Redmi 10 Prime: రూ. 15వేల లోపు ఫోన్‌ కోసం ప్లాన్‌ చేస్తున్నారా..? అయితే ఓ సారి రెడ్‌మీ 10 ప్రైమ్‌పై లక్కేయండి..
Redmi 10 Prime: రూ. 15వేలలోపు మంచి ఫీచర్లు ఉన్న స్మార్ట్‌ ఫోన్‌ కోసం చూస్తున్నారా.? అయితే షావోమి నుంచి వచ్చిన రియల్‌ మీ 10 ప్రైమ్‌ ఫోన్‌ గురించి తెలుసుకోవాల్సిందే...
దసరా వచ్చిందంటే చాలా మంది కొత్త ఫోన్‌లను కొనుగోలు చేయాలని భావిస్తుంటారు. ఈ క్రమంలో రూ. 15వేల లోపు మంచి ఫీచర్లు ఉన్న ఫోన్‌ గురించి ఇప్పుడు తెలుసుకుందాం.
షావోమి ఇటీవల విడుదల చేసిన రెడ్‌మీ 10 ప్రైమ్‌లో మంచి ఫీచర్లను తీసుకొచ్చారు. తక్కువ ధరలో, ఆకట్టుకునే ఫీచర్లు ఈ ఫోన్‌ సొంతం.
ఫీచర్ల విషయానికొస్తే.. రెడ్‌మీ 10 ప్రైమ్‌లో 90 హెర్జ్‌ రిఫ్రెష్‌ రేట్‌తో 6.5 అంగుళాల ఫుల్ హెచ్‌డీ+ డిస్‌ప్లే ఇస్తున్నారు. దీనికి కార్నింగ్ గొరిల్లా గ్లాస్ ప్రొటెక్షన్ ఉంది.
ఫోన్‌లో టెక్ట్స్‌ ఎక్కువగా చదివే వారి కోసం ఇందులో ప్రత్యేకంగా రీడింగ్‌ మోడ్‌ 3.0ని అందించారు. గేమింగ్ కోసం ఈ ఫోన్‌లో హైపర్ గేమింగ్ 2.0, గేమ్ టర్బో ఫీచర్స్ ఇచ్చారు.
ఆండ్రాయిడ్‌ 11 ఆపరేటింగ్ సిస్టమ్‌పై పని చేసే ఈ ఫోన్‌ను కేవలం 192 గ్రాముల బరువుతో తయారు చేశారు. ఇందులో 50 ఎంపీ రెయిర్‌ కెమెరాను అందించారు.
ఈ ఫోన్‌లో మీడియాటెక్ హీలియో జీ88 ప్రాసెసర్‌ను ఉపయోగించారు. ధర విషయానికొస్తే.. 4 జీబీ ర్యామ్‌/64 జీబీ ఇంటర్నల్‌ స్టోరేజ్‌ వేరియంట్‌ ధర రూ. 12,499. 6 జీబీ ర్యామ్‌/128 జీబీ ధర రూ. 14,499గా ఉంది.