Test Records: 7 సెంచరీలు.. 1768 పరుగులు.. బద్దలైన 101 ఏళ్ల రికార్డ్.. ఎప్పుడు, ఎక్కడంటే?
Pakistan vs England: రావల్పిండిలో ఇంగ్లండ్ 74 పరుగుల తేడాతో పాకిస్థాన్పై విజయం సాధించింది. ఈ పిచ్పై జరిగిన చారిత్రాత్మక మ్యాచ్లో బెన్ స్టోక్స్ జట్టు 101 ఏళ్ల రికార్డును బద్దలు కొట్టాడు.
క్రికెట్లో ఒక సామెత ఉంది. రికార్డులు సృష్టించిన వెంటనే వాటిని బద్దలు కొట్టాలి అని ఉంటుంది. ఇంగ్లండ్-పాకిస్థాన్ జట్ల మధ్య జరిగిన రావల్పిండి టెస్టులో అలాంటిదే జరిగింది. ఈ మ్యాచ్లో ఇంగ్లండ్ 74 పరుగుల తేడాతో ఉత్కంఠ విజయాన్ని నమోదు చేయగా, ఈ మ్యాచ్లో 101 ఏళ్లుగా బ్రేక్ చేయకుండా ఉన్న ఓ రికార్డును బద్దలైంది.
ఇంగ్లండ్-పాకిస్థాన్ జట్ల మధ్య జరిగిన ఈ మ్యాచ్లో మొత్తం 1768 పరుగులు చేయడం ప్రపంచ రికార్డుగా నిలిచింది. టెస్టుల్లో 1768 పరుగులు చేయడం ద్వారా 101 ఏళ్ల రికార్డును బద్దలు కొట్టారు.
1921లో అడిలైడ్లో ఆస్ట్రేలియా, ఇంగ్లండ్ జట్ల మధ్య టెస్ట్ మ్యాచ్ జరిగింది. ఆ మ్యాచ్లో మొత్తం 1753 పరుగులు నమోదయ్యాయి. ఈ మ్యాచ్లో ఆస్ట్రేలియా గెలుపొందింది. అయితే ఇప్పుడు 101 సంవత్సరాల తర్వాత ఈ రికార్డు బ్రేక్ అయింది.
రావల్పిండి టెస్టులో మొత్తం 7 సెంచరీలు నమోదయ్యాయి. ఇది ఏ టెస్ట్ మ్యాచ్ ఫలితాల పరంగా చూసినా ప్రపంచ రికార్డుగానే నిలిచింది. అంతకుముందు 1921లో అడిలైడ్లో జరిగిన టెస్టులో 5 సెంచరీల రికార్డు ఉంది.
అదే విధంగా రావల్పిండిలో టెస్టు గెలవడం ఇంగ్లండ్కు మరో రికార్డును సొంతం చేసుకుంది. మొత్తం 22 ఏళ్ల తర్వాత ఇంగ్లండ్ పాక్ గడ్డపై టెస్టు మ్యాచ్ను గెలుచుకుంది. అలాగే, 17 ఏళ్ల తర్వాత టెస్టు సిరీస్ ఆడేందుకు పాకిస్థాన్ చేరుకుంది.