New Smartphones: స్మార్ట్ ఫోన్ లవర్స్కు గుడ్ న్యూస్..ఈ నెలలో మార్కెట్లోకి సూపర్ స్మార్ట్ ఫోన్లు
భారతదేశంలో స్మార్ట్ ఫోన్ల వినియోగం గణనీయంగా పెరిగింది. స్మార్ట్ ఫోన్స్ వాడకంలో భారతదేశంలో ప్రపంచ దేశాల సరసన చేరింది. అమెరికా, చైనా తర్వాత అత్యధికంగా భారతదేశంలో స్మార్ట్ ఫోన్స్ అమ్ముడవుతున్నాయంటే ఇక్కడ స్మార్ట్ ఫోన్ మార్కెట్ ఏ స్థాయిలో ఉందో? అర్థం చేసుకోవచ్చు. ఇంతటి మార్కెట్ ఉన్న భారతదేశంలో ఎప్పటికప్పుడు ఫోన్ లవర్స్ సరికొత్త స్మార్ట్ ఫోన్స్ పలుకరిస్తున్నాయి. ఏదైనా స్మార్ట్ ఫోన్ ముందుగా ఇతర దేశాల్లో రిలీజైనా భారతదేశంలో అదే స్మార్ట్ ఫోన్ కొన్ని మార్పులతో రిలీజ్ చేస్తున్నారు. ఈ నేపథ్యంలో మార్చిలో సరికొత్త స్మార్ట్ ఫోన్స్ మార్కెట్ను ముంచెత్తనున్నాయి. కాబట్టి ఈ నెలలో రిలీజయ్యే అవకాశం ఉన్న స్మార్ట్ ఫోన్స్ గురించి మరిన్ని వివరాలను తెలుసుకుందాం.
ఈ నెలలో భారత మార్కెట్లో ఎంఐ 14 రిలీజయ్యే అవకాశం ఉంది. ఈ వాచ్ ధర రూ. 65,000 నుంచి రూ. 70,000 మధ్య ఉండే అవకాశం ఉంది. ఈ ఫోన్ను ఇటీవల ఎండబ్ల్యూసీ ప్రదర్శించారు. ఈ ఫోన్ మార్చి 7న భారతదేశంలో రిలీజ్ చేస్తారని కంపెనీ ప్రతినిధులు పేర్కొంటున్నారు. స్నాప్ డ్రాగన్ 8 జెన్ 3తో పాటు 120 డిస్ప్లేతో సహా టాప్ టైర్ స్పెక్స్ ఈ ఫోన్ ప్రత్యేకతలు. ముఖ్యంగా కెమెరా ప్రియులను ఆకట్టుకునే 50 ఎంపీ లైకా కెమెరాతో వచ్చే ఈ ఫోన్ పై అంచనాలు ఎక్కువగా ఉన్నాయి.
స్మార్ట్ ఫోన్ ప్రియులను ఆకట్టుకునేలా వివో కంపెనీ వివో వీ 30 సిరీస్ను కూడా లాంచ్ చేయనుంది. మార్చి 7న రిలీజ్ చేసే ఈ ఫోన్ వీ30, వీ 30 ప్రో అనే వేరియంట్స్లో లభ్యమవుతుంది. వీ 30 ధర రూ 30 వేలు, వీ 30 ప్రో రూ.40 వేలు ఉంటుందని అంచనా వేస్తున్నారు. ఈ రెండు ఫోన్లు 6.78 అంగుళాల 1.5 కే ఎమోఎల్ఈడీ డిస్ప్లే, ఫన్ టచ్ ఓఎస్తో ఆండ్రాయిడ్ 14, డ్యూయల్ 50 ఎంపీ కెమెరా సెటప్తో వస్తుంది. అయితే వీ 30 ప్రో ట్రిపుల్ కెమెరా సెటప్తో 50 ఎంపీ పోర్ట్రెయిట్ సెన్సార్, జెసిస్ ఆప్టిక్స్ వంటి అదనపు ఫీచర్లను అందిస్తుంది.
రియల్ మీ 12 ప్లస్ కేవలం రూ. 20 వేల ధరతో మార్చి 6న రిలీజ్ చేసే అవకాశం ఉంది. మీడియా టెక్ డైమెన్సిటీ 7050 చిప్సెట్2తో పాటు 120 హెచ్జెడ్ రిఫ్రెష్ రేట్తో ఎమోఎల్ఈడీ డిస్ప్లే ఈ ఫోన్ ప్రత్యేకతలు. ఈ ఫోన్ 50 ఎంపీ మెయిన్ సెన్సార్, 8 ఎంపీ అల్ట్రావైడ్, 2 ఎంపీ మాక్రో లెన్స్తో పాటు 16 ఎంపీ ఫ్రంట్ కెమెరాతో పని చేస్తుంది. 67 వాట్స్ ఫాస్ట్ ఛార్జింగ్కు సపోర్ట్ చేసే 5,000 ఎంఏహెచ్ బ్యాటరీతో ఆండ్రాయిడ్ 14 ఆధారంగా పని చేస్తుంది.
ఐక్యూ జెడ్ 9 కూడా మార్చిలోనే రిలీజ్ చేసే అవకాశం ఉంది. ఈ ఫోన్ ధర దాదాపు రూ. 21,000 - రూ. 25,000 వరకూ ఉంటుంది. ఎమోఎల్ఈడీ డిస్ప్లే, మీడియా టెక్ డైమెన్సిటీ 7200 ప్రాసెసర్తో పాటు ఫాస్ట్ ఛార్జింగ్తో కూడిన 5,000 ఎంఏహెచ్ బ్యాటరీతో వస్తుంది. సొగసైన డిజైన్, శక్తివంతమైన స్పెక్స్తో ఇతర స్మార్ట్ ఫోన్స్కు గట్టి పోటీనిస్తుందని మార్కెట్ నిపుణులు చెబుతున్నారు.
నథింగ్ ఫోన్ 2(ఏ) దాదాపు రూ. 30,000 ధరతో ఈ నెలలోనే రిలీజ్ చేసే అవకాశం ఉంది. కెమెరా యూనిట్, స్విర్లీ ఎల్ఈడీ నమూనాలతో గణనీయమైన డిజైన్ మార్పుతో వస్తుంది. మీడియా టెక్ డైమెన్సిటీ 7200 ప్రో ఆధారంగా పని చేసే ఈ ఫోన్ 12 జీబీ ర్యామ్తో పని చేస్తుంది 6.7 అంగుళాల ఎమోఎల్ఈడీ డిస్ప్లే, 5,000 ఎంఏహెచ్ బ్యాటరీతో వస్తుందని నిపుణులు అంచనా వేస్తున్నారు.