ఉదయం లేచిన వెంటనే ఈ వస్తువులు చూశారో.. ఆ రోజు మొత్తం దరిద్రమే!
జ్యోతిష్య శాస్త్రంలో వాస్తు శాస్త్రానికి ప్రత్యేక ప్రాముఖ్యత ఉంటుంది. అయితే వాస్తు శాస్త్రం ప్రకారం, ఉదయం నిద్రలేవగానే కొన్ని వస్తువులను చూడటం అశుభకరం. ఎవరైతే ఉదయం నిద్ర లేచిన వెంటనే కొన్ని రకాల వస్తువులు చూస్తారో వారు అనేక సమస్యలు ఎదుర్కోవాల్సి వస్తుందంట. వారు ఎవరంటే?
వాస్తు శాస్త్రం ప్రకారం ఉదయం లేవగానే పగిలిన అద్దం చూడటం అశుభకరం. అందువలన ఎప్పుడూ కూడా ఉదయం లేచిన వెంటనే పగిలిన అద్దంలో ముఖం చూసుకోకూడదంట. దీని వలన మనసులో అశాంతి, చేసే పనుల్లో ఆటంకాలు ఎదురు అవుతాయంట.
అదే విధంగా చాలా మంది వంట గదిలో మురికి పాత్రలో అలాగే ఉంచి నిద్రపోతారు. ఉదయం లేవగానే డైరెక్ట్ వంట గదికి వెళ్లి మురికి పాత్రలు శుభ్రం చేస్తుంటారు. కానీ వాస్తు శాస్త్రం ప్రకారం, ఆ ఇంటి మహిళ ఉదయం లేవగానే మురికి పాత్రలు చూడటం వలన ఇంటిలో ఆర్థిక సమస్యలు, కలహాలు ఎక్కువ అవుతాయంట.
చాలా మంది తమ ఇంటిలో విరిగిన దేవతా విగ్రహాలను పెట్టుకుంటారు. అయితే లేచిన వెంటనే విరిగిపోయిన దేవతా విగ్రహాలు చూడటం అశుభకరంగా పరిగణించబడుతుంది. దీని వలన జీవితంలో ఊహించని సమస్యలు ఎదురు అవుతాయంట.
అదే విధంగా వాస్తు శాస్త్రం ప్రకారం నిద్ర లేచిన వెంటనే, ఆగిపోయినా లేదా విరిగిన గడియారం చూడటం కూడా అస్సలే మంచిది కాదంట. ఇది మీ పనుల్లో ఆటంకాలకు కారణం అవుతుంది. అంతే కాకుండా దీని వలన మీరు చేసే పనులు మధ్యలో ఆగిపోయే ప్రమాదం ఉన్నదంట.
అలాగే ఉదయం లేవగానే ఎవరైనా గొడవలు పెట్టుకుంటే, వారిని చూడటం మంచిది కాదంట. ఇది మీ మొత్తం రోజుపై ప్రభావం చూపుతుందని చెబుతున్నారు వాస్తు శాస్త్ర నిపుణులు.