వామ్మో పిస్తా పప్పు..! మంచిదని తెగ తింటున్నారా..? అయితే మీరు ఇది తెలుసుకోవాల్సిందే..!
పిస్తాపప్పును అందరూ ఇష్టపడతారు. మెదడు, గుండె ఆరోగ్యానికి ఇవి ఎంతో మేలు చేస్తాయి. వీటిని వేయించుకుని చిరుతిండిగా కూడా తీసుకోవచ్చు. అంతేకాకుండా వీటిని చాక్లెట్లు, ఐస్ క్రీం, క్యాండీలు, డెజర్ట్‌లు, ఇతర వంటలలో ఉపయోగిస్తారు. వీటిలో కాపర్, మాంగనీస్, విటమిన్ ఇ, కాల్షియం, మెగ్నీషియం, పొటాషియం, బి కాంప్లెక్స్ వంటి విటమిన్లు ఉంటాయి. కానీ అధిక మొత్తంలో పిస్తాపప్పులు తీసుకోవడం వల్ల ప్రయోజనాలకు బదులుగా మీ ఆరోగ్యానికి హాని కలుగుతుంది.
డయాబెటిక్ పేషెంట్లు రోజూ కొన్ని పిస్తాపప్పులు తినడం వల్ల శరీరంలో గ్లైసెమిక్ స్థాయిలు తగ్గుతాయి. రక్త ప్రసరణ కూడా మెరుగుపడుతుంది. పిస్తా పప్పులో పొటాషియం, ఫాస్పరస్, విటమిన్-బి6, థయామిన్ కాపర్, విటమిన్ B6, పిండి పదార్థాలు, ఫైబర్, భాస్వరం, మాంగనీస్, కొవ్వులు, ప్రోటీన్ మొదలైనవి పుష్కలంగా లభిస్తాయి.
శరీరంలో ప్రొటీన్ లోపం ఉన్నవారు తప్పనిసరిగా పిస్తా పప్పును తీసుకోవాలని ఆరోగ్య నిపుణులు చెబుతున్నారు. ఇది ప్రోటీన్ లోపాన్ని తొలగించడంలో సహాయపడుతుంది. పిస్తాపప్పు తినడం వల్ల ముఖంపై ముడతల ప్రభావం తగ్గుతుంది. ఇది చర్మాన్ని బిగుతుగా ఉంచుతుంది. దెబ్బతిన్న చర్మ కణాలను రిపేర్ చేయడంలో కూడా సహాయపడుతుంది.
మధుమేహం: డయాబెటిక్ రోగులు పిస్తాపప్పుల వినియోగానికి దూరంగా ఉండాలి, ఎందుకంటే అధిక వినియోగం రక్తంలో చక్కెరను తగ్గిస్తుంది. మధుమేహ వ్యాధిగ్రస్తులు పిస్తాపప్పులను ఎక్కువగా తినకూడదు.
పిస్తాలో ఐరన్, మెగ్నీషియం పుష్కలంగా ఉండటం వల్ల శరీరంలో హిమోగ్లోబిన్ పరిమాణాన్ని పెంచుతుంది. రోజూ కొన్ని పిస్తాపప్పులు తినడం వల్ల శరీరంలోని కొలెస్ట్రాల్ తగ్గుతుంది, తద్వారా గుండెపోటు వచ్చే ప్రమాదం తగ్గుతుంది. పిస్తాలో ఫైబర్ అధికంగా ఉంటుంది. కాబట్టి ఇది బరువు తగ్గడానికి సహాయపడుతుంది. పిస్తా పప్పును తీసుకోవడం వల్ల మెదడు చురుగ్గా మారుతుంది.
Pista