శరీరంలో ఇలాంటి లక్షణాలు కనిపిస్తున్నాయా..? అయితే, డేంజర్ జోన్‌లో ఉన్నట్లే జాగ్రత్త..
ఆరోగ్యవంతంగా ఉండటంలో, ఎముకల ఆరోగ్యాన్ని కాపాడటంలో విటమిన్ డి ప్రధాన పాత్ర పోషిస్తుంది. మీరు తరచుగా తలనొప్పి, తల తిరగడం లేదా రోగనిరోధక శక్తి లేకపోవడంతో బాధపడుతుంటే.. ఈ లక్షణాలకు ముఖ్యమైన కారణం విటమిన్ డి లోపం.. అని నిపుణులు హెచ్చరిస్తున్నారు.
ఆరోగ్యవంతంగా ఉండటంలో, ఎముకల ఆరోగ్యాన్ని కాపాడటంలో విటమిన్ డి ప్రధాన పాత్ర పోషిస్తుంది. మీరు తరచుగా తలనొప్పి, తల తిరగడం లేదా రోగనిరోధక శక్తి లేకపోవడంతో బాధపడుతుంటే.. ఈ లక్షణాలకు ముఖ్యమైన కారణం విటమిన్ డి లోపం.. అని నిపుణులు హెచ్చరిస్తున్నారు.
విటమిన్ డి మానవ శరీరం నిర్వహించే అనేక క్లిష్టమైన విధులకు అవసరమైన పోషకం. అందుకే ఆరోగ్య నిపుణులు,చ వైద్యులందరూ కనీసం ఆరు నెలలకోసారి విటమిన్ డి పరీక్ష చేయించుకోవాలని సిఫారసు చేస్తుంటారు.
విటమిన్ డి రెండు రూపాలు మానవ శరీరానికి ముఖ్యమైనవి. విటమిన్ D2 (ఎర్గోకాల్సిఫెరోల్), విటమిన్ D3 (కోలెకాల్సిఫెరోల్). విటమిన్ D2 ఆహార కూరగాయల మూలాలు, నోటి సప్లిమెంట్ల నుంచి పొందవచ్చు.
అతినీలలోహిత కిరణాల నుంచి (UVB) చర్మం విటమిన్ D3 ని పొందుతుంది. విటమిన్ డి శరీరంలోని కాల్షియం, మెగ్నీషియం, ఫాస్ఫేట్ వంటి ముఖ్యమైన ఖనిజాల నియంత్రణ, శోషణలో ముఖ్యమైన పాత్ర పోషిస్తుంది.
విటమిన్ డి తక్కువగా ఉన్నప్పుడు శరీరంలో పలు లక్షణాలు కనిపిస్తాయి. ముఖ్యంగా జలుబు, ఫ్లూతో పోరాడడంలో విటమిన్ డి నేరుగా సహాయపడుతుంది.
విటమిన్ డి లోపం లక్షణాలలో డిప్రెషన్ ఒకటి. మన శరీరంలో విటమిన్ డి లోపం వల్ల కండరాల నొప్పులు, అలసట - నీరసం, నిద్రలేమి, అలెర్జీ లాంటి సమస్యలు వస్తాయి. ఇలాంటి తరుణంలో అశ్రద్ధ వహించకుండా వైద్యులను సంప్రదించడం మంచిది.