Poco M6 Pro: భారత మార్కెట్లోకి కొత్త స్మార్ట్ ఫోన్‌.. రూ. 12 వేలలో 50 ఎంపీ కెమెరా..
చైనాకు చెందిన స్మార్ట్ ఫోన్‌ దిగ్గజం పోకో తాజా భారత మార్కెట్లోకి కొత్త స్మార్ట్ ఫోన్‌ను లాంచ్‌ చేసింది. పోకో ఎమ్‌6 ప్రో పేరుతో ఈ ఫోన్‌ను తీసుకొచ్చింది. ఇప్పటికే ఈ ఫోన్‌ను మార్కెట్లోకి లాంచ్‌ చేయగా నేటి నుంచి (సెప్టెంబర్‌ 14) అందుబాటులోకి వచ్చింది. తక్కువ బడ్జెట్‌లో మంచి ఫీచర్స్‌తో కూడిన ఈ ఫోన్‌ ప్రస్తుతం ఫ్లిప్‌కార్ట్‌లో అమ్మకానికి ఉంది. ఇంతకీ ఫోన్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు మీకోసం..
చైనా స్మార్ట్ ఫోన్‌ దిగ్గజం పోకో భారత మార్కెట్లోకి కొత్త ఫోన్‌ను తీసుకొచ్చింది. పోకో ఎమ్‌6 ప్రో పేరుతో లాంచ్‌ చేసిన ఈ ఫోన్‌ రెండు వేరియంట్స్‌లో అందుబాటులోకి వచ్చింది. 4జీబీ ర్యామ్‌, 128 జీబీ స్టోరేజ్‌ ధర రూ. 11,999 కాగా, 6 జీబీ ర్యామ్‌, 128 జీబీ స్టోరేజ్‌ ధర రూ. 12,999గా ఉంది.
ఫీచర్ల విషయానికొస్తే ఈ స్మార్ట్ ఫోన్‌లో 6.79 ఇంచెస్ ఫుల్‌ హెచ్‌డీ+ డిస్‌ప్లేను అందించారు. 90 హెచ్‌జెడ్‌ రిఫ్రెట్ రేట్‌ గొరిల్లా గ్లాస్‌ 3 ప్రొటెక్షన్‌ అందించారు.
ఇక ఈ స్మార్ట్ ఫోన్‌లో క్వాల్కమ్‌ స్నాప్‌డ్రాగన్‌ 4 జనరేషన్‌ 2 ఎస్‌ఓసీ ప్రాసెసర్‌ను అందించారు. ఆండ్రాయిడ్ 13 ఆపరేటింగ్‌ సిస్టమ్‌తో పని చేస్తుంది.
కెమెరా విషయానికొస్తే ఈ స్మార్ట్ ఫోన్‌లో 50 మెగా పిక్సెల్‌ ఏఐ కెమెరా, 2 మెగాపిక్సెల్‌ డెప్త్‌ రెయిర్‌ కెమెరాను అందించారు. అలాగే సెల్ఫీల కోస 8 మెగాపిక్సెల్‌ ఫ్రంట్‌ కెమెరాను అందించారు.
ఇక ఈ స్మార్ట్ ఫోన్‌లో 18 వాట్స్‌ ఫాస్ట్ చార్జింగ్ సపోర్ట్‌ చేసే 5000 ఎమ్‌ఏహెచ్‌ బ్యాటరీని అందించారు. ఇక డస్ట్‌, వాటర్‌ రెస్టిస్టెంట్‌ కోసం ఐపీ53 రేటింగ్‌ను అందించారు.