Sri Rama Navami 2026: పెసరపప్పు హాల్వా ఇలా చేస్తే.. ఆ రుచికి మైమరచిపోవాల్సిందే!
Sri Rama Navami 2026: శ్రీరామనవమి పండుగ రోజు ఈ స్వీట్ రెసిపీ ట్రై చేయండి. రుచి అద్భుతంగా ఉంటుంది. ఇలా వండి తింటే చిన్న పిల్లల నుంచి పెద్దల వరకు గిన్నెల మీద గిన్నెలు లాగిస్తూనే ఉంటారు. మరి, ఇంకెందుకు ఆలస్యం ఎలా తయారు చేయాలో ఇక్కడ తెలుసుకుందాం..
ముందుగా ఒక కప్పు పెసరపప్పును తీసుకుని బాగా కడిగి మూడు గంటల పాటు బాగా నానబెట్టాలి. ఆ తర్వాత నీళ్లు మొత్తం వడపోసి, మిక్సీలో కానీ రోటిలో కానీ రుబ్బుకోవాలి.
ఇక ఇప్పుడు గ్యాస్ స్టవ్ వెలిగించి పాన్ పెట్టి దానిలో 5 టేబుల్ స్పూన్లు నెయ్యి వేసి, అది వేడయ్యాక రుబ్బుకున్న పెసరపప్పును మీడియం మంటపై రంగుమారే వరకు బాగా వేయించాలి. ఆ తర్వాత దీనిలో కప్పున్నర పాలు పోసి ముద్దల్లాగా పడకుండా కలుపుతూ వీటిని బాగా ఉడికించాలి.
పప్పు మెత్తగా అయిన తర్వాత ఒక కప్పు పంచదార కూడా వేసి బాగా మిక్స్ అయ్యేలా కలపాలి. పంచదార మొత్తం కరిగిపోయిన తర్వాత హాల్వా లాగా అవుతుంది.
ఇక ఇప్పుడు వేరే పాన్ తీసుకుని దానిలో రెండు టేబుల్ స్పూన్స్ నెయ్యి వేసి 4 జీడిపప్పు, 5 కిస్మిస్, 4 బాదం పప్పులు వేసి వాటిని హాల్వాలో కలపాలి. ఇంకా రుచి పెరగాలంటే యాలకుల పొడి కూడా వేస్తే టేస్ట్ అదిరిపోతోంది.
హాల్వా మొత్తం గట్టిగా అయ్యాక కిందకు దించేసి తినడమే. ఆ తర్వాత వేడి వేడిగా తింటే తినేకొద్దీ తినాలనిపిస్తుంది. ఈ రెసిపీని పండుగ రోజుల్లో చేస్తే ఇంట్లో సంతోషం రెట్టింపు అవుతుంది.