Youtube: యూట్యూబ్ క్రియేటర్లకు గుడ్ న్యూస్.. ఇకపై ‘షార్ట్స్’ నిడివి..
యూట్యూబ్కు ప్రపంచవ్యాప్తంగా ఉన్న క్రేజ్ ఎలాంటిదో ప్రత్యేకంగా చెప్పాల్సిన పనిలేదు. ప్రతీరోజూ కోట్ల సంఖ్యలో వీడియోలు అప్లోడ్ అవుతుంటాయి. యూజర్లకు ఎంటర్టైన్మెంట్ను అందిస్తోన్న యూబ్యూట్.. క్రియేటర్లకు మంచి ఆదాయాన్ని అందిస్తున్నాయి. ఈ నేపథ్యంలో కొంగొత్త ఫీచర్లను అందిస్తున్నాయి. ఈ క్రమంలోనే తాజాగా మరో కొత్త ఫీచర్ను తీసుకొచ్చింది..
యూట్యూబ్ షార్ట్స్కు ప్రపంచవ్యాప్తంగా ఎంతటి క్రేజ్ ఉందో ప్రత్యేకంగా చెప్పాల్సిన పనిలేదు. షార్ట్ వీడియోలకు పెద్ద ఎత్తున ఆదరణ లభిస్తోంది. చిన్న నిడివిలో చెప్పాలనుకున్న కంటెంట్ను స్పష్టంగా చెప్పేందుకు ఇవి ఉపయోగపడతాయి.
యూట్యూబ్ క్రియేటర్లకు ఈ షార్ట్ వీడియోల ద్వారా భారీగా ఆదాయం ఆర్జిస్తున్నారు. ఈ నేపథ్యంలోనే షార్ట్స్కు సంబంధించి యూట్యూబ్ సరికొత్త అపడేట్ను పరిచయం చేసింది. షార్ట్స్ నిడివిని పెంచుతూ నిర్ణయం తీసుకుంది.
అక్టోబర్ 15వ తేదీ నుంచి ఈ కొత్త అప్డేట్ అందుబాటులోకి రానుంది. ప్రస్తుతం షార్ట్స్ వీడియో నిడివి కేవలం 60 సెకండ్లలోపు మాత్రమే అనుమతిస్తున్న విషయం తెలిసిందే. అయితే తాజాగా ఈ సమయాన్ని పెంచారు.
ఇకపై షార్ట్ వీడయోల నిడివిని మూడు నిమిషాల వరకు పెంచుకునే అవకాశాన్ని కల్పిస్తున్నట్లు సంస్థ ప్రకటించింది. 60 సెకండ్ల నిడివి ఉన్న షార్ట్స్లో పూర్తి సమాచారాన్ని అందించడం కష్టమవుతోంది.
యూట్యూబ్ తీసుకొస్తున్న ఈ కొత్త ఫీచర్ సహాయంతో షార్ట్స్ నిడివి మూడు నిమిషాలకు పెంచారు. కాగా యూట్యూబ్ షార్ట్స్ ఇన్స్టా రీల్స్కు పోటీగా 2020లో అందుబాటులోకి తీసుకొచ్చింది. మొదటగా 15 నుంచి 30 సెకన్ల వరకే షార్ట్ వీడియో అప్లోడ్ చేసుకునే ఉండేది.