నమ్మరేమోగానీ, నల్లేరా మజాకా.. ఎముకలకు వజ్రం లాంటి బలం!
ప్రకృతి ప్రసాదించిన అద్భుత ఔషధ మొక్కల్లో నల్లేరు ఒకటి. దీనిని ఆయుర్వేదంలో వజ్రవల్లి లేదా అస్థిసంహారక అని పిలుస్తారు. అంటే ఎముకలకు వజ్రం లాంటి శక్తిని ఇచ్చేదని అర్థం. విరిగిన ఎముకలను అతికించడంలోనూ, ఎముకల సాంద్రతను పెంచడంలోనూ ఇది అద్భుతంగా పనిచేస్తుంది. నల్లేరులో విటమిన్ సి, కాల్షియం, యాంటీ ఆక్సిడెంట్లు పుష్కలంగా ఉంటాయి. వృద్ధాప్యంలో వచ్చే మోకాళ్ల నొప్పులు, నడుము నొప్పి, ఆర్థరైటిస్ సమస్యలకు ఇది ఒక సహజ సిద్ధమైన పరిష్కారం. కేవలం ఎముకలకే కాకుండా, జీర్ణక్రియను మెరుగుపరచడంలో, మలబద్ధకం, పైల్స్ సమస్యను తగ్గించడంలో కూడా నల్లేరు తోడ్పడుతుంది. ఆడవారిలో వచ్చే రుతుక్రమ సమస్యలు మరియు మెనోపాజ్ సమయంలో కలిగే అసౌకర్యాలను తగ్గించడంలో ఇది కీలక పాత్ర పోషిస్తుంది. నల్లేరు కాడలతో పచ్చడి లేదా కూరలు చేసుకుని తినడం వల్ల శరీరానికి అమితమైన బలం లభిస్తుంది. పూర్తి వివరాల్లోకి వెళితే..
ఆధునిక జీవనశైలిలో చిన్న వయసులోనే కీళ్ల నొప్పులు, ఎముకల బలహీనత వంటి సమస్యలు సర్వసాధారణం అయ్యాయి. అయితే, మన పెరట్లో లేదా పల్లెటూరి పొలాల గట్లపై కనిపించే 'నల్లేరు' ఈ సమస్యలన్నింటికీ దివ్యౌషధంగా పనిచేస్తుందని ఆయుర్వేద నిపుణులు చెబుతున్నారు. నల్లేరుకు 'అస్థిసంహారక' అనే పేరు ఉంది. ఎముకలు విరిగినప్పుడు ఆ కణజాలం త్వరగా పునరుత్పత్తి చెందడానికి ఇది దోహదపడుతుంది. ఇందులోని కాల్షియం, కార్బోనేట్ మూలకాలు ఎముకలను వజ్రం వలె దృఢంగా మారుస్తాయి. అందుకే పూర్వకాలంలో పెద్దలు ఎముకల బలం కోసం నల్లేరు పచ్చడిని ఆహారంలో భాగంగా తీసుకునేవారు.
ఆర్థరైటిస్, మోకాళ్ల నొప్పులు, నడుము నొప్పితో బాధపడేవారికి నల్లేరు గొప్ప ఉపశమనాన్ని ఇస్తుంది. ఇది వాపును తగ్గించే గుణాలను కలిగి ఉంటుంది. ఆకలి లేకపోవడం, అజీర్ణం, మలబద్ధకం వంటి సమస్యలను నల్లేరు నివారిస్తుంది. ఇది పేగుల ఆరోగ్యాన్ని మెరుగుపరుస్తుంది.
రక్తంలోని చక్కెర స్థాయిలను నియంత్రించడంలో, శరీరంలోని అదనపు కొవ్వును కరిగించి బరువు తగ్గడంలో ఇది సహాయపడుతుంది. మహిళల్లో నెలసరి సమయంలో వచ్చే నొప్పులను, మెనోపాజ్ దశలో ఎదురయ్యే ఎముకల సాంద్రత తగ్గే సమస్యను ఇది అరికడుతుంది.
ఎలా తీసుకోవాలి?: నల్లేరు కాడల పైన ఉండే ఈనెలను తీసివేసి, చిన్న ముక్కలుగా కోసి నెయ్యి లేదా నూనెలో వేయించాలి. ఆ తర్వాత పల్లీలు, చింతపండు, మిరపకాయలు కలిపి పచ్చడిలా చేసుకుని తినవచ్చు. అయితే, నల్లేరు కాడలు కోసేటప్పుడు చేతులకు నూనె రాసుకోవడం మంచిది. లేదంటే కొందరికి దురద వచ్చే అవకాశం ఉంటుంది.
ఆడవారిలో వచ్చే రుతుక్రమ సమస్యలు మరియు మెనోపాజ్ సమయంలో కలిగే అసౌకర్యాలను తగ్గించడంలో ఇది కీలక పాత్ర పోషిస్తుంది. నల్లేరు కాడలతో పచ్చడి లేదా కూరలు చేసుకుని తినడం వల్ల శరీరానికి అమితమైన బలం లభిస్తుంది. ఖరీదైన మందుల కన్నా ప్రకృతిలో దొరికే ఇలాంటి మూలికలను సరైన పద్ధతిలో వాడటం వల్ల దీర్ఘకాలిక ఆరోగ్య ప్రయోజనాలు పొందవచ్చు. నల్లేరును మీ డైట్లో చేర్చుకుని ఎముకల ఆరోగ్యాన్ని కాపాడుకోండి.