Mango Peel: మామిడి పండు కన్నా తొక్కే బెటర్‌.. ఇకపై పడేయకండి! ఎందుకో తెలుసా..
వేసవిలో నోరూరించే మామిడి పండ్లు మార్కెట్లో కుప్పలు తెప్పలుగా దర్శనమిస్తాయి. బంగినపల్లి, నీలం, చందూరా, రుమానియా, మల్గోవా, చక్కెర కట్టి, గిర్ కేసర్ మామిడి, అంటు మామిడి, చిలక ముక్కు మామిడి.. అబ్బో ఒకటేమిటి రకాల మామిడి పండ్లు ఈ సీజన్‌లో లభిస్తాయి. పులుపు, తీపి రుచితో పసందైన మామిడిపండ్లు కనిపిస్తే తినని వారుండరు. కానీ చాలా మంది మామిడి తొక్క తినేందుకు ఇష్టపడరు. నిజానికి.. పండుకన్నా తొక్కలోనే..
వేసవిలో నోరూరించే మామిడి పండ్లు మార్కెట్లో కుప్పలు తెప్పలుగా దర్శనమిస్తాయి. బంగినపల్లి, నీలం, చందూరా, రుమానియా, మల్గోవా, చక్కెర కట్టి, గిర్ కేసర్ మామిడి, అంటు మామిడి, చిలక ముక్కు మామిడి.. అబ్బో ఒకటేమిటి రకాల మామిడి పండ్లు ఈ సీజన్‌లో లభిస్తాయి. పులుపు, తీపి రుచితో పసందైన మామిడిపండ్లు కనిపిస్తే తినని వారుండరు. కానీ చాలా మంది మామిడి తొక్క తినేందుకు ఇష్టపడరు. నిజానికి.. పండుకన్నా తొక్కలోనే చాలా పోషకాలు ఉంటాయనే విషయం చాలా మందికి తెలియకపోవచ్చు. అవును.. మామిడి తొక్కలో పోషకాలు పుష్కలంగా ఉంటాయి. మామిడి తొక్కలో ఫైబర్, విటమిన్లు, మినరల్స్, యాంటీ ఆక్సిడెంట్లు పుష్కలంగా ఉంటాయి.
మధుమేహ వ్యాధిగ్రస్తులు పండిన మామిడి పండ్లను తినేటప్పుడు ఒకటికి రెండుసార్లు ఆలోచించి మరీ తింటుంటారు. కానీ మామిడి తొక్క మధుమేహ రోగులకు కీడుకన్నా మేలు అధికంగా చేస్తుంది. మామిడి తొక్కలో యాంటీ-డయాబెటిక్ లక్షణాలు ఉంటాయట. ఇవి రక్తంలో చక్కెర స్థాయిలను నియంత్రణలో ఉంచుతాయి. ఇన్సులిన్ సెన్సిటివిటీని మెరుగుపరుస్తాయని నిపుణులు చెబుతున్నారు.
మామిడి గింజలు వివిధ వైరస్లు, బ్యాక్టీరియా నుండి మనలను రక్షించడంలో సహాయపడతాయి. ఫలితంగా దీని వల్ల రోగనిరోధక శక్తి పెరుగుతుంది. మామిడి గింజలు ఉపయోగకరంగా ఉన్నా వీటిని నేరుగా తినలేం. మామిడి గింజలను రుబ్బుకుని, రాత్రి పడుకునే ముందు గోరువెచ్చని నీటితో మింగితే ప్రయోజనం ఉంటుంది.
మామిడి తొక్కలో టానిన్లు, ఫ్లేవనాయిడ్స్ వంటి శక్తివంతమైన యాంటీ ఆక్సిడెంట్లు ఉంటాయి. ఇవి పలు రకమైన గాయాన్ని నయం చేయడంలో సహాయపడతారు. మామిడి తొక్క పేస్ట్‌ను చర్మ ఇన్‌ఫెక్షన్‌లపై పూయడం వల్ల గాయం త్వరగా మానుతుంది.
మామిడి తొక్కలో యాంటీ ఇన్‌ఫ్లమేటరీ గుణాలు అధికంగా ఉంటాయి. ఇది శారీరక మంటను తగ్గిస్తుంది. మామిడి తొక్క ఆర్థరైటిస్ నొప్పిని తగ్గించడానికి, జీర్ణ ఆరోగ్యాన్ని మెరుగుపరచడానికి సహాయపడుతుంది. ఈ పండు తొక్క క్యాన్సర్ ప్రమాదాన్ని తగ్గిస్తుంది. మామిడి తొక్కతో స్మూతీస్, చట్నీలు కూడా చేసుకోవచ్చు. మామిడి తొక్క టీ తాగడం ఆరోగ్యానికి ఎంతో మంచిది. మామిడికాయ తొక్కను నీళ్లతో మరిగించి టీ తయారు చేసుకోవచ్చు. మామిడి తొక్కను ఆహారంలో ఉపయోగించే ముందు బాగా కడగాలి.