Date Seed Coffee: ఖర్జూరం గింజలతో కాఫీ..! అద్భుత ప్రయోజనాలు తెలిస్తే అస్సలు వదిలిపెట్టరు..
కాఫీ ప్రియులు చాలా మందే ఉంటారు.. అయితే, ఇటీవలి కాలంలో కెఫిన్ అధికంగా తీసుకోవటం ఆరోగ్యానికి మంచిది కాదనే వైద్యుల సలహా మేరకు కాఫీ అంటే ఇష్టం ఉన్నా దానికి దూరంగా ఉండాల్సి వస్తోంది. అయితే, మీరు కెఫిన్ లేని నేచురల్ కాఫీ తాగాలనుకుంటే ఖర్జూరం విత్తనాలు మీకు బెస్ట్‌ అప్షన్‌ అంటున్నారు నిపుణులు. ఖర్జూరం తినేశాక ఆ గింజలను పడేయకుండా వాటితో కాఫీ చేసుకుని తాగొచ్చు అని చెబుతున్నారు. పైగా డయాబెటిస్ ఉన్న వారికి ఇది అద్భుతంగా పనిచేస్తుందని చెబుతున్నారు. అదేలాగో ఇక్కడ తెలుసుకుందాం..
ఖర్జూరం తినడం వల్ల అనేక ఆరోగ్య ప్రయోజనాలు కలుగుతాయని మనందరికీ తెలిసిందే. ఖర్జూరం వల్ల శరీరానికి అవసరమైన ఐరన్, మెగ్నీషియం, కాల్షియం సమృద్ధిగా లభిస్తాయి. ఖర్జూరంలో ఉండే విటమిన్స్, మినరల్స్ వల్ల కూడా శరీరానికి ఎన్నో ఆరోగ్య ప్రయోజనాలు చేకూరుతాయి. నీరసంగా ఉన్నప్పుడు ఒక్క ఖర్జూరం తిన్నా శరీరానికి తక్షణ శక్తి లభిస్తుంది. అలాంటి ఖర్జూరం విత్తనాలతో కాఫీ తయారు చేసి తీసుకుంటే కలిగే లాభాలు కూడా ఎక్కువే అంటున్నారు నిపుణులు.
అయితే, ఈ ఖర్జూరం విత్తనాలతో కాఫీ పౌడర్ తయారు చేయడానికి ముందుగా ఖర్జూరం విత్తనాలను తీసుకోవాలి. వాటిని కాస్త కచ్చాపచ్చాగా దంచుకుని సన్నని మంటపై వేయించాలి. సువాసన వచ్చే వరకు వేగిన విత్తనాలను చల్లార్చుకోవాలి. ఆ విత్తనాలను ఇప్పుడు మిక్సీలో మెత్తగా గ్రైండ్ చేసుకుంటే.. ఖర్జూరం విత్తనాల కాఫీ పౌడర్ తయరవుతుంది.
సాధారణ కాఫీ, టీ పొడికి బదులుగా ఈ విత్తనాల కాఫీ పౌడర్ ను వాడుకోవచ్చు. అధిక బరువుతో ఇబ్బంది పడే వారు ఖర్జూరం విత్తనాలతో తయారు చేసిన కాఫీ తాగితే బరువు తగ్గడంతో పాటు హెల్త్ బెనిఫిట్స్ కూడా పొందుతారు.
ఒంట్లో పేరుకున్న చెడు కొలెస్ట్రాల్ తగ్గించడంలో ఖర్జూరం విత్తనాలు ఉపయోగపడతాయి. లైంగిక సామర్థ్యం తక్కువగా ఉన్నవారికి ఖర్జూరం విత్తనాల కాఫీ తాగడం ద్వారా ఈ సమస్యను అధిగమించవచ్చు. డయాబెటిస్ తగ్గించడంలో కూడా ఖర్జూరం విత్తనాలు అద్భుతంగా ఉపయోగపడతాయి.
ఖర్జూరం విత్తనాల కాఫీ తీసుకుంటే రక్తంలో చక్కెర స్థాయిలు కూడా కంట్రోల్ లో ఉంటుందని నిపుణులు చెబుతున్నారు. ఖర్జూరం గింజల పొడిలో ఒలేయిక్ ఆమ్లం, ఫైబర్, పాలీఫెనాల్స్ పుష్కలంగా ఉంటాయి. ఇది గుండె ఆరోగ్యాన్ని మెరుగుపరుస్తుంది.
ఖర్జూరం గింజల్లో యాంటీ ఆక్సిడెంట్స్ పుష్కలంగా ఉంటాయి. ఇది శరీరంలోని ఫ్రీ రాడికల్స్ ను డీయాక్టివేట్ చేయడానికి సహాయపడుతుంది. ఆక్సీకరణ ఒత్తిడి, ఇన్ ఫ్లమ్మేషన్‌ను తగ్గిస్తుంది. రోజూ ఖర్జూరం పొడిని ఆహారంలో భాగం చేసుకోవడం వల్ల పొట్టలో ఫైబర్ పరిమాణం పెరుగుతుంది, ఇది ప్రేగు కదలికను మెరుగుపరుస్తుంది. మలబద్ధకం వంటి సమస్యల నుండి ఉపశమనం కలిగిస్తుంది.