Honor 90 5G: రూ. 20 వేలలోనే 200 ఎంపీ కెమెరా.. హానర్‌ ఫోన్‌పై భారీ డిస్కౌంట్‌..
చైనాకు చెందిన చెందిన స్మార్ట్ ఫోన్‌ దిగ్గజం గతేడాది హానర్‌ 90 పేరుతో ఫోన్‌ను లాంచ్‌ చేసిన విషయం తెలిసిందే. ఈ 5జీ ఫోన్‌లో అధునాతన ఫీచర్లను అందించారు. కాగా హానర్‌ కొత్త ఫోన్‌ లాంచింగ్ సమయంలో ఈ ఫోన్‌ను ప్రీమియం స్మార్ట్ ఫోన్‌గా లాంచ్‌ చేశారు. అయితే తాజాగా ఈ ఫోన్‌పై కంపెనీ భారీ డిస్కౌంట్‌ను ప్రకటించింది. ఇంతకీ ఫోన్‌ ఎంతకు లభిస్తుంది.? ఫీచర్లు ఎలా ఉన్నాయి.? ఇప్పుడు తెలుసుకుందాం..
చైనాకు చెందిన స్మార్ట్ ఫోన్‌ దిగ్గజం హానర్‌పై భారీ డిస్కౌంట్‌ లభిస్తోంది. హానర్‌ 90 5జీ ఫోన్‌ ప్రస్తుతం తగ్గించిన ధరతో మిడ్ రేంజ్‌ ఫోన్‌ జాబితాలోకి వచ్చే చేరింది. ప్రస్తుతం ఈ ఫోన్‌ 8 జీబీ ర్యామ్‌, 256 జీబీ స్టోరేజ్‌ వేరియంట్‌ ధర రూ. 22,999కాగా, 12 జీబీ ర్యామ్‌, 512 జీబీ స్టోరేజ్‌ వేరియంట్‌ ధర రూ. 24,999గా ఉంది.
ఇక ఈ ఫోన్‌ ఫీచర్ల విషయానికొస్తే ఇందులో 6.7 ఇంచెస్‌తో కూడిన క్వాడ్ కర్వ్డ్ ఫ్లోటింగ్ అమోఎల్‌ఈడీ డిస్‌ప్లేను అందించారు. 1600 నిట్స్‌ పీక్‌ బ్రైట్‌నెస్‌ను ఈ స్క్రీన్‌ అందిస్తుంది. దీంతో సన్‌లైట్‌లో కూడా స్క్రీన్‌ను క్లియర్‌గా చూడొచ్చు.
అలాగే కళ్లపై ఒత్తడి తగ్గించేందుకు వీలుగా ఈ ఫోన్‌లో ప్రత్యేక టెక్నాలజీని అందించారు. ఇక ఈ ఫోన్‌ క్వాల్కమ్‌ స్నాప్‌డ్రాగ్‌ 7 జెన్‌ 1 ప్రాసెసర్‌ను అందించారు. ఆండ్రాయిడ్‌ 13 ఆపరేటింగ్ సిస్టమ్‌తో పనిచేసే ఈ ఫోన్‌ హానర్‌ మ్యాజిక్‌ 7.1 ని అందించారు.
అలాగే బ్యాటరీ విషయానికొస్తే ఈ స్మార్ట్ ఫోన్‌లో 5000 ఎమ్‌ఏహెచ్‌ వంటి పవర్‌ ఫుల్‌ బ్యాటరీని అందించారు. కనెక్టివిటీ విషయానికొస్తే 5జీ, వైఫై 802.11ఏక్స్‌, బ్లూటూత్‌ 5.2, జీపీఎస్‌, యూఎస్‌బీ టైప్‌సీ పోర్ట్‌ వంటి ఫీచర్లు అందించారు.
ఇక ఈ ఫోన్‌లో కెమెరాకు అధిక ప్రాధాన్యత ఇచ్చారు. ఇందులో ట్రిపుల్‌ కెమెరా సెటప్‌తో కూడిన రెయిర్‌ కెమెరాను అందించారు. ఇందులో 200 మెగాపిక్సెల్స్‌ మెయిన్‌ కెమెరాతో పాటు 12 ఎంపీ అల్ట్రా వైడ్ మాక్రో సెన్సార్, 2 ఎంపీ డెప్త్ సెన్సార్ కెమెరాను అందించారు. ఇక సెల్ఫీలు, వీడియో కాల్స్‌ కోసం 50 మెగాపిక్సెల్స్‌తో కూడిన ఫ్రంట్‌ కెమెరాను అందించారు.