చికెన్, మటన్ పాయ కాదండోయ్.. చేపల పాయ సూప్ ఇంట్లోనే ఇలా చేసెయ్యండి!
చాలా మందికి చికెన్, మటన్ పాయ సూప్ మాత్రమే తెలుసు. కానీ చేపల పాయ సూప్ కూడా చాలా అద్భుతంగా ఉంటుందంట. చలికాలంలో దీనిని తాగడం వలన అనేక ఆరోగ్య ప్రయోజనాలు ఉంటాయని చెబుతున్నారు ఆరోగ్య నిపుణులు. చేపలలో ఓమేగా 3, ప్రోటీన్, కొవ్వు ఆమ్లాలు పుష్కలంగా ఉండటం వలన వీటిని తినడం ఆరోగ్యానికి చాలా మంచిది. కర్రీ, ఫ్రై మాత్రమే కాకుండా దీనిని సూప్గా తీసుకోవడం వలన అనేక లాభాలు ఉన్నాయంట. మరి ఈ ఫిష్ పాయ సూప్ ఇంటిలోనే ఎలా చేసుకోవాలా అని ఆలోచిస్తున్నారా? అయితే కంగారు పడాల్సిన పనే లేదు, ఇంట్లోనే సులభంగా ఫిష్ సూప్ ఎలా చేయాలో ఇప్పుడు మనం చూద్దాం.
చేపలలో ఓమేగా 3, ప్రోటీన్, కొవ్వు ఆమ్లాలు పుష్కలంగా ఉండటం వలన వీటిని తినడం ఆరోగ్యానికి చాలా మంచిది. కర్రీ, ఫ్రై మాత్రమే కాకుండా దీనిని సూప్గా తీసుకోవడం వలన అనేక లాభాలు ఉన్నాయంట. మరి ఈ ఫిష్ పాయ సూప్ ఇంటిలోనే ఎలా చేసుకోవాలా అని ఆలోచిస్తున్నారా? అయితే కంగారు పడాల్సిన పనే లేదు, ఇంట్లోనే సులభంగా ఫిష్ సూప్ ఎలా చేయాలో ఇప్పుడు మనం చూద్దాం.
కావాల్సిన పదార్థాలు : తాజా చేప ముక్కలు అర కేజీ, అల్లం పేస్ట్ వన్ స్పూన్, వెల్లుల్లి పేస్ట్ వన్ స్పూన్, నల్ల మిరియాల పొడి చిటికెడు, ఉప్పు రుచికి సరిపడ, కొత్తిమీర కొద్దిగా, నీరు కావాల్సినంత.
మీరు మీ ఇంటిలోనే ఫిష్ సూప్ తయారు చేసుకోవాలి అంటే, ముందుగా చేపలను శుభ్రంగా కడగాలి. తర్వాత ఒక పాన్లో చేపముక్కలను వేసి, అవి మంచిగా ఉండికేలా, నీరు పోసి, గ్యాస్ స్టవ్ ఆన్ చేసి దానిపై ఉడకబెట్టాలి. చేపలు మెత్తగా ఉడికేలా చూసుకోవాలి.
తర్వాత అల్లం, వెల్లుల్లి పేస్ట్, పసుపు, ఉప్పు , వేసి, నీటిలోకి దాని రుచి వెళ్లి, చేపలోకి కూడా వెళ్లే వరకు దాదాపు 20 నిమిషాలు మళ్లీ మరగబెట్టాలి. అప్పుడే ఫిష్ పాయ సూప్ మంచి టేస్ట్ వస్తుంది.
ఆ తర్వాత సూప్ను వడగట్టి, అందులో మంచిగా ఉడికిన చేప ముక్కలను వేసి, పై నుంచి కొద్దిగా నల్లమిరియాల పొడి, నిమ్మరసం,కొత్తిమీర వేయండి, అంతే వేడి వేడిగా ఫిష్ పాయ సూప రెడీ, దీనిని చలికాలంలో తాగడం ఆరోగ్యానికి చాలా మంచిది. ముఖ్యంగా రాత్రి సమయంలో తాగడం వలన అనేక ప్రయోజనాలు కలుగుతాయని చెబుతున్నారు నిపుణులు.