Redmi Note14: రెడ్‌మీ కొత్త సిరీస్‌ వచ్చేస్తోంది.. ఫీచర్స్‌, ధరపై ఓ లుక్కేయండి..
చైనాకు చెందిన స్మార్ట్‌ ఫోన్‌ దిగ్గజం రెడ్‌మీ మార్కట్లోకి కొత్త ఫోన్‌ను లాంచ్‌ చేస్తోంది. రెడ్‌మీ నోట్‌14 పేరుతో వచ్చే నెలలో కొత్త సిరీస్‌ను మార్కెట్లోకి తీసుకొస్తోంది. ఈ సిరీస్‌లో భాగంగా రెడ్‌ మీనోట్‌ 14 ప్రో+, ప్రో పేర్లతో ఫోన్‌లను లాంచ్‌ చేయనుంది. ఇంతకీ ఫోన్‌లో ఎలాంటి ఫీచర్లు ఉండనున్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
ప్రముఖ స్మార్ట్‌ ఫోన్‌ తయారీ సంస్థ రెడ్‌మీ భారత మార్కెట్లోకి కొత్త ఫోన్‌ను లాంచ్‌ చేస్తోంది. రెడ్‌మీ నోట్‌14 సిరీస్‌లో భాగంగా రెండు ఫోన్‌లను డిసెంబర్‌లో మార్కెట్లోకి తీసుకొచ్చేందుకు సన్నాహాలు చేస్తోంది.
ఈ ఫోన్‌ ఫీచర్ల విషయానికొస్తే ఇందులో 6.67 ఇంచెస్‌తో కూడిన ఓఎల్‌ఈడీ స్క్రీన్‌ను అందించారు. 120 హెచ్‌జెడ్ రిఫ్రెష్‌ రేట్‌ ఈ స్క్రీన్‌ సొంతం. ఇక ఈ ఫోన్‌ మీడియాటెక డైమెన్సిటీ 7025 అల్ట్రా ఎస్ఓసీ ప్రాసెసర్‌ను ఇవ్వనున్నారు. ప్రో+లో స్నాప్‌డ్రాన్‌ 7ఎస్‌ జెన్‌ 3 డైమెన్సిటీ 7300 అల్ట్రా ప్రాసెసర్‌ను ఇచ్చారు
ఇక నోట్‌ 14 ప్రో స్మార్ట్‌ ఫోన్‌లో 50 మెగాపిక్సెల్స్‌తో కూడిన ప్రైమరీ కెమెరాతో కూడన ట్రిపుల్ కెమెరా సెటప్‌ను అందించనున్నారు ఇక ఈ రెండు ఫోన్‌లలో కూడా ఐపీ66, ఐపీ 69 రేటింగ్‌తో డస్ట్‌, వాటర్‌ రెసిస్టెంట్‌ను అందిస్తున్నారు.
రెడ్‌మీ నోట్‌ ప్రో+లో 90 వాట్స్‌ ఫాస్ట్‌ ఛార్జింగ్‌కు సపోర్ట్‌ చేసే 6200 ఎమ్‌ఏహెచ్‌ బ్యాటరీని అందించనున్నారు. అలాగే ప్రో+ ఫోన్‌లో 44వాట్స్‌ ఫాస్ట్‌ ఛార్జింగ్‌కు సపోర్ట్‌ చేసే 5,500 ఎమ్‌ఏహెచ్‌ కెపాసిటీ బ్యాటరీని ఇవ్వనున్నారు.
ఈ ఫోన్‌లలో ఇన్‌ఫ్రారెడ్‌ సెన్సర్స్‌, ఇన్‌ డిస్‌ప్లే ఫింగర్‌ప్రింట్‌ సెన్సర్‌, స్టీరియో స్పీకర్స్‌, యూఎస్‌బీ టైప్‌ సీ పోర్ట్‌ వంటి ఫీచర్లను అందించారు. ధర విషయానికొస్తే.. రెడ్‌మీనోట్‌ 14 ప్రో ప్రారంభ వేరియంట్‌ ధర రూ. 17,870గా, ప్రో+ ధర రూ. 23,800గా ఉండొచ్చని అంచనా వేస్తున్నారు.