ఆపరేషన్ చేసినా మోకాళ్ళ నొప్పి తగ్గలేదా.. దీనితో చిటికెలో దూరం.. ఇది అంత పవర్ఫుల్
నేటి జీవనశైలిలో, నలభై ఏళ్ల వయసు నుంచే మోకాళ్ళ నొప్పుల సమస్య సర్వసాధారణమైంది. ఈ నొప్పుల నుండి ఉపశమనం పొందేందుకు చాలా మంది తరచుగా పెయిన్ కిల్లర్స్ ఉపయోగిస్తుంటారు. అయితే, ఈ మందుల నిరంతర వాడకం అనేక దుష్ప్రభావాలకు దారితీస్తుందని నిపుణులు హెచ్చరిస్తున్నారు.
నేటి జీవనశైలిలో, నలభై ఏళ్ల వయసు నుంచే మోకాళ్ళ నొప్పుల సమస్య సర్వసాధారణమైంది. ఈ నొప్పుల నుండి ఉపశమనం పొందేందుకు చాలా మంది తరచుగా పెయిన్ కిల్లర్స్ ఉపయోగిస్తుంటారు. అయితే, ఈ మందుల నిరంతర వాడకం అనేక దుష్ప్రభావాలకు దారితీస్తుందని నిపుణులు హెచ్చరిస్తున్నారు. పెయిన్ కిల్లర్స్ పై ఆధారపడకుండా, మోకాళ్ళ నొప్పులను సహజసిద్ధంగా, సమర్థవంతంగా తగ్గించుకోవడానికి ఒక అద్భుతమైన చిట్కా ఉంది. అదే వేడి మట్టి ప్యాక్. ఈ వేడి మట్టి ప్యాక్ నొప్పిని తగ్గించడంలో, మోకాళ్ళ చుట్టూ ఉండే వాపును అరికట్టడంలో, కండరాలను సడలించడంలో, ఇన్ఫ్లమేషన్‌ను తగ్గించడంలో అద్భుతంగా పనిచేస్తుంది. దీనిని ఇంట్లో కూడా సులభంగా తయారుచేసి పాటించవచ్చు.
ముందుగా పొలాల్లో లభించే నల్లటి మట్టిని సేకరించాలి. ఈ మట్టిలో ఎలాంటి తుక్కు, రాళ్లు లేదా గడ్డలు లేకుండా శుభ్రంగా చూసుకోవాలి. మెత్తటి మట్టిని మాత్రమే ఉపయోగించాలి. సేకరించిన మట్టిని ఒక గిన్నెలో వేసి తగినన్ని నీళ్లు పోసి నానబెట్టాలి. నానబెట్టిన మట్టిని పొయ్యి మీద పెట్టి సుమారు 45 నుండి 50 డిగ్రీల సెల్సియస్ ఉష్ణోగ్రత వరకు వేడి చేయాలి.
మన చర్మం తట్టుకోగలిగేంత వేడి ఉండేలా చూసుకోవాలి. ఎక్కువ వేడి చర్మాన్ని కాల్చవచ్చు లేదా బొబ్బలకు దారితీయవచ్చు కాబట్టి జాగ్రత్త వహించడం ముఖ్యం. మన శరీరానికి వేడి నీళ్ళు పోసుకునేటప్పుడు ఎంత వేడి తట్టుకుంటామో, మట్టి కూడా అంతే వేడికి ఉండాలి. మట్టి మరీ పల్చగా కాకుండా, మోకాలికి పట్టుకునే విధంగా గట్టిగా ఉండాలి.
మట్టి ప్యాక్ వేయడానికి ముందు, నొప్పులు త్వరగా తగ్గడానికి మరొక చిట్కా ఉంది. మంచి గానుగాడించిన ఆవనూనె తీసుకుని, అందులో స్వచ్ఛమైన ముద్ద కర్పూరం వేసి కరిగే వరకు ఉంచాలి. ఈ నూనెను మోకాళ్ళ భాగానికి, చుట్టుపక్కల ప్రాంతాలకు అప్లై చేసి సుమారు పది నిమిషాల పాటు మర్దన చేయాలి. కర్పూరం కలిసిన ఆవనూనె సహజసిద్ధంగా కండరాల సడలింపుకు, వాపు, ఇన్ఫ్లమేషన్ తగ్గడానికి బాగా సహాయపడుతుంది.
మర్దన చేసిన తర్వాత, వేడి చేసిన మట్టిని మోకాళ్ళకు శుభ్రంగా అప్లై చేయాలి. ఒకవేళ మట్టి కింద పడిపోతుంటే లేదా మోకాలి అడుగు భాగాన కూడా నొప్పి ఉంటే, ఎదురుగుండా ఒక స్టూల్ పై కాళ్ళు పెట్టుకుని, కింద భాగంలో కూడా మట్టిని వేయవచ్చు. మట్టి పడిపోకుండా సన్నటి గుడ్డతో మోకాళ్ళ చుట్టూ చుట్టాలి. చిన్న పిల్లలకు గోరింటాకు పెట్టినప్పుడు పడిపోకుండా గుడ్డలు కట్టిన విధంగానే దీనిని చేసుకోవచ్చు. మట్టి ప్యాక్‌ను మోకాళ్ళపై 15 నుండి 20 నిమిషాల పాటు ఉంచాలి. నల్లటి బంక మట్టి వేడిని ఎక్కువసేపు నిలుపుకుని, దానిలోని సహజ లక్షణాలతో నొప్పి నివారణిగా పనిచేస్తుంది. మోకాళ్ళ నొప్పులు ఎక్కువగా ఉన్నవారు రోజుకు రెండుసార్లు చేసుకోవచ్చు. ఉదయం పూట పనుల మధ్యలో కానీ ఇంకా సాయంకాలం పని నుంచి వచ్చాక, పడుకునే ముందు ఈ వేడి మట్టి ప్యాక్ ను పెట్టుకుంటే మంచి ఉపశమనం లభిస్తుంది.