Praggnanandhaa: చెస్ ప్రపంచకప్ ప్రైజ్ మనీ ఎంతో తెలుసా.. రన్నరప్గా నిలిచిన ప్రజ్ఞానందకు ఎంత దక్కనుందంటే?
FIDE World Cup 2023 Prize Money, Praggnanandhaa vs Carlsen: గురువారం జరిగిన టైబ్రేక్ మ్యాచ్లో కార్ల్సెన్ 1-0 తేడాతో FIDE ప్రపంచ కప్ 2023ని గెలుచుకున్నాడు. భారతదేశానికి చెందిన ఆర్. ప్రజ్ఞానంద రన్నరప్గా నిలిచాడు. ఫైనల్స్లో తలపడిని వీరిద్దరికి ఎంత డబ్బు వచ్చిందో తెలుసా? పూర్తి వివరాలు ఇప్పుడు తెలుసుకుందాం..
భారత ఆటగాడు ఆర్ ప్రజ్ఞానంద FIDE ప్రపంచ కప్ 2023 గెలుచుకోవడంలో విఫలమయ్యాడు. అజర్బైజాన్లోని బాకులో జరిగిన చెస్ ప్రపంచకప్ ఫైనల్స్లో ప్రపంచ నంబర్ 1 మాగ్నస్ కార్ల్సెన్ టైబ్రేక్లో భారత గ్రాండ్మాస్టర్పై విజయం సాధించి ఛాంపియన్గా నిలిచాడు.
ఆర్.ప్రజ్ఞానంద్, కార్ల్సన్ మధ్య తీవ్ర పోటీ నెలకొనడంతో మంగళ, బుధవారాల్లో వరుసగా రెండు రోజులు డ్రాగా ముగిశాయి. విజేత కోసం గురువారం స్వల్పకాలిక టై బ్రేక్ మ్యాచ్ జరిగింది. ఉత్కంఠభరితంగా సాగిన ఈ మ్యాచ్లో ప్రపంచ నంబర్ 1 చెస్ స్టార్ పోటీని అన్ని విధాలుగా అందించడంలో ప్రజ్ఞానంద సఫలమయ్యాడు. అయితే టైబ్రేక్లో విజయం సాధించి కార్ల్సన్ ప్రపంచ ఛాంపియన్గా నిలిచాడు.
మంగళవారం జరిగిన ఫైనల్ మ్యాచ్లో తొలి గేమ్లో నార్వే ఆటగాడు కార్ల్సెన్ను మొదటి నుంచి ఒత్తిడికి గురి చేయడంలో ప్రజ్ఞానంద సఫలమయ్యాడు. అయితే తొలి గేమ్లో చివరి రౌండ్లో కార్ల్సెన్ చాకచక్య ఎత్తుగడలతో మ్యాచ్పై పట్టు సాధించాడు. దీంతో తొలి రౌండ్ 35 ఎత్తుగడల తర్వాత డ్రాగా ముగిసింది.
బుధవారం జరిగిన 2వ గేమ్ లో నల్లపావులతో బరిలోకి దిగిన ప్రజ్ఞానందకు ఆదిలోనే షాక్ తగిలింది. కార్ల్సెన్ స్మార్ట్ మూవ్లకు అద్భుతమైన చెక్ మూవ్లతో ప్రజ్ఞానంద స్పందించారు. ఫలితంగా 22 ఎత్తుగడల తర్వాత కూడా మ్యాచ్ ముగిసింది.
గురువారం జరిగిన టైబ్రేక్ తొలి రౌండ్లో మొదటి గేమ్లో 47 ఎత్తుగడల తర్వాత, టైబ్రేక్లో కార్ల్సెన్ మొదటి గేమ్ను గెలిచి 1-0 ఆధిక్యంలో నిలిచాడు.
టైబ్రేక్ 2వ గేమ్ ను ప్రారంభించిన ప్రజ్ఞానందకు ఆరంభంలోనే ఎదురుదెబ్బ తగిలింది. అలాగే ఒక్కో మూవ్కు చాలా ఎక్కువ సమయం పట్టింది. ఈ దశలో కార్ల్సన్ మ్యాచ్పై పూర్తి పట్టు సాధించి మ్యాచ్ను డ్రా చేసుకోగలిగాడు. దీంతో కార్ల్సెన్ 1-0 తేడాతో విజయం సాధించి ప్రపంచ ఛాంపియన్గా నిలిచాడు.
FIDE చెస్ ప్రపంచ కప్ 2023 మొత్తం ప్రైజ్ మనీ USD 1,834,000. ఈ డబ్బు 206 మంది ఆటగాళ్లకు పంపిణీ చేయబడుతుంది. ఫైనల్స్లో గెలుపొందిన ఆటగాడికి USD 110,000 భారీ పే చెక్ అందిస్తారు.
రన్నరప్గా నిలిచిన భారత్కు చెందిన ఆర్.ప్రజ్ఞానందకు 80 వేల అమెరికన్ డాలర్లు అంటే దాదాపు రూ. 66.13 లక్షల బహుమతి లభించింది. ప్రపంచకప్ గెలిచిన నార్వేకు చెందిన మాగ్నస్ కార్ల్ సెన్ 110 వేల డాలర్లు (సుమారు రూ. 90.90 లక్షలు) అందుకున్నాడు.