Beauty Tips: నల్ల మచ్చలు, మొటిమలతో విసిగిపోయారా? ఇదొక్కటి వాడితే ముఖం అద్దంలా మెరుస్తుంది!
Turmeric Ice Cubes: ఖరీదైన ఫేషియల్స్ అవసరం లేకుండానే మెరిసే చర్మాన్ని పొందాలనుకుంటున్నారా? పసుపు, రోజ్ వాటర్తో తయారుచేసే ఈ ప్రత్యేక ఐస్ క్యూబ్స్ నల్ల మచ్చలు, మొటిమలను తగ్గించి ముఖానికి సహజ కాంతిని అందించడంలో సహాయపడతాయి. వీటిని ఇంట్లోనే ఎలా తయారు చేయాలో తెలుసుకోండి.
Korean Beauty Secret: కొరియన్ అందగత్తెల్లా మచ్చలేని, లోపరహితమైన చర్మం కావాలని చాలా మంది కోరుకుంటారు. ఇందుకోసం ఖరీదైన ఫేషియల్స్, సీరమ్స్, రసాయన క్రీములపై వేల రూపాయలు ఖర్చు చేస్తుంటారు. అయితే మన ఇంట్లోనే సులభంగా దొరికే పసుపుతో కూడా చర్మానికి అద్భుతమైన సంరక్షణ అందించవచ్చు. శతాబ్దాలుగా ఆయుర్వేదంలో పసుపును చర్మ సౌందర్యానికి ఉపయోగిస్తున్నారు.
కేవలం పసుపును ముఖానికి రాయడం కంటే, దానిని ఐస్ క్యూబ్స్ రూపంలో ఉపయోగించడం మరింత ప్రయోజనకరంగా ఉంటుంది. పసుపులోని యాంటీ-ఇన్ఫ్లమేటరీ, యాంటీబ్యాక్టీరియల్ గుణాలు, ఐస్లోని చర్మాన్ని బిగుతుగా చేసే లక్షణాలు కలిసి పనిచేసి ముఖంపై ఉన్న నల్ల మచ్చలు, మొటిమల సమస్యలను తగ్గించడంలో సహాయపడతాయి. అంతేకాకుండా చర్మానికి సహజమైన కాంతిని కూడా అందిస్తాయి.
పసుపులో ఉండే కర్కుమిన్ (Curcumin) అనే శక్తివంతమైన సమ్మేళనం చర్మంలోని అధిక వర్ణద్రవ్యాన్ని తగ్గించి, నల్ల మచ్చలను క్రమంగా మసకబారుస్తుంది. అలాగే దానిలోని యాంటీబ్యాక్టీరియల్ గుణాలు మొటిమలకు కారణమయ్యే బ్యాక్టీరియాను నియంత్రించడంలో సహాయపడతాయి. మరోవైపు, ఐస్ క్యూబ్స్తో ముఖానికి మసాజ్ చేయడం వల్ల చర్మ రంధ్రాలు తాత్కాలికంగా కుంచించుకుపోయి, చర్మం మరింత మృదువుగా, తాజాగా కనిపిస్తుంది. చల్లదనం రక్త ప్రసరణను మెరుగుపరచి ముఖానికి సహజమైన గ్లోను తీసుకువస్తుంది.
పసుపు ఐస్ క్యూబ్స్ తయారీకి కావాల్సిన పదార్థాలు.. 1 టేబుల్ స్పూన్ పసుపు పొడి, అర కప్పు రోజ్ వాటర్, అర కప్పు మరిగించి చల్లార్చిన నీరు. తయారు చేసే విధానం.. ఒక గిన్నెలో రోజ్ వాటర్, మరిగించి చల్లార్చిన నీటిని కలపండి. అందులో పసుపు పొడి వేసి గడ్డలు లేకుండా బాగా కలపాలి. ఈ మిశ్రమాన్ని ఐస్ ట్రేలో పోసి 4 నుంచి 5 గంటల పాటు ఫ్రీజర్లో ఉంచండి. పూర్తిగా గడ్డకట్టిన తర్వాత పసుపు ఐస్ క్యూబ్స్ ఉపయోగానికి సిద్ధంగా ఉంటాయి.
ఉపయోగించే సరైన విధానం.. ముందుగా తేలికపాటి ఫేస్వాష్తో ముఖాన్ని శుభ్రంగా కడుక్కొని, మురికి, అదనపు నూనెను తొలగించండి. తర్వాత ఒక పసుపు ఐస్ క్యూబ్ను తీసుకుని, శుభ్రమైన పలుచని దూది గుడ్డలో చుట్టండి. ఆ క్యూబ్ను ముఖంపై గుండ్రంగా, సున్నితంగా మసాజ్ చేయండి. ముఖ్యంగా కళ్ల చుట్టూ ఉన్న సున్నితమైన చర్మంపై ఎక్కువసేపు ఉంచకండి. మసాజ్ పూర్తయ్యాక ముఖంపై ఏర్పడిన పసుపు నీటిని సుమారు 10 నిమిషాల పాటు అలాగే ఉండనివ్వండి. అనంతరం చల్లటి నీటితో ముఖాన్ని కడుక్కోవచ్చు.
గుర్తుంచుకోవాల్సిన విషయం.. పసుపు వల్ల కొంతసేపు చర్మంపై పసుపు రంగు కనిపించే అవకాశం ఉంటుంది. అందుకే ఈ ఐస్ క్యూబ్స్ను బయటకు వెళ్లే ముందు కాకుండా, రాత్రి సమయంలో లేదా ఇంట్లో ఉన్నప్పుడు ఉపయోగించడం మంచిది. అలాగే సున్నితమైన చర్మం ఉన్నవారు ముందుగా చిన్న భాగంలో పరీక్షించి తర్వాతే ఉపయోగించాలి. గమనిక: చర్మ సమస్యలు లేదా అలర్జీలు ఉన్నవారు ఏదైనా కొత్త గృహ చిట్కాను ఉపయోగించే ముందు చర్మ వైద్యుడి సలహా తీసుకోవడం ఉత్తమం.