Breakfast: ప్రొటీన్స్‌ అధికంగా ఉండే టిఫిన్స్‌ ఇవే..! బ్రేక్‌ఫాస్ట్‌లో తింటే ఎంతో మంచిది..
Breakfast: గుడ్డులో ప్రొటీన్స్‌ విరివిగా ఉంటాయి. గుడ్లను ఆహారంలో చేర్చడానికి అనేక మార్గాలు ఉన్నాయి. ఇందులో విటమిన్ డి, ఐరన్, మెగ్నీషియం
గుడ్లు: గుడ్డులో ప్రొటీన్స్‌ విరివిగా ఉంటాయి. గుడ్లను ఆహారంలో చేర్చడానికి అనేక మార్గాలు ఉన్నాయి. ఇందులో విటమిన్ డి, ఐరన్, మెగ్నీషియం వంటి పోషకాలు పుష్కలంగా ఉంటాయి. మీరు బ్రెడ్‌, కూరగాయలతో కూడా గుడ్లను కలిపి తినవచ్చు.
ఓట్స్: ఒక చెంచా బటర్, కొన్ని తాజా పండ్లు, గింజలతో కూడిన వేడి వోట్స్ ఉదయం పూట సరైన అల్పాహారం. ఓట్స్ మీకు తగినంత మొత్తంలో ప్రోటీన్, ఫైబర్, కాపర్, ఐరన్, జింక్ వంటి పోషకాలను అందిస్తుంది. ఈ పోషకాలు రోగనిరోధక శక్తిని పెంచడంలో సహాయపడతాయి. శీతాకాలంలో జలుబు, దగ్గు నుంచి మిమ్మల్ని రక్షిస్తాయి.
చియా గింజలు: చియా గింజల్లో ప్రొటీన్లు పుష్కలంగా ఉంటాయి. ఉదయాన్నే ఒక గిన్నె చియా గింజలు, తాజా పండ్లను తీసుకుంటే శక్తివంతంగా ఉంటారు. చియా విత్తనాలు గుండె జబ్బుల ప్రమాదాన్ని తగ్గించడంలో, మలబద్ధకాన్ని నివారించడంలో సహాయపడతాయి.
పెసరట్టు: మీరు అల్పాహారం కోసం పెసరట్టును తినవచ్చు. ఇందులో విటమిన్లు ఎ, బి, సి, డి, ఈ, ప్రొటీన్లు, ఫైబర్, ఐరన్, మెగ్నీషియం ఇతర పోషకాలు పుష్కలంగా ఉంటాయి. జీర్ణవ్యవస్థను ఆరోగ్యంగా ఉంచుకోవడానికి ఇది ఒక ఆరోగ్యకరమైన ఎంపిక.
పోహ: పోహకి కొన్ని వేరుశెనగ గింజలను కలపడం వల్ల ప్రొటీన్‌ ఫుడ్‌గా మారుతుంది. అంతేకాదు దీనిని మరింత బలంగా చేయడానికి కొన్ని బఠానీలు, ఉల్లిపాయలు, బంగాళదుంపలు, కాలీఫ్లవర్ కలపాలి. పోహాను మధ్యాహ్నం స్నాక్‌గా కూడా తీసుకోవచ్చు.