Lava X2: భారత మార్కెట్లోకి లావా కొత్త స్మార్ట్‌ ఫోన్‌.. రూ. 7 వేలలోపు అదిరిపోయే ఫీచర్లు ఈ ఫోన్‌ సొంతం..
Lava X2: ప్రముఖ దేశీయ స్మార్ట్‌ ఫోన్‌ దిగ్గజం లావా తాజాగా బడ్జెట్‌ రేంజ్‌ ఫోన్‌ను లాంచ్‌ చేసింది. లావా ఎక్స్‌ పేరుతో తీసుకొచ్చిన ఈ ఫోన్‌లో తక్కువ ధరకే ఆకట్టుకునే ఫీచర్లు ఉన్నాయి..
భారత్‌కు చెందిన ప్రముఖ స్మార్ట్‌ ఫోన్‌ తయారీ సంస్థ లావా తాజాగా భారత మార్కెట్లోకి కొత్త స్మార్ట్‌ఫోన్‌ను లాంచ్‌ చేసింది. ఈ స్మార్ట్‌ఫోన్‌ను లావా ఎక్స్‌ 2 పేరుతో తీసుకొచ్చారు. ప్రీబుకింగ్ మార్చి 11వ తేదీ వరకు అందుబాటులో ఉంది.
ఈ ఫోన్‌ ఫీచర్ల విషయానికొస్తే లావా ఎక్స్‌ 2 మీడియాటెక్‌ ప్రాసెసర్‌తో పనిచేస్తుంది. ఈ ఫోన్‌లో 6.5 ఇంచెస్‌ హెచ్‌డీ ప్లస్‌ ఐపీఎస్‌ డిస్‌ప్లేను అందించారు. లావా ఎక్స్‌ 2ను 2 జీబీ ర్యామ్, 32 జీబీ ఇంటర్నల్‌ స్టోరేజ్ వేరియంట్‌ను విడుదల చేశారు.
కెమెరా విషయానికొస్తే ఇందులో 8 మెగా పిక్సెల్‌ రెయిర్‌ కెమెరాను అందించారు. సెల్ఫీల కోసం 5 మెగా పిక్సెల్‌ ఫ్రంట్‌ కెమెరాను అందించారు.
ఈ స్మార్ట్‌ఫోన్‌లో 5000 ఎంఏహెచ్‌ బ్యాటరీని అందించారు. 4జీ ఎల్‌టీఈ, డ్యుయల్ సిమ్, యూఎస్‌బీ టైప్-సీ చార్జింగ్ పోర్ట్, ఓటీజీ సపోర్ట్, వైఫై, బ్లూటూత్ కనెక్టివిటీ ఆప్షన్లు ఉన్నాయి.
ధర విషయానికొస్తే 2జీబీ ర్యామ్ + 32 జీబీ స్టోరేజ్ ధర రూ.6,599 నుంచి ప్రారంభం కానుంది. అమెజాన్‌లో ఈ ఫోన్‌ ప్రీ బుకింగ్ మార్చి 11వ తేదీ వరకు ప్రీబుకింగ్ ఫర్‌ను అందించారు.