Vastu For Plants: ఈ మొక్కలు ఇంట్లో అస్సలు పెంచకూడదు.. డబ్బు రాకకు అడ్డం..!
వాస్తు శాస్త్రంలో ప్రతి పనికి నియమాలు ఉన్నాయి. అందుకే అందరూ వాస్తు ప్రకారమే ఇళ్లు నిర్మించుకుంటారు. కానీ, ఇంట్లో, ఇంటి ఆవరణలో ఖాళీ స్థలం ఉంది కదా అని నచ్చిన మొక్కలు పెంచుతూ ఉంటారు. కానీ, వాస్తు శాస్త్రంలో కొన్ని చెట్లను అశుభకరమైనవిగా పరిగణిస్తారు. అలాంటి చెట్లు, మొక్కలను ఇంట్లో నాటడం వల్ల దురదృష్టం మాత్రమే కాకుండా సంపద, ఆరోగ్యం, శాంతిపై కూడా ప్రతికూల ప్రభావం చూపుతుంది. ఇంట్లో నాటకూడని ఐదు చెట్ల గురించి ఇక్కడ తెలుసుకుందాం..
ఖర్జూర చెట్టు: ఖర్జూర చెట్టు ఆకర్షణీయంగా కనిపించినప్పటికీ, దానిని ఇంటి లోపల నాటడం చాలా అశుభకరం అంటున్నారు వాస్తు నిపుణులు. వాస్తు ప్రకారం, ఖర్జూర చెట్టును ఇంటి లోపల నాటడం వల్ల ఆర్థిక ఇబ్బందులు, సంపద నష్టం జరుగుతుంది. దాని ఎత్తు, ఆకారం ఇంటి సానుకూల శక్తిని అడ్డుకుంటుంది. అందువల్ల, దానిని బహిరంగ ప్రదేశాలలో లేదా తోటలలో మాత్రమే నాటడం శుభప్రదంగా పరిగణిస్తారు.
రేగు చెట్టు: రేగు పండు చాలా రుచికరంగా ఉంటుంది. కానీ, వాస్తు నమ్మకాల ప్రకారం, ఇంట్లో రేగు చెట్టును నాటడం ఇబ్బందులను ఆహ్వానించడంతో సమానం. రేగు చెట్టుపై ముళ్ళు ప్రతికూల శక్తికి చిహ్నంగా పరిగణించబడతాయి. ఇది కుటుంబ సభ్యుల మధ్య విభేదాలను పెంచుతుందని, ఆర్థిక నష్టానికి దారితీస్తుందని చెబుతారు. ఈ చెట్టు ఉండటం వల్ల లక్ష్మీదేవి ఇంట్లో నివసించకుండా నిరోధిస్తుంది.
జిల్లేడు చెట్టు: వాస్తు శాస్త్రం ప్రకారం, పాలలాంటి తెల్లటి రసాన్ని ఉత్పత్తి చేసే ఏ మొక్కను ఇంట్లో నాటకూడదు. జిల్లేడు చెట్టు ఈ కోవలోకి వస్తుంది. ఈ మొక్క నుండి వచ్చే రసం ప్రతికూల శక్తిని ఆకర్షిస్తుందని, ఇంట్లో అనారోగ్యం, మానసిక ఒత్తిడిని పెంచుతుందని నమ్ముతారు. ఈ చెట్టును దేవాలయాలు లేదా బహిరంగ ప్రదేశాలలో మాత్రమే నాటడం సముచితంగా పరిగణిస్తారు.
రావి చెట్టు: రావి చెట్టును పవిత్రంగా భావిస్తారు. కాబట్టి దీనిని సాధారణంగా దేవాలయాల దగ్గర నాటుతారు. అయితే, ఇంటి లోపల రావి చెట్టును నాటడం నిషేధం. ఈ చెట్టు ఇంటి శక్తి సమతుల్యతను దెబ్బతీస్తుందని, ఆర్థిక నష్టాన్ని పెంచుతుందని వాస్తు శాస్త్రం స్పష్టంగా చెబుతుంది. మీ ఇంట్లో ఒక రావి చెట్టు స్వయంగా పెరిగితే, దానిని వెంటనే తీసి ఏదైనా గుడి లేదంటే, పవిత్ స్థలంలో నాటుకోవాలని చెబుతున్నారు.
చింతచెట్టు: ఇంటి లోపల చింత చెట్టును నాటడం ఖచ్చితంగా నిషేధించబడింది. ఎందుకంటే ఈ చెట్టు ప్రతికూల శక్తిని ఆకర్షిస్తుందని చెబుతారు. వాతావరణాన్ని భారంగా మారుస్తుంది. చింత చెట్టు ఉన్న చోట దెయ్యాల భయం ఉంటుందని చెబుతారు. చెడు దృష్టి ఉంటుందని నమ్ముతారు. చింత చెట్టు ఉన్న ఇంట్లో నివసించే వారి ఆరోగ్యంపై ప్రతికూల ప్రభావాన్ని చూపుతుంది.