ITEL A23 Pro Smart Phone: రూ. 3899కే స్మార్ట్ ఫోన్.. కొత్త ఫోన్ లాంచ్ చేసిన ఐటెల్.. ఫీచ‌ర్ల‌పై ఓ లుక్కేయండి..
ITEL A23 Pro Smart Phone: స్మార్ట్ ఫోన్ ధ‌ర‌లు క్ర‌మంగా త‌గ్గుతూ వ‌స్తున్నాయి. తాజాగా ఐటెల్ కంపెనీ ఫీచ‌ర్ ఫోన్ ధ‌ర‌లోనే స్మార్ట్‌ఫోన్‌ను అందిస్తోంది. ఐటెల్ ఏ23 ప్రొ స్మార్ట్ ఫోన్ ఆఫర్లో భాగంగా రూ. 3,899కే అందుబాటులో ఉంది...
ఒక‌ప్పుడు స్మార్ట్‌ఫోన్ కొనాలంటే త‌క్కువ‌లో త‌క్కువ రూ. 15వేలు పెట్టాల్సిందే. కానీ ప్ర‌స్తుతం స్మార్ట్ ఫోన్ ధ‌ర‌లు త‌గ్గుతూ వ‌స్తున్నాయి.
ఈ క్ర‌మంలోనే తాజాగా భార‌త మార్కెట్లోకి ఐటెల్ కొత్త స్మార్ట్ ఫోన్‌ను లాంచ్ చేసింది.
ఐటెల్ ఏ23 ప్రో పేరుతో తీసుకొచ్చిన ఈ స్మార్ట్ ఫోన్ అస‌లు ధ‌ర రూ. 4999 కాగా.. రిల‌య‌న్స్ ప్ర‌త్యేక ఆఫర్లో భాగంగా కేవ‌లం రూ. 3,899కే అందిస్తోంది.
రిల‌య‌న్స్ ఆన్‌లైన్ లేదా ఆఫ్‌లైన్ స్టోర్‌లో జియో ఎక్స్‌క్లూజివ్ ఆఫ‌ర్ కింద ఈ ధ‌ర‌కు అందిస్తున్నారు. త‌క్కువ ధ‌ర‌లో స్మార్ట్ ఫోన్ కావాలనుకునే వారికి ఈ ఫోన్ బెస్ట్ ఆప్ష‌న్‌గా చెప్ప‌వ‌చ్చు.
ఈ ఫోన్ ఫీచ‌ర్ల విష‌యానికొస్తే.. 5 అంగుళాల డిస్ ప్లే, క్వాడ్-కోర్ యునిసోక్ SC9832E ప్రాసెసర్, 1 జీబీ ర్యామ్, 8 జీబీ ఇంటర్నల్ స్టోరేజ్ అందించారు.
ఇక కెమెరా విష‌యానికొస్తే.. 2 మెగాపిక్సెల్ రియర్ కెమెరా, 0.3 మెగాపిక్సెల్ సెల్ఫీ కెమెరా అందించారు. ఫేస్ అన్‌లాక్‌తోపాటు.. 3.5 ఎంఎం హెడ్‌ఫోన్ జాక్, మైక్రో-యుఎస్‌బి చార్జర్, 2,400 ఎంఏహెచ్ బ్యాటరీ వంటి ఫీచ‌ర్లు ఈ ఫోన్ సొంతం.