Honor X9C: హానర్ నుంచి కిరాక్‌ స్మార్ట్ ఫోన్‌.. ఫీచర్స్‌ తెలిస్తే మీరూ ఇదే అంటారు..
చైనాకు చెందిన స్మార్ట్ ఫోన్‌ల హవా నడుస్తోంది. రోజుకో కొత్త స్మార్ట్ ఫోన్‌ను మార్కెట్లోకి తీసుకొస్తున్న చైనా స్మార్ట్ దిగ్గజ సంస్థలు. ఈ క్రమంలోనే తాజాగా హానర్ కొత్త ఫోన్‌ను తీసుకొస్తోంది. హానర్ ఎక్స్‌9సీ పేరుతో గ్లోబల్‌ మార్కెట్లోకి ఈ ఫోన్‌ను లాంచ్‌ చేశారు. త్వరలోనే భారత మార్కెట్లోకి రానున్న ఈ ఫోన్‌కు సంబంధించిన పూర్తి వివరాలు ఇప్పుడు తెలుసుకుందాం..
చైనాకు చెందిన స్మార్ట్ ఫోన్‌ తయారీ సంస్థ హానర్ మార్కెట్లోకి కొత్త ఫోన్‌ను తీసుకొచ్చింది. హానర్ ఎక్స్‌9సీ పేరుతో లాంచ్‌ చేసిన ఈ ఫోన్‌ అమ్మకాలు ఇప్పటికే మలేషియాలో ప్రారంభమయ్యాయి. త్వరలోనే భారత మార్కెట్లోకి ఈ ఫోన్‌ను తీసుకొస్తున్నారు.
ధర విషయానికొస్తే హానర్ ఎక్స్‌9సీ 12 జీబీ ర్యామ్‌, 256 జీబీ ఇంటర్నల్‌ స్టోరేజ్ వేరియంట్‌ ధర రూ. 28,700కాగా.. 12 జీబీ ర్యామ్‌, 512 జీబీ స్టోరేజ్ ఏరియంట్‌ ధర రూ. 32,500గా నిర్ణయించారు.
ఫీచర్ల విషయానికొస్తే ఈ ఫోన్లో 6.78 ఇంచెస్‌తో కూడిన అమోఎల్‌ఈడీ స్క్రీన్‌ను అందించారు. 1,224 x 2,700 పిక్సెల్‌ రిజల్యూషన్‌ ఈ స్క్రీన్‌ సొంతం. ఈ స్మార్ట్ పోన్‌ క్వాల్ కామ్ స్నాప్‌డ్రాగన్ 6 జనరేషన్ 1 చిప్‌సెట్‌తో ప్రాసెసర్‌తో పనిచేస్తుంది.
ఈ స్మార్ట్ ఫోన్‌ ఆండ్రాయిడ్‌ 14 బేస్డ్‌ మ్యాజిక్ ఓఎస్ 8.0తో పనిచేస్తుంది. కెమెరా విషయానికొస్తే ఈ స్మార్ట్ ఫోన్లో 108 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే సెల్పీలు, వీడియో కాల్స్‌ కోసం ఇందులో 16 మెగా పిక్సెల్స్‌తో కూడిన ఫ్రంట్‌ కెమెరాను అందించారు.
హానర్ ఎక్స్‌ 9సీ స్మార్ట్ ఫోన్లో 66 వాట్స్‌ ఫాస్ట్‌ ఛార్జింగ్‌కు సపోర్ట్‌ చేసే 6600 ఎమ్‌ఏహెచ్‌ కెపాసిటీ గల బ్యాటరీని అందించారు. ఈ ఫోన్‌ను సియాన్‌, టైటానియం బ్లాక్‌, టైటానియం పర్పుల్‌ కలర్స్‌లో తీసుకొచ్చారు. డస్ట్, వాటర్ రెసిస్టెన్స్‌ కోసం ఐపీ65 రేటింగ్‌ను ఇచ్చారు.