Wimbledon 2021 Day 1 Highlights: గ్రీస్ ప్లేయర్ సిట్సిపాస్‌కు ఊహించని ఫలితం; జకోవిచ్, సబలెంక శుభారంభం!
వింబుల్డన్‌ ప్రారంభమైన తొలి రోజే సంచలనంగా మారింది. ఫ్రెంచ్‌ ఓపెన్‌ ఫైనలిస్ట్‌ సిట్సిపాస్‌కు ఊహించని షాక్ తగిలింది.
వింబుల్డన్‌ ప్రారంభమైన తొలి రోజే సంచలనంగా మారింది. ఫ్రెంచ్‌ ఓపెన్‌ ఫైనలిస్ట్‌ సిట్సిపాస్‌కు ఊహించని షాక్ తగిలింది. తియోఫె తొలి రౌండ్లోనే ఈ యంగ్ ఆటగాడికి చెక్‌ పెట్టాడు. అలాగే డిఫెండింగ్‌ ఛాంపియన్‌ జకోవిచ్, మహిళల సింగిల్స్‌లో సబలెంక ముందడుగు వేశారు.
ఫ్రెంచ్‌ ఓపెన్‌ ఫైనల్లో ఓడిపోయిన గ్రీసు యువకెరటం సిట్సిపాస్‌... అందరి మనసులు గెలుచుకున్నాడు. అయితే తొలి రోజు వింబుల్డన్‌లో ఈ గ్రీస్ ప్లేయర్‌కు షాక్ తగిలింది. అమెరికాకు చెందిన ఫ్రాన్సిస్‌ తియోఫె 6-4, 6-4, 6-3తో రెండో సీడ్‌ సిట్సిపాస్‌ పోరాడి ఓడిపోయాడు. మ్యాచ్‌లో సిట్సిపాస్‌ 15 ఏస్‌లు కొట్టగా.. తియోఫె 7 ఏస్‌లు కొట్టారు. సిట్సిపాస్‌ 35 విన్నర్లు, తియోపె 43 విన్నర్లు కొట్టారు.
ఇక టైటిల్‌ ఫేవరెట్‌ గా బరిలోకి దిగిన ప్రపంచ నంబర్‌వన్‌ నొవాక్‌ జకోవిచ్.. రెండో రౌండ్‌కు దూసుకెళ్లాడు. మొదటి రౌండ్లో 4-6, 6-1, 6-2, 6-2తో బ్రిటన్‌కు చెందిన 243వ ర్యాంకు ఆటగాడు జాక్‌ డ్రేపర్‌పై గెలిచాడు. పదునైన సర్వీసులతో చెలరేగిన 25 ఏస్‌లతో పాటు 47 విన్నర్లు కొట్టాడు.
మరో మ్యాచ్‌లో ఆండీ ముర్రే 6-4, 6-3, 5-7, 6-3 తేడాతో నికోలోజ్ బసిలాష్విలిని ఓడించి రెండో రౌండ్‌కు దూసుకెళ్లాడు.
మహిళల సింగిల్స్‌లో 10వ సీడ్‌ క్విటోవా 3-6, 4-6తో స్టీఫెన్స్‌తో చేతిలో పరాజయం పాలైంది. రెండో సీడ్‌ సబలెంక తొలి రౌండ్లో 6-1, 6-4తో నికులెస్కు ను ఓడించింది. 7వ సీడ్‌ స్వైటెక్‌, ముగురుజ, కీస్‌ కూడా రెండో రౌండ్లోకి దూసుకెళ్లారు.