Vivo Y28 5G: రూ. 12 వేలకే 50 ఎంపీ కెమెరా.. వివో నుంచి బడ్జెట్‌ స్మార్ట్ ఫోన్‌..
ప్రస్తుతం మార్కెట్లో 5జీ స్మార్ట్ ఫోన్స్ హల్చల్‌ నడుస్తోంది. దేశవ్యాప్తంగా 5జీ నెట్‌వర్క్‌ విస్తరిస్తున్న తరుణంలో, 5జీ సపోర్ట్ ఫోన్స్ మార్కెట్లోకి వస్తున్నాయి. ఇక ఒకప్పుడు భారీ ధర పలికిన 5జీ స్మార్ట్ ఫోన్స్.. కంపెనీల మధ్య నెలకొన్న పోటీ నేపథ్యంలో ధరలు భారీగా తగ్గుముఖం పట్టాయి. ఈ క్రమంలోనే చైనాకు చెందిన స్మార్ట్ ఫోన్‌ దిగ్గజం వివో మార్కెట్లోకి కొత్త ఫోన్‌ను లాంచ్‌ చేస్తోంది. ఈ స్మార్ట్ ఫోన్‌లో ఎలాంటి ఫీచర్లు ఉండనున్నాయి.? ధర ఎంత.? లాంటి పూర్తి వివరాలు మీకోసం..
చైనాకు చెందిన స్మార్ట్ ఫోన్‌ దిగ్గజం వివో భారత మార్కెట్లోకి కొత్త ఫోన్‌ను లాంచ్‌ చేస్తోంది. వివో వై28 పేరుతో 5జీ స్మార్ట్ ఫోన్‌ను తీసుకొస్తోంది. గతంలో లాంచ్‌ చేసిన వివో వై27 5జీ స్మార్ట్ ఫోన్‌కు కొనసాగింపుగా ఈ కొత్త ఫోన్‌ను లాంచ్‌ చేస్తోంది.
వివో వై28 5జీ స్మార్ట్ ఫోన్‌ను క్రిస్టల్ పర్పుల్, గ్లిట్టర్ ఆక్వా కలర్ ఆప్షన్స్‌లో తీసుకొచ్చారు. మొత్తం మూడీ వేరియంట్స్‌లో ఈ ఫోన్‌ను లాంచ్‌ చేయనున్నారు. ఈ స్మార్ట్ ఫోన్‌ లాంచ్‌ తేదీకి సంబంధించి ఇప్పటి వరకు కంపెనీ అధికారిక ప్రకటన చేయలేదు.
ఈ స్మార్ట్ ఫోన్‌ ధర విషయానికొస్తే.. 4 జీబీ ర్యామ్‌, 128 జీబీ ఇంటర్నల్ స్టోరేజ్‌ ధర రూ. 13,999, 6 జీబీ ర్యామ్‌, 128 జీబీ స్టోరేజ్‌ వేరియంట్‌ ధర రూ. 15,499, 8 జీబీ ర్యామ్‌, 128 జీబీ స్టోరేజ్‌ వేరియంట్‌ ధర రూ. 16,999గా ఉంది. ఈ ఫోన్‌ కొనుగోలు సమయంలో రూ. 1500 వరకు ఇన్‌స్టాంట్‌ డిస్కౌంట్‌ అందించనున్నారు.
ఇక ఈ స్మార్ట్ ఫోన్‌ 6ఎన్ఎం మీడియాటెక్ డైమెన్సిటీ 6100+ చిప్ సెట్‌తో పని చేయనుంది. కెమెరా విషయానికొస్తే ఈ స్మార్ట్ ఫోన్‌లో 50 మెగా పిక్సెల్స్‌తో కూడిన రెయిర్‌ కెమెరాను అందించనున్నారు. 5000 ఎంఏహెచ్ కెపాసిటీ గల బ్యాటరీ ఉండనున్నట్లు సమాచారం.
ఇక వివో వై28 5జీ స్మార్ట్ ఫోన్‌ ఆండ్రాయిడ్ 13 ఆపరేటింగ్‌ సిస్టమ్‌తో పనిచేస్తుంది. ఇక ఈ ఫోన్‌లో 6.64 ఇంచెస్‌తో కూడిన ఫుల్‌ హెచ్‌డీ+ కెమెరాను అందించనున్నారు. 1080×2388 పిక్సెల్స్ రిజల్యూషన్‌తో కూడిన ఎల్సీడీ ప్యానెల్ డిస్ ప్లేను ఇచ్చారు.