Best Phones Under 10K: రూ. 10వేల లోపు ధరలో 4జీబీ ర్యామ్, 50ఎంపీ కెమెరా ఫోన్లు ఇవే.. మార్కెట్లో టాప్ రేటెడ్..
ప్రతి వ్యక్తికి ఓ నిత్యావసరం స్మార్ట్ ఫోన్. అయితే పిండి కొద్దీ రొట్టె అన్నట్లుగా మనం వెచ్చించే ధరను బట్టి స్మార్ట్ ఫోన్ లోని ఫీచర్లు ఉంటాయి. అయితే ఇటీవల కాలంలో తక్కువ ధరలోనే మంచి ఫీచర్లు, స్పెసిఫికేషన్లతో ఫోన్లు మార్కెట్లో అందుబాటులో ఉంటున్నాయి. అవి కూడా టాప్ రేటెడ్ కంపెనీలకు చెందినవి కావడం విశేషం. కేవలం రూ. 10,000 ధరలో 4జీబీ ర్యామ్, 128జీబీ స్టోరేజ్ సామర్థ్యంతో పాటు 50ఎంపీ కెమెరా ఉన్న ఫోన్లను ఇప్పుడు మీకు పరిచయం చేస్తున్నాం. మార్కెట్లో మంచి రేటింగ్స్ ఉన్న స్మార్ట్ ఫోన్లు ఇక్కడ ఉన్నాయి. వాటి గురించి తెలుసుకుందాం రండి..
మోటోరోలా జీ13.. ఇది 90 హెర్జ్ రిఫ్రెష్ రేట్‌తో 6.5-అంగుళాల హెచ్ డీ ప్లస్ ఐపీఎస్ స్క్రీన్‌ను కలిగి ఉంది. ఈ ఫోన్‌లో కూడా 2ఎంపీ డెప్త్ సెన్సార్, 2ఎంపీ మాక్రో కెమెరాతో పాటు వెనుకవైపు 50ఎంపీ ప్రైమరీ కెమెరా ఉంది. 8ఎంపీ సెల్ఫీ కెమెరా స్క్రీన్ పైభాగంలో ఉన్న చిన్న పంచ్ హోల్‌లో ఉంది. ఫోన్ ఐపీ52-రేటెడ్ వాటర్-రిపెల్లెంట్ డిజైన్‌తో వస్తుంది. మీడియాటెక్ హీలియో జీ85 చిప్ ఆధారంగా పనిచేస్తుంది. 4జీబీ ర్యామ్, 128జీబీ ఇంటర్నల్ మెమరీ ఉంటుంది. 5000ఎంఏహెచ్ బ్యాటరీ ఉంటుంది. ఆండ్రాయిడ్ 13 ఓఎస్ పై పనిచేస్తుంది. దీని ధర రూ. 9,999గా ఉంది.
రియల్ మీ నార్జో 50ఏ.. ఇది స్టైలిష్ డిజైన్‌ను కలిగి ఉంది. 6.5-అంగుళాల హెచ్ డీ ప్లస్ డిస్‌ప్లేతో వస్తుంది. 60 హెర్జ్ రిఫ్రెష్ రేట్‌ను కలిగి ఉంది. ఇది మీడియాటెక్ హీలియో జీ85 చిప్ ఆధారంగా పనిచేస్తుంది. 4జీబీ ర్యామ్, 128జీబీ ఇంటర్నల్ మెమరీ ఉంటుంది. 6000ఎంఏహెచ్ బ్యాటరీ ఉంటుంది. ఈ ఫోన్ ఆండ్రాయిడ్ 11ని రియల్‌మీ యూఐ 2.0తో రన్ అవుతుంది. 50ఎంపీ ప్రైమరీ కెమెరా, 2ఎంపీ డెప్త్ సెన్సార్, 2ఎంపీ మాక్రో కెమెరా ఉంటుంది. ముందు వైపు 8ఎంపీ సెల్పీ కెమెరా ఉంటుంది. 18వాట్ల సామర్థ్యంతో ఫాస్ట్ చార్జింగ్ ఫీచర్ ను కలిగి ఉంది. దీని ధర రూ. 9,999గా ఉంది.
