టమాటా ఫేస్ ప్యాక్‌తో ముడతలు పోయి నిగనిగలాడే చర్మం.. ఇలా చేస్తే సరి !
టమోటా ఆరోగ్యానికే కాదు సౌందర్యాన్ని పెంచుతుంది. విటమిన్ సి, యాంటీ ఆక్సిడెంట్లు పుష్కలంగా ఉండే కూరగాయ టమాటా. ఇందులో ఉండే యాంటీ బ్యాక్టీరియల్, యాంటీ ఫంగల్ గుణాలు చర్మాన్ని మరింత సున్నితంగా మార్చడానికి, ముఖం డల్ నెస్ ను తగ్గించడానికి సహాయపడతాయి. తరచూ టమోటా రసాన్ని పట్టిస్తే ముఖంలో నునుపుదనం పెరుగుతుంది. నల్లమచ్చలు, పగ్మింటేషన్ తొలగిపోతాయి. మచ్చలను పోగొట్టి మీ చర్మాన్ని కాంతివంతంగా మార్చుకోవడానికి మీరు ఇంట్లోనే టమాటా ఫేస్ ప్యాక్‌లను ఈజీగా ట్రై చేయవచ్చు..
ఒక టీస్పూన్ టమాటా పేస్ట్, మూడు నుండి నాలుగు టీస్పూన్ల నిమ్మరసం మిక్స్ చేసి మీ ముఖం, మెడకు అప్లై చేయండి. 15 నిమిషాల తర్వాత మీ ముఖం కడగాలి. టామాటాలు, నిమ్మకాయలలోని సహజమైన బ్లీచింగ్ గుణాలు ముఖంపై ఉన్న నల్ల మచ్చలను పోగొట్టడానికి సహాయపడతాయి. నిమ్మకాయల్లో విటమిన్ సి పుష్కలంగా ఉంటుంది. ఇది హైపర్‌పిగ్మెంటేషన్‌ని తగ్గించి చర్మాన్ని టోన్‌గా మార్చడంలో సహాయపడుతుంది.
ఒక టీస్పూన్ టమాటా పేస్ట్‌ను ఒక టీస్పూన్ దోసకాయ రసం, గ్రౌండ్ వోట్స్‌తో కలపవచ్చు. తర్వాత ఈ మిశ్రమాన్ని మీ ముఖం, మెడపై అప్లై చేసి మసాజ్ చేయండి. ఈ ప్యాక్‌ని 15 నిమిషాల పాటు అప్లై చేయండి. తర్వాత కడగాలి. ఈ ప్యాక్ మొటిమల నల్ల మచ్చలను వదిలించుకోవడానికి సహాయపడుతుంది.
రెండు టీస్పూన్ల టమాటా పేస్ట్, 1 టీస్పూన్ కొబ్బరి నూనె, 1 టేబుల్ స్పూన్ పెరుగు మిక్స్ చేసి మీ ముఖం, మెడకు అప్లై చేయండి. పెరుగులో లాక్టిక్ యాసిడ్ ఉంటుంది. ఇది ఫైన్ లైన్స్, ముడతలను తగ్గిస్తుంది. చనిపోయిన చర్మ కణాలను తొలగించడంలో సహాయపడుతుంది. టమోటా ఫేస్ ప్యాక్ మంచి మాయిశ్చరైజర్‌గా పనిచేస్తుంది.
సూర్యకిరణాల నుంచి కాపాడే గుణం టమోటా రసానికి ఉంది. టమోటా గుజ్జు ముఖానికి పట్టిస్తే జిడ్డు తొలగిపోతుంది. ముఖం కాంతివంతంగా మెరుస్తుంది. టమోటా రసం యాంటీ ఏజింగ్‌గా పనిచేస్తుంది. టమోటా రసంలో శనగపిండి, అరచెంచా నిమ్మరసం కలిపి కళ్ల చుట్టూ రాస్తే నల్లటి వలయాలు తొలగిపోతాయి.
టమాటా జ్యూస్ లో ఒక టీస్పూన్ పంచదారను వేసి మెత్తటి పేస్ట్‌లా తయారు చేసుకోవాలి. ఆ తర్వాత ఈ మిశ్రమాన్ని ముఖానికి అప్లై చేసి కాసేపు రుద్దండి. 15-20 నిమిషాల తర్వాత ముఖాన్ని శుభ్రంగా కడిగేయండి. బయటకు వెళ్లినప్పుడు ఇలా చేయడం వల్ల ముఖంపై మొటిమలు తొలగిపోతాయి. ముఖం తాజాగా కూడా కనిపిస్తుంది.