Dangerous Plants: ప్రపంచంలో అత్యంత ప్రమాదకరమైన మొక్కలు ఏమిటో తెలుసా? ఇవి చేసే చెడు ఏమిటంటే..
మొక్కలు.. చెట్ల గురించి ఆలోచన రాగానే మనకు సుందరమైన దృశ్యాలు గుర్తువస్తాయి. వాటి ఉపయోగాలూ మన మదిలో మెదులుతాయి. అయితే కొన్ని మొక్కలు ప్రమాదకరమైనవి కూడా ఉంటాయి. వాటిలో ఓ ఐదు మొక్కలు గురించి ఇక్కడ తెలుసుకుందాం.
1. మెషినిల్ చెట్టు: మధ్య దక్షిణ అమెరికాలో కనిపించే ఈ చెట్టు చాలా ప్రమాదకరమైనది, దాని పండును తినడం, దాని దగ్గరకు వెళ్లడం మానవుల మరణానికి దారితీస్తుంది. ఈ కారణంగా ఈ చెట్టును డెత్ ఆపిల్ అంటారు.
2. రోసరీ పీ: ఈ అందంగా కనిపించే చెట్టు చాలా ప్రమాదకరమైనది. దాని విత్తనాలు ఎర్రగా ఉంటాయి. కింద నల్లగా ఉంటుంది. దీనిని వాడుక భాషలో గురివింద గింజ అంటారు. ఇది పొరపాటున ఎవరైనా తింటే మరణమే శరణ్యం. ఇంతకు ముందు ఈ విత్తనాలను నగల తయారీకి ఉపయోగించినప్పటికీ, అది చాలా ప్రమాదకరమైనదని తెలిసిన తరువాత వినియోగించడం మానేశారు.
3. గెయింట్ హాగ్వీడ్: బ్రిటన్‌లో కనిపించే ఈ మొక్క తెల్లని పువ్వులు చాలా అందంగా ఉంటాయి, కానీ ఈ పువ్వులను తినడం వల్ల చాలా మంది చనిపోయారు. దీనితో పాటు, ఈ పువ్వులు కళ్ళతో సంబంధంలోకి వస్తే అంధులు అయిపోతారు.
4. పాయిజన్ ఓక్ & ఐవీ: పాయిజన్ ఓర్..ఐవీని తాకితే మానవుల చర్మంపై బొబ్బలు లేదా ఎర్రటి దద్దుర్లు ఏర్పడతాయి. అనేక సందర్భాల్లో, దీని కారణంగా మానవులు మరణించారు కూడా. ఈ మొక్క మానవ చర్మానికి చాలా ప్రమాదకరమని నిరూపితం అయింది.
5. సెర్బెరా ఓడోల్లం: ఈ మొక్కను సూసైడ్ ట్రీ అని కూడా అంటారు. కేవలం ఆత్మహత్యలు చేసుకోవడానికి మాత్రమే ప్రజలు ఈ మొక్కను ఉపయోగిస్తారు. అంటే, ఈ విషం ఏ శాస్త్రీయ పరిశోధనలోనూ ఇప్పటివరకూ ఏమిటనేది తేలలేదు. కానీ ఇది సమర్ధవంతంగా ప్రాణాలు తీస్తుందని రుజువు అయింది.