Asus Vivobook 13: కొత్త ల్యాప్‌టాప్‌ను లాంచ్‌ చేసిన అసూస్‌.. ట్యాబ్‌గా కూడా వాడుకోవచ్చు.. ఇంకా మరెన్నో ఫీచర్లు.
Asus Vivobook 13: ప్రముఖ టెక్‌ దిగ్గజం అసూస్‌ భారత మార్కెట్లోకి సరికొత్త ల్యాప్‌టాప్‌ను లాంచ్‌ చేసింది. అసూస్‌ వివోబుక్ 13 స్లేట్ ఓఎల్ఈడీ పేరుతో తీసుకొచ్చిన ఈ ల్యాప్‌టాప్‌లో అధునాతన ఫీచర్లు ఉన్నాయి..
ప్రముఖ టెక్‌ దిగ్గజం అసూస్‌ తాజాగా భారత మార్కెట్లోకి కొత్త ల్యాప్‌టాప్‌ను లాంచ్‌ చేసింది. ఆసుస్ వివోబుక్ 13 స్లేట్ ఓఎల్ఈడీ ( Asus Vivobook 13 Slate OLED ) పేరుతో తీసుకొచ్చిన ఈ ల్యాప్‌లో ఆకట్టుకునే ఫీచర్లు ఉన్నాయి.
ఈ ల్యాప్‌టాప్‌ను అటు ల్యాపీగా, ఇటు ట్యాబ్‌గా ఉపయోగించుకోవచ్చు. మ్యాగ్నటిక్ డిటాచబుల్ కీబోర్డు‌తో ఈ ల్యాప్‌టాప్‌ వస్తుంది. అవసరమైనప్పుడు కీబోర్డ్‌ను వేరు చేసి ట్యాబ్‌గా వాడుకోవచ్చు .
ఈ ల్యాప్‌టాప్‌ ఫీచర్ల విషయానికొస్తే ఇందులో 13.3 ఇంచెస్‌ ఫుల్‌ హెచ్‌డీ ఓఎల్ఈడీ టచ్‌ స్క్రీన్‌ డిస్‌ప్లేను అందించారు. ఈ ల్యాప్‌టాప్‌ ఇంటెల్ పెంటియమ్ సిల్వర్ ఎన్6000 (Intel Pentium Silver 6000) ప్రాసెసర్‌తో పనిచేస్తుంది. డాల్బీ అట్మోస్ సపోర్ట్‌ దీని ప్రత్యేకత.
ఇందులో 13 మెగాపిక్సెల్‌ రెయిర్‌ కెమెరా, 5 మెగాపిక్సెల్‌ ఫ్రంట్‌ కెమెరాను అందించారు. ఇక ఈ ల్యాప్‌టాప్‌లో 50Whr సామర్థ్యమున్న బ్యాటరీని ఇచ్చారు. ఫుల్‌ చార్జ్‌ చేస్తే 9 గంటల బ్యాటరీ లైఫ్ ఇస్తుంది.
ధర విషయానికొస్తే 4జీబీ ర్యామ్ + 128జీబీ స్టోరేజ్ ప్రారంభ ధర రూ.45,550గా ఉంది. 8జీబీ ర్యామ్ + 256జీబీ SSD స్టోరేజ్ వేరియంట్ ధర రూ.62,990కి అందుబాటులో ఉంది.