Karonda Health Benefits: ఏడాదికోసారి దొరికే ఈ పండు తింటే పొట్ట, నడుము కొవ్వు వెన్నలా కరిగిపోతుంది..! మరెన్నో లాభాలు..
ఏడాదికోసారి వేసవిలో మాత్రమే లభించే ఈ పండు ఎన్నో ఔషధ గుణాలు కలిగి ఉంటుంది. కాయగా ఉన్నప్పుడు దీంతో ఊరగాయ, పచ్చడి తయారు చేస్తారు... ఇది తినేందుకు రుచికరమైనది మాత్రమే కాదు, అనేక ఆరోగ్య ప్రయోజనాలను కూడా కలిగిస్తుంది. ఈ పండు పరిమాణంలో చాలా చిన్నది. కానీ, ఉపయోగాలు మాత్రం చాలా పెద్దవి. ఇంతకీ ఆ కాయ ఏమిటి? దాని ప్రయోజనాలేంటో ఇక్కడ తెలుసుకుందాం..
కరోండాలో విటమిన్ సి, విటమిన్ ఎ అధికంగా ఉంటాయి. ఇది రోగనిరోధక శక్తిని పెంపొందించడమే కాకుండా వివిధ రకాల వ్యాధుల నుండి దూరంగా ఉంచుతుంది. కరోండా తినడం వల్ల జీర్ణశక్తి మెరుగుపడుతుంది. ఇది జీర్ణవ్యవస్థ మెరుగ్గా పనిచేయడానికి సహాయపడుతుంది. ఇది గ్యాస్, మలబద్ధకం, అసిడిటీ సమస్యల నుండి కూడా ఉపశమనాన్ని అందిస్తుంది.
కరోండాలో ఫైబర్ ఉంటుంది. కాబట్టి దీని రసం తాగడం వల్ల బరువు తగ్గుతారు. అదనంగా, ఈ కాయలో మంచి మొత్తంలో కాల్షియం నిండి ఉంటుంది. దీనిని తీసుకోవడం వల్ల ఎముకలు బలపడతాయి.
ఇందులో విటమిన్ సి, విటమిన్ ఎ ఉంటాయి. ఈ రెండు విటమిన్లు జుట్టుకు మేలు చేస్తాయి. అందువలన ఇది జుట్టు పెరుగుదలకు, తెల్ల జుట్టు నల్లబడటానికి, ఒత్తైన పొడవైన జుట్టుతో మీరు మరింత అందంగా కనిపించేలా చేస్తుంది.
కరోండా పండును క్రమం తప్పకుండా తీసుకోవడం వల్ల మానసిక ఆరోగ్యం మెరుగుపడుతుంది. ఇందులో మెగ్నీషియం, విటమిన్లు, ట్రిప్టోఫాన్ వంటి పోషకాలు ఉంటాయి. ఇది మొత్తం మానసిక ఆరోగ్యాన్ని మెరుగుపరచడంలో సహాయపడుతుంది. జ్ఞాపకశక్తిని కూడా మెరుగుపరుస్తుంది.
కరోండాలో ఐరన్ పుష్కలంగా ఉంటుంది. దీని వినియోగం వల్ల శరీరంలో హిమోగ్లోబిన్ పరిమాణం పెరుగుతుంది. రక్తహీనత సమస్యను కూడా నయం చేయడంలో సహాయపడుతుంది. పండిన లేదా ఎండిన కారోండా తినడం వల్ల జ్వరాన్ని నియంత్రించడంలో చాలా సహాయపడుతుంది.