Smart Watches: రూ.5 వేల లోపు అందుబాటులో ఉన్న బెస్ట్‌ స్మార్ట్ వాచ్‌లు ఇవే.. ఫీచర్లలో వీటికి సాటిరావంతే..!
ప్రస్తుతం ప్రపంచం చాలా స్మార్ట్ మారుతుంది. మారుతున్న టెక్నాలజీ ప్రకారం వివిధ వస్తువులు తప్పనిసరయ్యాయి. ముఖ్యంగా స్మార్ట్ ఫోన్‌ లేని మనిషి మనకు కనిపించడం లేదు. స్మార్ట్ ఫోన్‌ విషయాన్ని పక్కనపెడితే స్మార్ట్ ఫోన్‌కు కనెక్ట్‌ చేసుకుని వాడుకునే బ్లూ టూత్‌ ఉత్పత్తులు ఇటీవల కాలంలో బాగా ప్రాచుర్యం పొందాయి. అందులో స్మార్ట్ వాచ్‌ను చాలా మంది ఇష్టపడుతున్నారు. ఈ అత్యాధునిక స్మార్ట్‌వాచ్‌లో దీర్ఘకాలం ఉండే బ్యాటరీలు, 100 కంటే ఎక్కువ వాచ్ ఫేస్‌లు, హెల్త్ మానిటరింగ్ ఫీచర్‌లు, స్టైలిష్ డిజైన్‌ కలిగి ఉండడంతో అందరూ ఇష్టపడుతున్నారు. ముఖ్యంగా ఇవి ఆడాళ్లు, మగాళ్లు ధరించే విధంగా రావడంతో అందరూ ఇష్టపడుతునఆరు. కాబట్టి ప్రస్తుతం రూ. 5 వేల లోపు ధరలో సూపర్ ఫీచర్స్‌తో వచ్చే స్మార్ట్ వాచ్‌లు ఏంటో ఓ సారి లుక్కేద్దాం.
క్రాస్‌ బీట్స్‌ ఇగ్నైట్‌ స్పెక్ట్రా ప్లస్‌ రూ.3,999కు అందుబాటులో ఉంటుంది. 1.83 అంగుళాల సూపర్ ఎమోఎల్‌ఈడీ డిస్‌ప్లేతో వస్తుంది. ముఖ్యంగా ఇందులో ఉన్న ఇన్‌బుల్ట్‌ మెమరీ కారణంగా 150 పాటల వరకు నిల్వ చేసుకోవచ్చు. ఏఐ వాయిస్ అసిస్టెంట్, హార్ట్ రేట్ మానిటరింగ్, బీపీ, స్లీప్ ట్రాకింగ్‌తో పాటు 200 కంటే ఎక్కువ వాచ్ ఫేస్‌లను కలిగి ఉంటుంది. ఈ వాచ్‌ను ఒక్కసారి ఛార్జ్ చేస్తే గరిష్టంగా 15 రోజుల బ్యాటరీ బ్యాకప్‌ను అందిస్తుంది.
ఫైర్‌ బోల్ట్‌ ఇన్విజబుల్‌ ప్లస్‌ స్మార్ట్ వాచ్ రూ. 4,999కు కొనుగోలు చేయవచ్చు. ఈ వాచ్ 1.43-అంగుళాల ఎమోఎల్‌ఈడీ డిస్ప్లే, 700 నిట్స్ పీక్ బ్రైట్‌నెస్, ఏఐ వాయిస్ అసిస్టెంట్, హార్ట్ రేట్ మానిటరింగ్, స్లీప్ ట్రాకింగ్, 100 కంటే ఎక్కువ వాచ్ ఫేస్‌లతో పాటు 300 స్పోర్ట్స్ మోడ్‌లను కలిగి ఉంటుంది.
నాయిస్‌ హలో ప్లస్‌ స్మార్ట్వాచ్ అమెజాన్‌లో రూ.4,999కు అందుబాటులో ఉంది. 1.46 అంగుళాల ఎమోఎల్‌ఈడీ డిస్‌ప్లేతో ఏఐ వాయిస్ అసిస్టెంట్, హార్ట్ రేట్ మానిటరింగ్, స్లీప్ ట్రాకింగ్, 100 కంటే ఎక్కువ వాచ్ ఫేస్‌లతో పాటు 100 స్పోర్ట్స్ మోడ్స్‌తో వస్తుంది. ఈ స్మార్ట్వాచ్ ఒకసారి ఛార్జ్‌పై ఏడు రోజుల బ్యాటరీ బ్యాకప్‌ను అందిస్తుంది.
బోట్‌ ప్రీమియా స్మార్ట్ వాచ్ ప్రస్తుతం రూ.5,000కు అందుబాటులో ఉంటుంది. 1.39 అంగుళాల ఎమోఎల్‌ఈడీ డిస్ప్లే, ఏఐ వాయిస్ అసిస్టెంట్, హార్ట్ రేట్ మానిటరింగ్, స్లీప్ ట్రాకింగ్, అనేక వాచ్ ఫేస్‌లతో పాటు బహుళ స్పోర్ట్స్ మోడ్స్‌తో వస్తుంది. ఈ స్మార్ట్ వాచ్ ఒకసారి ఛార్జ్ చేస్తే ఏడు రోజుల బ్యాటరీ బ్యాకప్‌తో వస్తుంది. ఐపీ 67 రేటింగ్‌తో డస్ట్, స్ప్లాష్ ప్రూఫ్‌ ఈ వాచ్ అందరినీ ఆకర్షిస్తుంది.
పెబుల్‌ కాస్మోస్‌ ఎండ్యూర్‌ స్మార్ట్ వాచ్ రూ.4,699కు లభిస్తుంది. ఈ వాచ్ 1.46 అంగుళాల ఎమోఎల్‌ఈడీ డిస్ప్లే, 600 నిట్స్ పీక్ బ్రైట్‌నెస్, ఏఐ వాయిస్ అసిస్టెంట్, హార్ట్ రేట్ మానిటరింగ్, స్లీప్ ట్రాకింగ్, 100 కంటే ఎక్కువ వాచ్ ఫేస్‌లతో పాటు 100 స్పోర్ట్స్ మోడ్స్‌తో ఆకర్షణీయంగా ఉంటుంది. ఈ స్మార్ట్ వాచ్ ఒక్కసారి ఛార్జ్ చేస్తే ఎనిమిది రోజుల వరకు బ్యాటరీ బ్యాకప్‌ను అందిస్తుంది.