Summer Travel Tips: వేసవిలో హిల్ స్టేషన్‌ని సందర్శించాలనుకుంటే.. డార్జిలింగ్ బెస్ట్ ఎంపిక.. ఏయే ప్రదేశాలు చూడవచ్చు అంటే..
వేసవి కాలం వచ్చిందంటే చాలు పిల్లల స్కూల్స్ కు , కాలేజీలకు సెలవులు వచ్చేస్తాయి. దీంతో ఈ లాంగ్ హాలిడేస్ ను తమ ఫ్యామిలీ తో ఎంజాయ్ చేయాలనీ.. దేశంలోని వివిధ ప్రాంతాలకు వెళ్లాలని సంతోషంగా సెలవులను గడపాలని కోరుకుంటారు. వేసవి కాలంలో ఎంజాయ్ చేయడానికి బెస్ట్ ప్లేసెస్ లో ఒకటి పశ్చిమ బెంగాల్‌లోని డార్జిలింగ్. ప్రకృతి అంటే ఇష్టమైన వారు డార్జిలింగ్‌ను సందర్శించడానికి ప్లాన్ చేసుకోవచ్చు. ఈ అందమైన నగరం వేసవిలో పర్యటించడానికి ఉత్తమ ప్రదేశం. బెంగాల్ ఉత్తర భాగంలోని కొండలపై ఉన్న ఇది కుటుంబం, భాగస్వామి లేదా ఒంటరిగా ప్రయాణించడానికి ఉత్తమమైనది. ఈ రోజు డార్జిలింగ్ నగరంలో ఏ ఏ ప్రాంతాలను సందర్శిస్తే ఆనందం లభిస్తుందో ఈ రోజు తెల్సుకుందాం..
వేసవి విడిది కోసం ఎక్కడికైనా వెళ్లాలని అనుకుంటే డార్జిలింగ్‌ని సందర్శించవచ్చు. ఇక్కడికి వెళ్లడం ద్వారా మీరు మీ యాత్రను మరింత గుర్తుండిపోయేలా చేసుకోవచ్చు. మీరు డార్జిలింగ్ లో ఏయే ప్రదేశాలను సందర్శించవచ్చో తెలుసుకుందాం..
టైగర్ హిల్స్: డార్జిలింగ్ ను వేసవి వినోదంగా ఎంజాయ్ చేయాలనుకుంటే టైగర్ హిల్‌ని తప్పకుండా సందర్శించండి. ఉదయించే సూర్యుని కిరణాలతో కాంచన్‌జంగా శిఖరాలను చూడటం అద్భుతమైన అనుభూతిని కలిగిస్తుంది. అయితే ఈ దృశ్యాన్ని చూడాలనుకుంటే ఉదయాన్నే కాంచన గంగ శిఖరానికి చేరుకోవాలి. ఇక్కడి దృశ్యం మీకు జీవితాంతం గుర్తుంటుంది.
టాయ్ ట్రైన్‌: టాయ్ ట్రైన్‌లు పిల్లలకే కాదు పెద్దలు కూడా చాలా ఆనందిస్తాయి. డార్జిలింగ్ స్టేషన్ నుంచి కొండలు, లోయల గుండా చిన్న రైలులో ప్రయాణించడం ఒక విభిన్నమైన ఆనందం. ఇక్కడ 10 నిమిషాల విరామం తర్వాత డార్జిలింగ్‌కు ప్రారంభమవుతుంది.
బటాసియా లూప్: టాయ్ రైలులో ప్రయాణించడానికి సమయం లేకపోతే.. బటాసియా లూప్‌ని తప్పకుండా సందర్శించండి. ఇక్కడ రైల్వే లైన్ పూర్తి వృత్తాన్ని చేస్తుంది. ఈ దృశ్యం చాలా అద్భుతమైనది.
డార్జిలింగ్ జూ పార్క్: నిజానికి దీని అసలు పేరు పద్మజా నాయుడు హిమాలయన్ జూలాజికల్ పార్క్. ఇది హిమాలయన్ మౌంటెనీరింగ్ ఇన్స్టిట్యూట్ సమీపంలో ఉంది. దీని ప్రత్యేకత ఏమిటంటే ఇవి హిమాలయాలు, ఇతర చల్లని కొండ ప్రాంతాలలో కనిపించే జంతువులు, ఎర్ర పాండా, మంచు చిరుతపులిని ఇక్కడ చూడవచ్చు.
డార్జిలింగ్ ఎప్పుడు వెళ్లాలంటే: మార్చి నుంచి జూన్ వరకు ఇక్కడికి వెళ్లడానికి ఉత్తమం. వాస్తవానికి దసరాతో పాటు, క్రిస్మస్ సమయంలో కూడా డార్జిలింగ్ ను సందర్శించవచ్చు. రైలులో ప్రయాణించి సులభంగా ఇక్కడికి చేరుకోవచ్చు.