Kitchen Tips: చపాతీ పిండిని ఇలా నిల్వ చేస్తే వారం రోజుల పాటు తాజాగా ఉంటుంది..!
ప్రస్తుతం చాలా మంది ఇళ్లలో ఉదయం, రాత్రి చపాతీయే ప్రధాన భోజనంగా మారిపోయింది పరిస్థితి. బరువు పెరగకుండా ఉంటారని, తగ్గుతారని భావించి. అన్నం కంటే చపాతీలనే ఎక్కువగా తింటున్నారు. కొందరు ఉదయం, మధ్యాహ్నం, రాత్రి మూడుపూటల చపాతీలనే తినేవాళ్లు కూడా ఉన్నారు. అయితే, ప్రతిసారి చపాతీ పిండిని తడిపేందుకు కొందరు బద్దకిస్తుంటారు. అలాంటి వారు ఒక రోజే మూడు రోజులకు సరిపడా చపాతీ పిండిని కలిపి ఫ్రిజ్లో నిల్వ చేసుకుంటూ ఉంటారు. అయితే, ఒకట్రెండు రోజుల్లో పిండి పాడైపోతే దాన్ని పారేస్తాం. ఇది, అన్ని ఇళ్లలో జరిగే సాధారణ సంఘటన. అందుకే చపాతీ పిండిని నిల్వ చేయడానికి ఇక్కడ కొన్ని సాధారణ చిట్కాలు ఉన్నాయి. ఇలా చేస్తే ఒక వారం పాటు మీరు తడిపి పెట్టు్కున్న చపాతీ పిండి తాజాగా ఉంటుంది .
పిండిని పిసికిన తర్వాత, ప్లాస్టిక్ ర్యాప్లో గట్టిగా చుట్టుకోవాలి. లేదంటే దానిని గాలి చొరబడని డబ్బాలో నిల్వ చేసుకుని ఫ్రిడ్జ్లో పెట్టుకోవాలి. ఎందుకంటే గాలికి ఉంటే పిండి ఆరిపోతుంది. ఈస్ట్ కార్యకలాపాలు, కిణ్వ ప్రక్రియను మందగించడానికి పిండిని ఫ్రిజ్లో నిల్వ చేయండి.
పిండిని చిన్న చిన్న ముద్దలుగా తయారు చేసుకుని, ఒక్కో ముద్దను తీసుకుని ప్రతి దాన్ని ప్లాస్టిక్ ర్యాప్ లేదా అల్యూమినియం ఫాయిల్లో గట్టిగా చుట్టుకోవాలి. ఇలా చేసుకున్న పిండిని రీసీలబుల్ ప్లాస్టిక్ సంచుల్లో నిల్వ చేసుకుని డీ ఫ్రిడ్జ్లో పెట్టుకోవాలి. మీరు దానిని ఉపయోగించే ముందు ఫ్రీజర్ నుండి బయటకు తీసుకోవాలి.
పిండిలోని గాలి ఆవిరై పోకుండా ఉండేందుకు పిండిని సీలు చేయగల ప్లాస్టిక్ బ్యాగ్లో లేదా గాలి చొరబడని కంటైనర్లో ఉంచండి. ఇది తేమను నిలుపుకోవడంలో సహాయపడుతుంది. పిండి ఎండిపోకుండా చేస్తుంది. సీలింగ్ చేయడానికి ముందు, బ్యాగ్ లేదా కంటైనర్ లో తడి, నిమ్ము లేకుండా గట్టిగా తుడిచేసుకోవాలి.
ఆలివ్ నూనె లేదా వంట నూనెతో పిండిముద్దపై లైట్గా బ్రష్ చేయండి. ఇలా చేస్తే గాలికి పిండి ఆరిపోకుండా ఉంటుంది. దీంతో పిండి పై భాగం కూడా గాలికి ఎండిపోకుండా స్మూత్గా ఉంటుంది. నూనె కూడా పిండికి కాస్త మంచి రుచిని అందిస్తుంది.
మీరు మొత్తం పిండిని ఒకేసారి ఉపయోగించకూడదనుకుంటే, నిల్వ చేయడానికి ముందు దానిని చిన్న భాగాలుగా విభజించడం మంచిది. ఇది మీకు అవసరమైనప్పుడు ఈజీగా తీసుకునేందుకు వీలుగా ఉంటుంది. ప్రతి సారి అనవసరంగా పిండిని గాలికి తగల కుండా ఉండేలా చేస్తుంది. దాంతో మిగిలిన పిండి నాణ్యంగా, తాజాగా ఉంటుంది.
కానీ, చపాతీ పిండిని ఫ్రిజ్లో పెట్టుకోవడం అస్సలు మంచిది కాదంటున్నారు ఆరోగ్య నిపుణులు. పిండిని రిఫ్రిజిరేటర్లో నిల్వ చేయడం వల్ల అందులో బ్యాక్టీరియా వృద్ధి చెందుతుంది. దీంతో చపాతీ, పూరీలు వంటివి తింటే ఫుడ్ పాయిజన్ అయ్యే ప్రమాదం ఉంది. ఇలా పిండి పాడయ్యే.. విషయం బయటకు పెద్దగా తెలియకపోవచ్చు. కానీ లోలోపల చర్య జరుగుతూనే ఉంటుంది. ఫ్రిజ్లో పెట్టిన చపాతీ పిండి.. మనకు తెలియని మార్గాల్లో ఆరోగ్యానికి హాని కలిగిస్తుంది. అందుకే, ఆరోగ్యం పట్ల అప్రమత్తంగా ఉండాలని నిపుణులు సూచిస్తున్నారు.