BR Ambedkar Jayanti: తల్లిదండ్రులకు 14వ సంతానం అంబేద్కర్… ఫ్యామిలీ ముఖ్యమైన విశేషాలు మీకోసం
BR Ambedkar Jayanti: భీమారావు అద్వితీయ ప్రతిభకు ముగ్ధుడై, అభిమాన బ్రాహ్మణ ఉపాధ్యాయుడు అతనికి అంబేద్కర్ అనే పేరు పెట్టారు. అది తరువాత అతని అసలు పేరులో అంతర్భాగంగా మారింది.
డా. బిఆర్ అంబేద్కర్ కుటుంబ చరిత్ర: ఈరోజు రాజ్యాంగ నిర్మాత బాబాసాహెబ్ డాక్టర్ భీమ్‌రావ్ అంబేద్కర్ జయంతి. ఆయన పూర్తి పేరు భీమ్‌రావ్ రామ్‌జీ అంబేద్కర్. 1891 ఏప్రిల్ 14న మధ్యప్రదేశ్‌లోని ఇండోర్ సమీపంలోని మోవ్ కంటోన్మెంట్‌లోని మహర్ కుటుంబంలో జన్మించాడు. స్వస్థలం మహారాష్ట్రలోని రత్నగిరి జిల్లాలోని మందన్‌గర్ తహసీల్‌లోని అంబ్రవేడే. తండ్రి పేరు రాంజీ రావు, తాత పేరు మాలోజీ సక్పాల్.
బాబాసాహెబ్ చిన్ననాటి పేరు భీమ్‌రావ్ ఎక్పాల్ అలియాస్ 'భీమా'. అతని తండ్రి రామ్‌జీరావు ఆర్మీలో పనిచేసేవారు. తండ్రి రామ్‌జీ కబీర్ పంత్‌కు అనుచరుడు. అతని తల్లి భీమాబాయి కూడా మతపరమైన స్వభావం గల మహిళ.
భీమ్‌రావ్ తన తల్లిదండ్రుల 14 మంది పిల్లలలో.. 11 మంది అమ్మాయిలు, 3 అబ్బాయిలలో చివరి సంతానం. భీమ్‌రావ్ కంటే ముందు ఉన్న 13 మంది పిల్లలలో, నలుగురు మాత్రమే జీవించారు, బలరామ్, ఆనందరావు, మంజుల, తులస, భీమ్రావు యొక్క మిగిలిన తోబుట్టువులు అకాల మరణం చెందారు.
నవంబర్ 20, 1896 న ఆరేళ్ళ వయసులోనే అశ్రద్ధ, అవగాహన లేకపోవడం, ఆర్థిక కష్టాల కారణంగా తల్లి చనిపోయింది. అతని అత్త మీరా నలుగురు సోదరీమణులు, సోదరులను చూసుకుంది. చిన్నప్పటి నుంచి భీంరావు తెలివి తేటలు కలవాడు. చదువులో చాలా తెలివైనవాడు. అతని అద్వితీయ ప్రతిభకు ముగ్ధుడై, అభిమాన బ్రాహ్మణ ఉపాధ్యాయుడు అతనికి 'అంబేద్కర్' అనే మారుపేరును పెట్టాడు. అది తరువాత అతని అసలు పేరులో అంతర్భాగంగా మారింది.
1908లో భీమ్‌రావ్‌కి కేవలం 17 సంవత్సరాల వయస్సు ఉన్నప్పుడు.. వివాహం చేసుకున్నారు. రమాబాయితో పెండ్లి చేసుకున్నారు. అప్పటికి రమాబాయి వయసు 14 ఏళ్లు మాత్రమే. పెళ్లయ్యాక కూడా డా.భీంరావు విదేశాలకు వెళ్లి ఉన్నత విద్యను అభ్యసించి తిరిగి దేశానికి చేరుకుని సేవాకార్యక్రమాల్లో నిమగ్నమయ్యారు.