ఎండాకాలంలో ఎక్కువగా వడదెబ్బ తింటూ ఉంటారు. వేడి వాతావరణంలో శరీరం అధికంగా వేడెక్కడం వల్ల.. వడదెబ్బకు గురవుతూ ఉంటారు. ఈ పరిస్థితిలో శరీర ఉష్ణోగ్రత అనేది ప్రమాదకర స్థాయికి పెరుగుతుంది. తల నొప్పి, వాంతులు, వికారం, మైకము, స్పృ కోల్పోవడం వంటివి.. వడదెబ్బ లక్షణాలుగా గుర్తించవచ్చు.
వడదెబ్బ తగలకుండా ఉండటానికి.. నీటిని ఎక్కువగా తాగుతూ ఉండాలి. చల్లని నీటితో స్నానం చేయాలి. ఎక్కువ సేపు ఎండలో ఉండకూడదు. వడ దెబ్బ నుంచి ఉపశమనం పొందడానికి ఇప్పుడు చెప్పే ఇంటి చిట్కాలు చక్కగా పని చేస్తాయి.
ఒక గిన్నెలో వాటర్ తీసుకోవాలి. అందులో చందనం, వేప పొడి, సీతా ఫలం పండు పొడి వేసి ఓ పది నిమిషాల పాటు మరిగించాలి. ఆ తర్వాత వడగట్టి తాగాలి. ఇలా వేసవిలో అప్పుడప్పుడూ తాగుతూ ఉంటే.. వడ దెబ్బ నుంచి ఉపశమనం పొందవచ్చు.
వేసవిలో ఎక్కువగా చర్మం జిడ్డుగా, నల్లగా, పింపుల్స్, పొడిగా తయారవుతుంది. ఇలాంటప్పుడు.. రోజ్ వాటర్లో కొద్దిగా శనగ పిండి కలిపి.. ముఖానికి పట్టించి కడిగేయండి. దీంతో ముఖానికి రిలీఫ్ నెస్ దొరుకుతుంది.
అదే విధంగా స్నానం చేసేటప్పుడు వేప పొడి కొద్దిగా, చందనం నీటిలో కలిపి స్నానం చేస్తే.. శరీరం చల్ల బడుతుంది. దీంతో వడదెబ్బ తగలకుండా ఉంటుంది. ఈ చిట్కాలు ట్రై చేస్తే.. వడదెబ్బ బారిన పడకుండా ఉంటారు.