్తనాళాల్లో రక్త ప్రసరణ మెరుగుపడుతుంది. రక్తం గడ్డకట్టడాన్ని నివారిస్తుంది. గుండెపోటు ప్రమాదాన్ని తగ్గిస్తుంది. మన శరీరంలో టాక్సిన్స్ పేరుకుపోవడం ప్రారంభిస్తే, అవి అనేక వ్యాధుల ప్రమాదాన్ని పెంచుతాయి. కానీ యాలకుల వినియోగం మూత్ర ప్రవాహాన్ని పెంచుతుంది. శరీరాన్ని నిర్విషీకరణ చేస్తుంది.
యాలకుల్లో ఉండే యాంటీ ఆక్సిడెంట్లు రోగ నిరోధక శక్తిని పెంచి, వ్యాధుల నుంచి రక్షిస్తాయి. యాలకులు రక్తపోటును నియంత్రించి, గుండె ఆరోగ్యాన్ని మెరుగుపరుస్తాయి. యాలకులు మెదడుకు రక్త ప్రసరణను పెంచి, జ్ఞాపకశక్తిని మెరుగుపరుస్తాయి. యాలకులు నోటి దుర్వాసనను తొలగించి, నోటి ఆరోగ్యాన్ని కాపాడతాయి. యాలకులు మూత్రపిండాలను శుభ్రపరచి, మూత్రపిండాల ఆరోగ్యాన్ని మెరుగుపరుస్తాయి.
యాలకులతో చర్మ సమస్యలకు కూడా చెక్ పెట్టవచ్చు అంటున్నారు నిపుణులు. చర్మంపై ఏర్పడే నల్ల మచ్చల్ని తగ్గిస్తుంది. వెంట్రుకలు చిట్లిపోవడం, ఊడిపోవడం వంటి సమస్యలన్నింటికీ యాలకులు చెక్ పెడతాయి. జుట్టు ఒత్తుగా బలంగా, కుదుళ్లు గట్టిగా ఉండేందుకు ఇవి దోహదపడుతాయి.