Vastu Tips: ఇంట్లో ఆర్థిక, ఆరోగ్య సమస్యలా..? అయితే ఈ వాస్తు దోషాలు లేకుండా జాగ్రత్త పడండి..
Vastu Tips: సనాతన హిందూ ధర్మంలో జాతకం, వాస్తు శాస్త్రాలకు ఎంతో ప్రాముఖ్యంత ఉంది. గ్రహాల స్థితిగతులు మన జాతాకంపై ప్రభావం చూపినట్లుగానే వాస్తు కూడా ప్రభావితం చేస్తుంది. ఇక ఇంట్లో వాస్తు దోషాలు ఉంటే ఆ ఇంట్లోనివారు ఎప్పుడూ ఆర్థిక, ఆరోగ్య సమస్యలతో బాధపడుతుంటారు. ఈ క్రమంలో ఇంటిని వాస్తు ప్రకారం నిర్వహించుకోవడం ఆర్థికంగా, ఆరోగ్యంగా శుభఫలితాలను ఇస్తుంది. మరి అందుకోసం ఇంట్లో ఏయే దిశల్లో ఎటువంటి వాస్తు నియమాలను పాటించాలో ఇప్పుడు తెలుసుకుందాం..
బ్రహ్మస్థానం: వాస్తు ప్రకారం ఇల్లు, కార్యాలయాల నిర్మాణాలలో బ్రహ్మస్థానం అనేది కేంద్ర బిందువు. ఈ స్థానంలో బరువులను ఉంచడం, నిర్మాణాలు చేపట్టడం వంటివాటికి దూరంగా ఉండాలి.
ఉత్తర దిశ: వాస్తు ప్రకారం ఉత్తర దిశ కుబేరునికి అంకితం చేసిన దిశ. ఈ కారణంగా దీన్ని డబ్బు, శ్రేయస్సుకు మూలంగా భావిస్తారు. ఇక ఈ దిశలో సింక్, బాత్రూమ్ వంటివి నిర్మించడం నిషిద్ధం.
ఆగ్నేయ దిశ: శుక్రుడు అధిపతి అయిన ఆగ్నేయ దిశలో అగ్నికి సంబంధించిన వస్తువులు, పరికరాలు ఉంచటం మంచిది. ఎందుకంటే శుక్రుడు అగ్నికి కారకుడని హిందువుల నమ్మకం. ఈ క్రమంలో మీరు ఈ దిక్కున నీరు, గాలి మూలకాలు ఎట్టి పరిస్థితుల్లోనూ ఉంచకూడదు.
ఈశాన్య దిశ: వాస్తుశాస్త్రంలో ఈశాన్య దిశకు అత్యంత శుభమైన ప్రదేశంగా ప్రాముఖ్యత ఉంది. జీవితకాల శ్రేయస్సు, ఆనందాన్ని ప్రసాదించే దిక్కుగా దీన్ని భావిస్తారు. ఈ కారణంగానే మీరు ఈ దిక్కులో ఎలాంటి బరువులు ఉంచరు. కావాలంటే అక్వేరియం, ఫౌంటేన్ వంటివి పెట్టుకోవచ్చు.
ప్రధాన ద్వారం: ఇంటికి ఎంతో కీలకమైనది ప్రధాన ద్వారమే. ఇలాంటి శుభకరమైన శక్తులైనా ఈ ద్వారం గుండానే ఇంట్లోకి ప్రవేశిస్తాయి. ఇక ఈ ప్రధాన ద్వారం సరైన దిశలో ఉన్నప్పుడే ఇంట్లో ఆనందం, ఆరోగ్యం పెరుగుతాయి.