Techno Pova 5: మార్కెట్లోకి మరో సూపర్ స్మార్ట్ ఫోన్.. స్టన్నింగ్ లుక్‌, వావ్‌ అనిపించే ఫీచర్స్‌
భారత మార్కెట్లో రోజుకో కొత్త స్మార్ట్ ఫోన్ సందడి చేస్తోంది. ముఖ్యంగా తక్కువ బడ్జెట్‌ మార్కెట్‌ను టార్గెట్ చేసుకొని స్మార్ట్ ఫోన్స్‌ వస్తున్నాయి. చైనాకు చెందిన కొన్ని బ్రాండ్స్‌ ప్రస్తుతం భారత్‌లో వరుసగా స్మార్ట్ ఫోన్స్‌ను విడుదల చేస్తున్నాయి. ఈ క్రమంలోనే తాజాగా టెక్నో కంపెనీ కొత్త స్మార్ట్ ఫోన్‌ను తీసుకొచ్చింది. టెక్నో పొవా, టెక్నో పొవా 5 ప్రో పేరుతో రెండు ఫోన్‌లను తీసుకొచ్చారు. సోమవారం నుంచి మార్కెట్లోకి ఈ ఫోన్‌లు అందుబాటులోకి వచ్చాయి. ఇంతకీ ఈ ఫోన్‌లో ఎలాంటి ఫీచర్లు ఉన్నాయి.? ధర ఎంత.? లాంటి వివరాలపై ఓ లుక్కేయండి..
చైనాకు చెందిన స్మార్ట్ ఫోన్ దిగ్గజం టెక్నో భారత మార్కెట్లోకి రెండు కొత్త స్మార్ట్ ఫోన్‌లను తీసుకొచ్చింది. టెక్నో పొవా 5, టెక్నో పొవా 5 ప్రో పేరుతో తీసుకొచ్చిన ఈ రెండు ఫోన్‌లు సోమవారం నుంచి అందుబాటులోకి వచ్చాయి.
ఈ రెండు ఫోన్‌లలో 6.78 ఇంచెస్‌ ఫుల్ హెచ్‌డీ+ డిస్‌ప్లేతో తీసుకొచ్చారు. 120 హెర్ట్జ్ రీఫ్రెష్ రేట్, 240 హెర్ట్జ్ టచ్ శాంప్లింగ్ రేట్ ఈ ఫోన్ స్క్రీన్స్‌ ప్రత్యేకత.
ఈ రెండింటిలోనూ మీడియాటెక్‌ హిలీయో జీ 99 ప్రాసెసర్‌ను అందించారు. ఆండ్రాయిడ్‌ 13 ఆపరేటింగ్ సిస్టమ్‌తో ఈ ఫోన్‌లు పనిచేస్తాయి.
కెమెరా విషయానికొస్తే ఇందులో 50 మెగాపిక్సెల్ రెయిర్‌ డ్యూయల్‌ కెమెరా సెటప్‌ కెమెరాను అందించారు. ఇక సెల్ఫీల కోసం 8 మెగాపిక్సెల్ ఫ్రంట్‌ కెమెరాను అందించారు.
టెక్నో పొవా 5 హరికేన్ బ్లూ, అంబర్ గోల్డ్, మెక్కా బ్లాక్ కలర్స్‌లో అందుబాటులో ఉన్నాయి. టెక్నో పొవా 5ప్రో విషయానికొస్తే.. వేరియంట్ సిల్వర్ ఫాంటసీ, డార్క్ ఇల్లుషన్ కలర్స్‌లో ఉన్నాయి. డ్యుయల్ 4జీ ఓల్ట్, వై-ఫై, బ్లూటూత్ 5.0, జీపీఎస్, యూఎస్బీ టైప్-సీ పోర్ట్, ఎన్ఎఫ్సీ, 3.5 ఆడియో కనెక్టివిటీ వంటి ఫీచర్స్‌ ఉన్నాయి.