Sunscreen: సన్స్క్రీన్ లేకుండా బయటకు వెళ్తే క్యాన్సర్ వస్తుందా? నిపుణులు ఏం చెబుతున్నారంటే..
తెలుగు రాష్ట్రాల్లో ఇప్పటికే ఉష్ణోగ్రతలు 40 డిగ్రీలు దాటాయి. ఎండ వేడిమికి బయట కాలుపెట్టే పరిస్థితి లేకుండా పోయింది. ఇంతటి వేడిలో సన్స్క్రీన్ అప్లై చేయకుండా బయటకు వెళ్తే శరీర ఛాయ దెబ్బతినడంతోపాటు క్యాన్సర్ ప్రమాదం వచ్చే అవకాశం ఉన్నట్లు నిపుణులు హెచ్చరిస్తున్నారు. సన్స్క్రీన్ లేకుండా బయటకు వెళ్లడం అంటే ప్రమాదం. ఎండ నుండి శరీరాన్ని రక్షించుకోవడానికి నిండు చేతులున్న షర్టులు ధరించడం మంచిది. ముఖం, మెడ స్కార్ఫ్‌తో కప్పుకోవాలి..
తెలుగు రాష్ట్రాల్లో ఇప్పటికే ఉష్ణోగ్రతలు 40 డిగ్రీలు దాటాయి. ఎండ వేడిమికి బయట కాలుపెట్టే పరిస్థితి లేకుండా పోయింది. ఇంతటి వేడిలో సన్స్క్రీన్ అప్లై చేయకుండా బయటకు వెళ్తే శరీర ఛాయ దెబ్బతినడంతోపాటు క్యాన్సర్ ప్రమాదం వచ్చే అవకాశం ఉన్నట్లు నిపుణులు హెచ్చరిస్తున్నారు.
సన్స్క్రీన్ లేకుండా బయటకు వెళ్లడం అంటే ప్రమాదం. ఎండ నుండి శరీరాన్ని రక్షించుకోవడానికి నిండు చేతులున్న షర్టులు ధరించడం మంచిది. ముఖం, మెడ స్కార్ఫ్‌తో కప్పుకోవాలి. సన్స్క్రీన్ హానికరమైన UV కిరణాల నుంచి చర్మాన్ని రక్షిస్తుంది. టాన్, సన్ బర్న్, పిగ్మెంటేషన్ నుంచి చర్మాన్ని రక్షిస్తుంది. సన్స్క్రీన్ చర్మ క్యాన్సర్ ప్రమాదాన్ని కూడా తగ్గిస్తుంది.
రోజు సన్స్క్రీన్ అప్లై చేయకపోవడం వల్ల చర్మానికి హాని కలుగుతుంది. ఫలితంగా సూర్యుని UV కిరణాలు చర్మానికి తీవ్రమైన హాని కలిగిస్తాయి. ఎండలో సన్‌స్క్రీన్‌ను అప్లై చేయకపోవడం వల్ల చర్మం అకాల వృద్ధాప్యానికి కూడా కారణమవుతుంది.
ఉష్ణోగ్రతలు దాదాపు 40 డిగ్రీలకు చేరుకుంటున్నాయి. ఇలాంటి సమయంలో మీరు తప్పనిసరిగా SPF 30 లేదా 50 ఉన్న సన్‌స్క్రీన్‌ని అప్లై చేయాలి. ఇది మీ చర్మాన్ని 95 నుంచి 98 శాతం ఎండ నుంచి కాపాడుతుంది. ముఖంతో పాటు చేతులకు, కాళ్లకు కూడా సన్స్క్రీన్ రాసుకోవాలి. ప్రతి 2-3 గంటలకు సన్స్క్రీన్ రాసుకుంటూ ఉండాలి.
మార్కెట్‌ వివిధ రకాల సన్‌స్క్రీన్‌లు లభిస్తున్నాయి. ఒకటి జిడ్డు చర్మానికి, మరొకటి పొడి చర్మానికి. మీ చర్మ రకాన్ని బట్టి తగిన సన్‌స్క్రీన్‌ని ఎంచుకోవాలి. చేతులు, కాళ్ళపై సన్స్క్రీన్ అప్లై చేయడానికి సన్స్క్రీన్ స్ప్రేని ఉపయోగించవచ్చు. సన్స్క్రీన్ అప్లై చేసే ముందు చర్మాన్ని బాగా శుభ్రం చేసుకోవాలి. శుభ్రపరచడం, టోనింగ్, సీరం, మాయిశ్చరైజర్ తర్వాత సన్స్క్రీన్ వినియోగించాలి. మేకప్ వేసుకోవాలని అనుకుంటే SPF ఉన్న ఫౌండేషన్, లేతరంగు లేదా కాంపాక్ట్ పౌడర్‌ని ఎంచుకోవాలి.