Oppo A79 5G: ఒప్పో నుంచి మరో బడ్జెట్ ఫోన్.. ధర తక్కువ ఫీచర్లు ఎక్కువ..
ప్రస్తుతం మార్కెట్లో 5జీ స్మార్ట్ ఫోన్ల హవా నడుస్తోంది. 5జీ నెట్వర్క్ దేశవ్యాప్తంగా విస్తరిస్తున్న నేపథ్యంలో 5జీ హ్యాండ్సెట్స్ అందుబాటులోకి వస్తున్నాయి. ముఖ్యంగా తక్కు బడ్జెట్లో 5జీ ఫోన్లు మార్కెట్ను ముంచెత్తుతున్నాయి. ఈ క్రమంలోనే తాజాగా చైనాకు చెందిన స్మార్ట్ ఫోన్ దిగ్గజం ఒప్పో కొత్త ఫోన్ను లాంచ్ చేసింది. ఒప్పో ఏ79 పేరుతో తీసుకొచ్చిన ఈ 5జీ స్మార్ట్ ఫోన్ను తక్కువ బడ్జెట్లో మంచి ఫీచర్లతో తీసుకొచ్చారు. ఇంతకీ ఫోన్ ధర ఎంత.? ఎలాంటి ఫీచర్స్ ఉన్నాయి.? చూద్దాం..
చైనాకు చెందిన ప్రముఖ స్మార్ట్ ఫోన్ దిగ్గజం ఒప్పో భారత మార్కెట్లోకి ఒప్పో ఏ79 పేరుతో కొత్త ఫోన్ను లాంచ్ చేసింది. ఈ 5జీ స్మార్ట్ ఫోన్ నేటి నుంచే (అక్టోబర్ 28) అందుబాటులోకి వచ్చింది. అమెజాన్తో పాటు, ఫ్లిప్కార్ట్లో ఈ ఫోన్ను అమ్మకానికి తీసుకొచ్చారు.
ధర విషయానికొస్తే 8 జీబీ ర్యామ్, 128 జీబీ స్టోరేజ్ వేరియంట్ ధర రూ. 19,999 కాగా ప్రస్తుతం పలు బ్యాంకులకు చెందిన కార్డులతో కొనుగోలు చేస్తే ఏకంగా రూ. 4000 వరకు డిస్కౌంట్ను అందిస్తోంది. ఈ లెక్కన ఈ ఫోన్ను రూ. 15 వేలకే సొంతం చేసుకోవచ్చు.
ఇక ఈ ఫోన్ ఫీచర్ల విషయానికొస్తే ఇందులో 6.72 ఇంచెస్తో కూడిన ఫుల్ హెచ్డీ+ ఎల్సీడీ స్క్రీన్ను అందించారు. 90Hz రిఫ్రెష్ రేట్, 6150నిట్స్ పీక్ బ్రైట్నెస్ ఈ స్క్రీన్ సొంతం.
ఆండ్రాయిడ్ 13 ఆపరేటింగ్ సిస్టమ్పై పనిచేసే ఈ స్మార్ట్ ఫోన్లో మీడియాటెక్ డైమెన్సిటీ 6020 ఎస్ఓసీ ప్రాసెసర్ను అందించారు. ఇక బ్యాటరీన విషయానికొస్తే ఇందులో 33 వాట్స్ ఛార్జింగ్కు సపోర్ట్ చేసే 5000 ఎమ్ఏహెచ్ బ్యాటరీని అందించారు.
ఇక కెమెరా విషయానికొస్తే ఈ ఫోన్లో 50 మెగాపిక్సెల్స్తో కూడిన రెయిర్ కెమెరాను అందించారు. ఇక సెల్ఫీల కోసం 8 మెగాపిక్సెల్స్తో కూడిన ఫ్రంట్ కెమెరాను అందించారు. ఫింగర్ ప్రింట్ సెన్సార్ను ఇన్డిస్ప్లేగా అందించారు.