రెడ్ మీ 12సీ.. ఇది కూడా 4జీబీ ర్యామ్, 128జీబీ ఇంటర్నల్ మెమరీతో వస్తుంది. 5000ఎంఏహెచ్ బ్యాటరీ ఉంటుంది. మీడియాటెక్ హీలియో జీ85 చిప్ ఆధారంగా పనిచేస్తుంది. 1650 x 720 పిక్సెల్‌ల రిజల్యూషన్, 500 నిట్స్ గరిష్ట ప్రకాశంతో 6.71-అంగుళాల హెచ్ డీ ప్లస్ డిస్‌ప్లేను అందిస్తోంది. వెనుకవైపు ఫింగర్ ప్రింట్ స్కానర్‌ ఉంటుంది. వెనుకవైపు 50ఎంపీ ప్రైమరీ కెమెరా ఉంది. 5ఎంపీ సెల్ఫీ కెమెరా ఉంటుంది. ఈ ఫోన్ ఆండ్రాయిడ్ 12పై రన్ అవుతుంది. దీని ధర రూ. 9,499గా ఉంది.
పోకో సీ55.. రూ. 10,000లోపు బడ్జెట్లో 6 జీబీ ర్యామ్ అందిస్తున్న ఏకైక ఫోన్ ఇదే. స్టోరేజ్ కూడా 128 జీబీ ఉంటుంది. 1650 x 720 పిక్సెల్‌ల రిజల్యూషన్‌తో 6.71-అంగుళాల హెచ్ డీ ప్లస్ ఐపీఎస్ డిస్‌ప్లే ఉంటుంది. మీడియాటెక్ జీ85 ఎస్ఓసీ ప్రాసెసర్ ఆధారంగా పనిచేస్తుంది. ఫింగర్ ప్రింట్ లాక్ సిస్టమ్ ఉంటుంది. ఈ ఫోన్ వెనుకవైపు ప్రీమియం లుక్ ఉంటుంది. 50ఎంపీ ప్రైమరీ కెమెరా ఉంటుంది. ముందు వైపు 5ఎంపీ సెల్ఫీ కెమెరా ఉంటుంది. 5000ఎంఏహెచ్ బ్యాటరీ సామర్థ్యం ఉంటుంది. ఆండ్రాయిడ్ 12పై పనిచేసే ఈ ఫోన్ ధర కేవలం రూ.8,499గా ఉంది.
నోకియా సీ32.. ఇది ఆండ్రాయిడ్ 13 ఆధారంగా పనిచేస్తుంది. ఇది గ్లాస్ బ్యాక్ ను కలిగి ఉంది. దీనిలో దీని 6.52-అంగుళాల హెచ్ డీ ప్లస్ స్క్రీన్ స్క్రాచ్-రెసిస్టెంట్ గ్లాస్ ఉంటుంది. ఇది ఎంట్రీ-లెవల్ ఫోన్ అయినప్పటికీ, ఇది సొగసైనదిగా కనిపిస్తుంది. ఐపీ52 రేటింగ్‌తో దుమ్ము, తేమ-నిరోధకతను కూడా కలిగి ఉంటుంది. ఇది కూడా 4జీబీ ర్యామ్, 128జీబీ ఇంటర్నల్ మెమరీతో వస్తుంది. 5000ఎంఏహెచ్ బ్యాటరీ ఉంటుంది. ఈ ఫోన్ యూనిసోక్ చిప్‌తోవస్తుంది. ఆటో-ఫోకస్‌తో కూడిన 50ఎంపీ ప్రైమరీ కెమెరా, 2ఎంపీ మాక్రో కెమెరా ఉంటుంది. సెల్ఫీల కోసం 8ఎంపీ ఫ్రంట్ కెమెరా ఉంటుంది. దీని ధర రూ. 9,499గా ఉంది.